1 vnumber="1"> ואשוב ואשא עיני ואראה והנה מגלה עפה
2 vnumber="2"> ויאמר אלי מה אתה ראה ואמר אני ראה מגלה עפה--ארכה עשרים באמה ורחבה עשר באמה
3 vnumber="3"> ויאמר אלי--זאת האלה היוצאת על פני כל הארץ כי כל הגנב מזה כמוה נקה וכל הנשבע מזה כמוה נקה
4 vnumber="4"> הוצאתיה נאם יהוה צבאות ובאה אל בית הגנב ואל בית הנשבע בשמי לשקר ולנה בתוך ביתו וכלתו ואת עציו ואת אבניו
5 vnumber="5"> ויצא המלאך הדבר בי ויאמר אלי--שא נא עיניך וראה מה היוצאת הזאת
6 vnumber="6"> ואמר מה היא ויאמר זאת האיפה היוצאת ויאמר זאת עינם בכל הארץ
7 vnumber="7"> והנה ככר עפרת נשאת וזאת אשה אחת יושבת בתוך האיפה
8 vnumber="8"> ויאמר זאת הרשעה וישלך אתה אל תוך האיפה וישלך את אבן העופרת אל פיה {ס}
art="x-p"/>
9 vnumber="9"> ואשא עיני וארא והנה שתים נשים יוצאות ורוח בכנפיהם ולהנה כנפים ככנפי החסידה ותשאנה את האיפה בין הארץ ובין השמים
10 vnumber="10"> ואמר אל המלאך הדבר בי אנה המה מולכות את האיפה
11 vnumber="11"> ויאמר אלי לבנות לה בית בארץ שנער והוכן והניחה שם על מכנתה {ס}
art="x-p"/>