1 vnumber="1"> בנים אתם ליהוה אלהיכם לא תתגדדו ולא תשימו קרחה בין עיניכם--למת
2 vnumber="2"> כי עם קדוש אתה ליהוה אלהיך ובך בחר יהוה להיות לו לעם סגלה מכל העמים אשר על פני האדמה {ס}
art="x-p"/>
3 vnumber="3"> לא תאכל כל תועבה
4 vnumber="4"> זאת הבהמה אשר תאכלו שור שה כשבים ושה עזים
5 vnumber="5"> איל וצבי ויחמור ואקו ודישן ותאו וזמר
6 vnumber="6"> וכל בהמה מפרסת פרסה ושסעת שסע שתי פרסות מעלת גרה בבהמה--אתה תאכלו
7 vnumber="7"> אך את זה לא תאכלו ממעלי הגרה וממפריסי הפרסה השסועה את הגמל ואת הארנבת ואת השפן כי מעלה גרה המה ופרסה לא הפריסו--טמאים הם לכם
8 vnumber="8"> ואת החזיר כי מפריס פרסה הוא ולא גרה--טמא הוא לכם מבשרם לא תאכלו ובנבלתם לא תגעו {ס}
art="x-p"/>
9 vnumber="9"> את זה תאכלו מכל אשר במים כל אשר לו סנפיר וקשקשת תאכלו
10 vnumber="10"> וכל אשר אין לו סנפיר וקשקשת לא תאכלו--טמא הוא לכם {ס}
art="x-p"/>
11 vnumber="11"> כל צפור טהרה תאכלו
12 vnumber="12"> וזה אשר לא תאכלו מהם הנשר והפרס והעזניה
13 vnumber="13"> והראה ואת האיה והדיה למינה
14 vnumber="14"> ואת כל ערב למינו
15 vnumber="15"> ואת בת היענה ואת התחמס ואת השחף ואת הנץ למינהו
16 vnumber="16"> את הכוס ואת הינשוף והתנשמת
17 vnumber="17"> והקאת ואת הרחמה ואת השלך
18 vnumber="18"> והחסידה והאנפה למינה והדוכיפת והעטלף
19 vnumber="19"> וכל שרץ העוף טמא הוא לכם לא יאכלו
20 vnumber="20"> כל עוף טהור תאכלו
21 vnumber="21"> לא תאכלו כל נבלה לגר אשר בשעריך תתננה ואכלה או מכר לנכרי--כי עם קדוש אתה ליהוה אלהיך לא תבשל גדי בחלב אמו {פ}
art="x-p"/>
22 vnumber="22"> עשר תעשר את כל תבואת זרעך היצא השדה שנה שנה
23 vnumber="23"> ואכלת לפני יהוה אלהיך במקום אשר יבחר לשכן שמו שם מעשר דגנך תירשך ויצהרך ובכרת בקרך וצאנך למען תלמד ליראה את יהוה אלהיך--כל הימים
24 vnumber="24"> וכי ירבה ממך הדרך כי לא תוכל שאתו--כי ירחק ממך המקום אשר יבחר יהוה אלהיך לשום שמו שם כי יברכך יהוה אלהיך
25 vnumber="25"> ונתתה בכסף וצרת הכסף בידך והלכת אל המקום אשר יבחר יהוה אלהיך בו
26 vnumber="26"> ונתתה הכסף בכל אשר תאוה נפשך בבקר ובצאן וביין ובשכר ובכל אשר תשאלך נפשך ואכלת שם לפני יהוה אלהיך ושמחת אתה וביתך
27 vnumber="27"> והלוי אשר בשעריך לא תעזבנו כי אין לו חלק ונחלה עמך {ס}
art="x-p"/>
28 vnumber="28"> מקצה שלש שנים תוציא את כל מעשר תבואתך בשנה ההוא והנחת בשעריך
29 vnumber="29"> ובא הלוי כי אין לו חלק ונחלה עמך והגר והיתום והאלמנה אשר בשעריך ואכלו ושבעו--למען יברכך יהוה אלהיך בכל מעשה ידך אשר תעשה {ס}
art="x-p"/>