1 рмЕрмирмирнНрмдрм░ рм╕рмжрм╛рмкрнНрм░рмнрнБ рм╣рм╛рм░рнЗрм╛рмгрмЩрнНрмХрнБ рмХрм╣рм┐рм▓рнЗ, рмдрнБрморнНрмнрнЗ рмУ рмдрнБрморнНрмн рм╕рм╣рм┐рмд рмдрнБрморнНрмн рмкрнБрмдрнНрм░рмЧрмг рмУ рмдрнБрморнНрмнрм░ рмкрм┐рмдрнГрммрмВрм╢, рмдрнБрморнНрмнрнЗрморм╛рмирнЗ рмкрммрм┐рмдрнНрм░ рм╕рнНрмерм╛рмирмШрмЯрм┐рмд рмЕрмкрм░рм╛рмз рммрм╣рм┐рмм; рмкрнБрмгрм┐ рмдрнБрморнНрмнрнЗ рмУ рмдрнБрморнНрмн рм╕рм╣рм┐рмд рмдрнБрморнНрмн рмкрнБрмдрнНрм░рмЧрмг рмпрм╛рмЬрмХрмдрнНрм╡-рмкрмжрмШрмЯрм┐рмд рмЕрмкрм░рм╛рмз рммрм╣рм┐рмм ред
2 рмЖрмЙ рмдрнБрморнНрмнрнЗ рм▓рнЗрммрнА рммрмВрм╢рнАрнЯ рмдрнБрморнНрмнрм░ рмнрнНрм░рм╛рмдрнГрмЧрмгрмХрнБ, рмЕрм░рнНрмерм╛рмдрнН, рмдрнБрморнНрмнрм░ рмкрм┐рмдрнГрммрмВрм╢рнАрнЯрморм╛рмирмЩрнНрмХрнБ рмЖрмкрмгрм╛ рм╕рмЩрнНрмЧрнЗ рмирм┐рмХрмЯрмХрнБ рмЖрмг, рм╕рнЗрморм╛рмирнЗ рмдрнБрморнНрмн рм╕рм╣рм┐рмд рмпрнЗрм╛рмЧ рмжрнЗрммрнЗ рмУ рмдрнБрморнНрмнрм░ рм╕рнЗрммрм╛ рмХрм░рм┐рммрнЗ; рморм╛рмдрнНрм░ рмдрнБрморнНрмнрнЗ рмУ рмдрнБрморнНрмн рм╕рм╣рм┐рмд рмдрнБрморнНрмн рмкрнБрмдрнНрм░рмЧрмг рм╕рм╛рмХрнНрм╖рнНрнЯрмдрморнНрм╡рнБ рм╕рморнНрморнБрмЦрм░рнЗ рм░рм╣рм┐рмм ред
3 рмкрнБрмгрм┐ рм╕рнЗрморм╛рмирнЗ рмдрнБрморнНрмнрм░ рм░рмХрнНрм╖рмгрнАрнЯ рмУ рм╕рморнБрмжрм╛рнЯ рмдрморнНрм╡рнБрм░ рм░рмХрнНрм╖рмгрнАрнЯ рм░рмХрнНрм╖рм╛ рмХрм░рм┐рммрнЗ; рмпрнЗрмкрм░рм┐ рм╕рнЗрморм╛рмирнЗ, рмЕрммрм╛ рмдрнБрморнНрмнрнЗрморм╛рмирнЗ рми рморм░, рмПрмерм┐рмкрм╛рмЗрмБ рм╕рнЗрморм╛рмирнЗ рмХрнЗрммрм│ рмкрммрм┐рмдрнНрм░ рм╕рнНрмерм╛рмирм░ рмкрм╛рмдрнНрм░ рмирм┐рмХрмЯрмХрнБ рмУ рммрнЗрмжрм┐ рмирм┐рмХрмЯрмХрнБ рмпрм┐рммрнЗ рмирм╛рм╣рм┐рмБ ред
4 рм╕рнЗрморм╛рмирнЗ рмдрнБрморнНрмн рм╕рм╣рм┐рмд рмпрнЗрм╛рмЧ рмжрнЗрмЗ рмдрморнНрм╡рнБрм░ рм╕рморм╕рнНрмд рм╕рнЗрммрм╛рмХрм░рнНрмо рмЕрмирнБрм╕рм╛рм░рнЗ рм╕рморм╛рмЧрмо-рмдрморнНрм╡рнБрм░ рм░рмХрнНрм╖рмгрнАрнЯ рм░рмХрнНрм╖рм╛ рмХрм░рм┐рммрнЗ, рмЖрмЙ рмХрнЗрнЧрмгрм╕рм┐ рмЕрмирнНрнЯ рммрмВрм╢рнАрнЯ рм▓рнЗрм╛рмХ рм╕рнЗрморм╛рмирмЩрнНрмХ рмирм┐рмХрмЯрмХрнБ рмпрм┐рмм рмирм╛рм╣рм┐рмБ ред
5 рмкрнБрмгрм┐ рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рмкрнНрм░рмдрм┐ рмпрнЗрмкрм░рм┐ рмЖрмЙ рмХрнНрм░рнЗрм╛рмз рмЙрмкрм╕рнНрмерм┐рмд рми рм╣рнБрмП, рмПрмерм┐рмкрм╛рмЗрмБ рмдрнБрморнНрмнрнЗрморм╛рмирнЗ рмкрммрм┐рмдрнНрм░ рм╕рнНрмерм╛рмирм░ рм░рмХрнНрм╖рмгрнАрнЯ рмУ рммрнЗрмжрм┐рм░ рм░рмХрнНрм╖рмгрнАрнЯ рм░рмХрнНрм╖рм╛ рмХрм░рм┐рмм ред
6 рмЖрмЙ рмЖрморнНрмнрнЗ, рмжрнЗрмЦ, рмЖрморнНрмнрнЗ рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рмормзрнНрнЯрм░рнБ рмдрнБрморнНрмнрморм╛рмирмЩрнНрмХрм░ рмнрнНрм░рм╛рмдрнГрмЧрмг рм▓рнЗрммрнАрнЯрморм╛рмирмЩрнНрмХрнБ рмЧрнНрм░рм╣рмг рмХрм░рм┐рмЕрмЫрнБ, рм╕рнЗрморм╛рмирнЗ рм╕рморм╛рмЧрмо-рмдрморнНрм╡рнБрм░ рм╕рнЗрммрм╛рмХрм░рнНрмо рмирм┐рмормирнНрмдрнЗ рмдрнБрморнНрмнрморм╛рмирмЩрнНрмХ рмкрнНрм░рмдрм┐ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмжрмдрнНрмд рмжрм╛рми рмЕрмЯрмирнНрмдрм┐ ред
7 рмПрмгрнБ рмдрнБрморнНрмнрнЗ рмУ рмдрнБрморнНрмн рм╕рм╣рм┐рмд рмдрнБрморнНрмн рмкрнБрмдрнНрм░рмЧрмг, рмдрнБрморнНрмнрнЗрморм╛рмирнЗ рммрнЗрмжрм┐ рм╕рморнНрм╡рмирнНрмзрнАрнЯ рм╕рмХрм│ рммрм┐рм╖рнЯрм░рнЗ рмУ рммрм┐рмЪрнНрмЫрнЗрмжрммрм╕рнНрмдрнНрм░ рмнрм┐рмдрм░рнЗ рмЖрмкрмгрм╛рм░ рмпрм╛рмЬрмХрмдрнНрм╡ рмкрм╛рм│рми рмХрм░рм┐рмм рмУ рмдрнБрморнНрмнрнЗрморм╛рмирнЗ рм╕рнЗрммрм╛ рмХрм░рм┐рмм ред рмЖрморнНрмнрнЗ (рмЖрмкрмгрм╛) рмжрм╛рмирмЬрмирм┐рмд рм╕рнЗрммрм╛ рм░рнВрмкрнЗ рмдрнБрморнНрмнрморм╛рмирмЩрнНрмХрнБ рмпрм╛рмЬрмХрмдрнНрм╡ рмкрмж рмжрнЗрм▓рнБ; рморм╛рмдрнНрм░ рмпрнЗрмЙрмБ рмЕрмирнНрнЯ рммрмВрм╢рнАрнЯ рм▓рнЗрм╛рмХ рмирм┐рмХрмЯрмХрнБ рмЖрм╕рнЗ, рмдрм╛рм╣рм╛рм░ рмкрнНрм░рм╛рмгрмжрмгрнНрмд рм╣рнЗрмм ред
8 рмЕрмирмирнНрмдрм░ рм╕рмжрм╛рмкрнНрм░рмнрнБ рм╣рм╛рм░рнЗрм╛рмгрмЩрнНрмХрнБ рмХрм╣рм┐рм▓рнЗ, рмЖрм╣рнБрм░рм┐ рмЖрморнНрмнрнЗ, рмжрнЗрмЦ, рмЖрморнНрмнрнЗ рмЖрмкрмгрм╛ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░, рмЕрм░рнНрмерм╛рмдрнН, рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмгрм░ рм╕рморм╕рнНрмд рмкрммрм┐рмдрнНрм░рнАрмХрнГрмд рмжрнНрм░рммрнНрнЯрм░ рмнрм╛рм░ рмдрнБрморнНрмнрмЩрнНрмХрнБ рмжрнЗрм▓рнБ, рмдрнБрморнНрмнрм░ рмЕрмнрм┐рм╖рнЗрмХ рм╣рнЗрмдрнБрм░рнБ рмдрнБрморнНрмнрмХрнБ рмУ рмдрнБрморнНрмнрм░ рм╕рмирнНрмдрм╛рмирмЧрмгрмХрнБ рмЕрмирмирнНрмдрмХрм╛рм│рнАрми рмЕрмзрм┐рмХрм╛рм░ рмирм┐рмормирнНрмдрнЗ рмдрм╛рм╣рм╛рм╕рммрнБ рмжрнЗрм▓рнБ ред
9 рмЕрмЧрнНрмирм┐рмХрнГрмд рморм╣рм╛рмкрммрм┐рмдрнНрм░ рмЙрмкрм╣рм╛рм░ рмормзрнНрнЯрм░рнБ рм░рмХрнНрм╖рм┐рмд рмПрм╣рм╛рм╕рммрнБ рмдрнБрморнНрмнрм░ рм╣рнЗрмм; рмЖрморнНрмн рмЙрмжрнНрмжрнЗрм╢рнНрнЯрм░рнЗ рм╕рнЗрморм╛рмирнЗ рмпрм╛рм╣рм╛ рмЙрмдрнНрм╕рм░рнНрмЧ рмХрм░рм┐рммрнЗ, рмПрмкрм░рм┐ рм╕рнЗрморм╛рмирмЩрнНрмХрм░ рмкрнНрм░рмдрнНрнЯрнЗрмХ рмЙрмкрм╣рм╛рм░, рмЕрм░рнНрмерм╛рмдрнН, рм╕рнЗрморм╛рмирмЩрнНрмХрм░ рмкрнНрм░рмдрнНрнЯрнЗрмХ рмнрмХрнНрм╖рнНрнЯ-рмирнЗрнЦрммрнЗрмжрнНрнЯ рмУ рм╕рнЗрморм╛рмирмЩрнНрмХрм░ рмкрнНрм░рмдрнНрнЯрнЗрмХ рмкрм╛рмкрм╛рм░рнНрмермХ рммрм│рм┐ рмУ рм╕рнЗрморм╛рмирмЩрнНрмХрм░ рмкрнНрм░рмдрнНрнЯрнЗрмХ рмжрнЗрм╛рм╖рм╛рм░рнНрмермХ рммрм│рм┐ рмдрнБрморнНрмн рмУ рмдрнБрморнНрмн рмкрнБрмдрнНрм░рмЧрмг рмирм┐рмормирнНрмдрнЗ рморм╣рм╛рмкрммрм┐рмдрнНрм░ рм╣рнЗрмм ред
10 рмдрнБрморнНрмнрнЗ рмдрм╛рм╣рм╛ рморм╣рм╛рмкрммрм┐рмдрнНрм░ рмжрнНрм░рммрнНрнЯ рмормгрм┐ рмдрм╣рм┐рмБрм░рнБ рмнрнЗрм╛рмЬрми рмХрм░рм┐рмм; рмкрнНрм░рмдрнНрнЯрнЗрмХ рмкрнБрм░рнБрм╖ рмдрм╣рм┐рмБрм░рнБ рмнрнЗрм╛рмЬрми рмХрм░рм┐рмм; рмдрм╛рм╣рм╛ рмдрнБрморнНрмн рмкрнНрм░рмдрм┐ рмкрммрм┐рмдрнНрм░ рм╣рнЗрмм ред
11 рмЖрмЙ рмПрм╣рм╛ рмдрнБрморнНрмнрм░ рмЕрмЯрнЗ; рмЕрм░рнНрмерм╛рмдрнН, рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмгрм░ рм╕рморм╕рнНрмд рмжрнЗрм╛рм│рмирнАрнЯ рмирнЗрнЦрммрнЗрмжрнНрнЯрм░ рмжрм╛рми рмормзрнНрнЯрм░рнБ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░; рмЖрморнНрмнрнЗ рмЕрмирмирнНрмдрмХрм╛рм│рнАрми рмЕрмзрм┐рмХрм╛рм░рм╛рм░рнНрмернЗ рмдрм╛рм╣рм╛рм╕рммрнБ рмдрнБрморнНрмнрмХрнБ рмУ рмдрнБрморнНрмн рм╕рм╣рм┐рмд рмдрнБрморнНрмнрм░ рмкрнБрмдрнНрм░рмЧрмгрмХрнБ рмУ рмдрнБрморнНрмнрм░ рмХрмирнНрнЯрм╛рмЧрмгрмХрнБ рмжрнЗрм▓рнБ; рмдрнБрморнНрмн рмЧрнГрм╣рм╕рнНрмерм┐рмд рмкрнНрм░рмдрнНрнЯрнЗрмХ рм╢рнБрмЪрм┐ рм▓рнЗрм╛рмХ рмдрм╛рм╣рм╛ рмнрнЗрм╛рмЬрми рмХрм░рм┐рмм ред
12 рм╕рнЗрморм╛рмирнЗ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЖрмкрмгрм╛-рморм╛рмирмЩрнНрмХрм░ рм╕рморм╕рнНрмд рмЙрмдрнНрмдрмо рмдрнЗрнЦрм│ рмУ рм╕рморм╕рнНрмд рмЙрмдрнНрмдрмо рмжрнНрм░рм╛рмХрнНрм╖рм╛рмлрм│ рмУ рм╢рм╕рнНрнЯ, рмпрнЗ рмпрнЗ рмкрнНрм░рмермормЬрм╛рмд рмлрм│ рмЙрмдрнНрм╕рм░рнНрмЧ рмХрм░рм┐рммрнЗ, рмдрм╛рм╣рм╛рм╕рммрнБ рмЖрморнНрмнрнЗ рмдрнБрморнНрмнрмХрнБ рмжрнЗрм▓рнБ ред
13 рм╕рнЗрморм╛рмирнЗ рмЖрмкрмгрм╛ рмЖрмкрмгрм╛ рмнрнВрморм┐рм░рнБ рмЙрмдрнНрмкрмирнНрми рмпрнЗрм╕рммрнБ рмкрнНрм░рмермо рмкрмХрнНрм╡ рмлрм│ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЙрмдрнНрм╕рм░рнНрмЧ рмХрм░рмирнНрмдрм┐, рм╕рнЗрм╕рммрнБ рмдрнБрморнНрмнрм░ рм╣рнЗрмм; рмдрнБрморнНрмн рмЧрнГрм╣рм╕рнНрмерм┐рмд рмкрнНрм░рмдрнНрнЯрнЗрмХ рм╢рнБрмЪрм┐ рм▓рнЗрм╛рмХ рмдрм╛рм╣рм╛ рмнрнЗрм╛рмЬрми рмХрм░рм┐рмм ред
14 рмЗрм╕рнНрм░рм╛рмПрм▓ рмормзрнНрнЯрм░рнЗ рммрм░рнНрмЬрм┐рмд рммрм╕рнНрмдрнБрм╕рммрнБ рмдрнБрморнНрмнрм░ рм╣рнЗрмм ред
15 рм╕рнЗрморм╛рмирнЗ рмормирнБрм╖рнНрнЯ рмХрм┐ рмкрм╢рнБрморм╛рмирмЩрнНрмХ рмормзрнНрнЯрм░рнБ рмпрнЗрм╕рморм╕рнНрмд рмкрнНрм░рмермормЬрм╛рмд рмЧрм░рнНрмнрмлрм│ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЙрмдрнНрм╕рм░рнНрмЧ рмХрм░рмирнНрмдрм┐, рм╕рнЗрм╕рморм╕рнНрмд рмдрнБрморнНрмнрм░ рм╣рнЗрмм; рмдрмерм╛рмкрм┐ рмдрнБрморнНрмнрнЗ рмормирнБрм╖рнНрнЯрм░ рмкрнНрм░рмермормЬрм╛рмдрмХрнБ рмЕрммрм╢рнНрнЯ рморнБрмХрнНрмд рмХрм░рм┐рмм, рмкрнБрмгрм┐ рмдрнБрморнНрмнрнЗ рмЕрм╢рнБрмЪрм┐ рмкрм╢рнБрм░ рмкрнНрм░рмермормЬрм╛рмдрмХрнБ рморнБрмХрнНрмд рмХрм░рм┐рмм ред
16 рмкрнБрмгрм┐ рмпрнЗрмЙрмБрморм╛рмирнЗ рмПрмХ рморм╛рм╕ рммрнЯрм╕рнНрмХ рмЕрммрмзрм┐ рморнБрмХрнНрмд рмХрм░рм╛рмпрм┐рммрнЗ, рм╕рнЗрм╕рморм╕рнНрмдрмЩрнНрмХрнБ рмдрнБрморнНрмнрм░ рмирм┐рм░рнВрмкрмгрнАрнЯ рморнВрм▓рнНрнЯрм░рнЗ рмкрммрм┐рмдрнНрм░ рм╕рнНрмерм╛рмирм░ рмХрнЗрм╛рнЬрм┐рмП рмЧрнЗрм░рм╛ рмкрм░рм┐рморм┐рмд рм╢рнЗрмХрм▓ рмЕрмирнБрм╕рм╛рм░рнЗ рмкрм╛рмЮрнНрмЪ рм╢рнЗрмХрм▓ рм░рнВрмкрм╛рм░рнЗ рморнБрмХрнНрмд рмХрм░рм┐рмм ред
17 рморм╛рмдрнНрм░ рмдрнБрморнНрмнрнЗ рмЧрнЗрм╛рм░рнБрм░ рмкрнНрм░рмермормЬрм╛рмдрмХрнБ рмЕрммрм╛ рморнЗрм╖рм░ рмкрнНрм░рмермормЬрм╛рмдрмХрнБ рмЕрммрм╛ рмЫрм╛рмЧрм░ рмкрнНрм░рмермормЬрм╛рмдрмХрнБ рморнБрмХрнНрмд рмХрм░рм┐рмм рмирм╛рм╣рм┐рмБ, рм╕рнЗрморм╛рмирнЗ рмкрммрм┐рмдрнНрм░; рмдрнБрморнНрмнрнЗ рммрнЗрмжрм┐ рмЙрмкрм░рнЗ рм╕рнЗрморм╛рмирмЩрнНрмХрм░ рм░рмХрнНрмд рм╕рнЗрмЪрми рмХрм░рм┐рмм, рмкрнБрмгрм┐ рмдрнБрм╖рнНрмЯрм┐рмЬрмирмХ рмЖрмШрнНрм░рм╛рмгрм╛рм░рнНрмернЗ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЕрмЧрнНрмирм┐рмХрнГрмд рмЙрмкрм╣рм╛рм░ рмирм┐рмормирнНрмдрнЗ рм╕рнЗрморм╛рмирмЩрнНрмХрм░ рморнЗрмж рмжрмЧрнНрмз рмХрм░рм┐рмм ред
18 рмЖрмЙ рм╕рнЗрморм╛рмирмЩрнНрмХрм░ рморм╛рмВрм╕ рмдрнБрморнНрмнрм░ рм╣рнЗрмм, рмпрнЗрмкрм░рм┐ рмжрнЗрм╛рм│рмирнАрнЯ рмирнЗрнЦрммрнЗрмжрнНрнЯрм╛рм░рнНрмермХ рммрмХрнНрм╖ рмУ рмжрмХрнНрм╖рм┐рмг рмЪрмЯрнБрмЖ, рм╕рнЗрмкрм░рм┐ рмдрм╛рм╣рм╛ рмдрнБрморнНрмнрм░ рм╣рнЗрмм ред
19 рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рмпрнЗрм╕рморм╕рнНрмд рммрм╕рнНрмдрнБ рмкрммрм┐рмдрнНрм░ рмХрм░рм┐ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░ рм░рнВрмкрнЗ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЙрмдрнНрм╕рм░рнНрмЧ рмХрм░рмирнНрмдрм┐, рм╕рнЗрм╕рмХрм│ рмЖрморнНрмнрнЗ рмЕрмирмирнНрмдрмХрм╛рм│рнАрми рмЕрмзрм┐рмХрм╛рм░рм╛рм░рнНрмернЗ рмдрнБрморнНрмнрмХрнБ рмУ рмдрнБрморнНрмн рм╕рм╣рм┐рмд рмдрнБрморнНрмн рмкрнБрмдрнНрм░рмЧрмгрмХрнБ рмУ рмдрнБрморнНрмн рмХрмирнНрнЯрм╛рмЧрмгрмХрнБ рмжрнЗрм▓рнБ; рмдрнБрморнНрмн рмУ рмдрнБрморнНрмн рм╕рмЩрнНрмЧрнЗ рмдрнБрморнНрмн рммрмВрм╢ рмкрмХрнНрм╖рм░рнЗ рмПрм╣рм╛ рм╕рмжрм╛рмкрнНрм░рмнрнБрмЩрнНрмХ рм╕рм╛рмХрнНрм╖рм╛рмдрм░рнЗ рмЕрмирмирнНрмдрмХрм╛рм│рнАрми рм▓рммрмгрм░ рмирм┐рнЯрмо ред
20 рмЖрм╣рнБрм░рм┐ рм╕рмжрм╛рмкрнНрм░рмнрнБ рм╣рм╛рм░рнЗрм╛рмгрмЩрнНрмХрнБ рмХрм╣рм┐рм▓рнЗ, рм╕рнЗрморм╛рмирмЩрнНрмХ рмнрнВрморм┐рм░рнЗ рмдрнБрморнНрмнрм░ рмХрнЗрнЧрмгрм╕рм┐ рмЕрмзрм┐рмХрм╛рм░ рм░рм╣рм┐рмм рмирм╛рм╣рм┐рмБ; рмУ рм╕рнЗрморм╛рмирмЩрнНрмХ рмормзрнНрнЯрм░рнЗ рмдрнБрморнНрмнрм░ рмХрнЗрнЧрмгрм╕рм┐ рммрм╛рмгрнНрмЯ рм░рм╣рм┐рмм рмирм╛рм╣рм┐рмБ; рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рмормзрнНрнЯрм░рнЗ рмЖрморнНрмнрнЗ рм╣рм┐рмБ рмдрнБрморнНрмнрм░ рммрм╛рмгрнНрмЯ рмУ рмдрнБрморнНрмнрм░ рмЕрмзрм┐рмХрм╛рм░ ред
21 рмЖрмЙ рмжрнЗрмЦ, рм▓рнЗрммрнА-рм╕рмирнНрмдрм╛рмирмЧрмг рмпрнЗрмЙрмБ рм╕рнЗрммрм╛-рмХрм╛рм░рнНрмпрнНрнЯ рмХрм░рмирнНрмдрм┐, рм╕рморм╛рмЧрмо-рмдрморнНрм╡рнБ рм╕рморнНрм╡рмирнНрмзрнАрнЯ рм╕рнЗрморм╛рмирмЩрнНрмХ рм╕рнЗрм╣рм┐ рм╕рнЗрммрм╛рмХрм╛рм░рнНрмпрнНрнЯрм░ рмкрм░рм┐рм╢рнЗрм╛рмзрм░рнЗ рмЖрморнНрмнрнЗ рм╕рнЗрморм╛рмирмЩрнНрмХ рмЕрмзрм┐рмХрм╛рм░рм╛рм░рнНрмернЗ рмЗрм╕рнНрм░рм╛рмПрм▓ рмормзрнНрнЯрм░рнЗ рм╕рморм╕рнНрмд рмжрм╢рморм╛рмВрм╢ рмжрнЗрм▓рнБ ред
22 рмЖрмЙ рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рмкрм╛рмк рммрм╣рм┐ рмпрнЗрмкрм░рм┐ рми рморм░рмирнНрмдрм┐, рмПрмерм┐рмкрм╛рмЗрмБ,рмПрм╣рм┐ рм╕рморнЯрмарм╛рм░рнБ рм╕рнЗрморм╛рмирнЗ рм╕рморм╛рмЧрмо-рмдрморнНрм╡рнБ рмирм┐рмХрмЯрмХрнБ рмЖрм╕рм┐рммрнЗ рмирм╛рм╣рм┐рмБ ред
23 рморм╛рмдрнНрм░ рм▓рнЗрммрнАрнЯрморм╛рмирнЗ рм╕рморм╛рмЧрмо-рмдрморнНрм╡рнБрм░ рм╕рнЗрммрм╛рмХрм╛рм░рнНрмпрнНрнЯ рмХрм░рм┐рммрнЗ рмУ рм╕рнЗрморм╛рмирнЗ рмЖрмкрмгрм╛ рмЖрмкрмгрм╛ рмЕрмкрм░рм╛рмз рммрм╣рм┐рммрнЗ; рмПрм╣рм╛ рмдрнБрморнНрмнрморм╛рмирмЩрнНрмХрм░ рмкрнБрм░рнБрм╖рм╛рмирнБрмХрнНрм░рморм╕рнНрмерм╛рнЯрнА рмЕрмирмирнНрмдрмХрм╛рм│рнАрми рммрм┐рмзрм┐,рмкрнБрмгрм┐ рм╕рнЗрморм╛рмирнЗ рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рмормзрнНрнЯрм░рнЗ рмХрнЗрнЧрмгрм╕рм┐ рмЕрмзрм┐рмХрм╛рм░ рмкрм╛рмЗрммрнЗ рмирм╛рм╣рм┐рмБ ред
24 рмХрм╛рм░рмг рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░ рм░рнВрмкрнЗ рмпрнЗрмЙрмБ рмжрм╢рморм╛рмВрм╢ рмЙрмдрнНрм╕рм░рнНрмЧ рмХрм░рмирнНрмдрм┐,рмдрм╛рм╣рм╛ рмЖрморнНрмнрнЗ рм▓рнЗрммрнАрнЯрморм╛рмирмЩрнНрмХрнБ рмЕрмзрм┐рмХрм╛рм░рм╛рм░рнНрмернЗ рмжрнЗрм▓рнБ; рмПрм╣рнЗрмдрнБ рмЖрморнНрмнрнЗ рм╕рнЗрморм╛рмирмЩрнНрмХ рммрм┐рм╖рнЯрм░рнЗ рмХрм╣рм┐рм▓рнБ, рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмг рмормзрнНрнЯрм░рнЗ рм╕рнЗрморм╛рмирнЗ рмХрнЗрнЧрмгрм╕рм┐ рмЕрмзрм┐рмХрм╛рм░ рмкрм╛рмЗрммрнЗ рмирм╛рм╣рм┐рмБ ред
25 рмЕрмирмирнНрмдрм░ рм╕рмжрм╛рмкрнНрм░рмнрнБ рморнЗрм╛рм╢рм╛рмЩрнНрмХрнБ рмХрм╣рм┐рм▓рнЗ,
26 рмЖрм╣рнБрм░рм┐ рмдрнБрморнНрмнрнЗ рм▓рнЗрммрнАрнЯрморм╛рмирмЩрнНрмХрнБ рмХрм╣рм┐рмм, рмЖрморнНрмнрнЗ рмдрнБрморнНрмнрморм╛рмирмЩрнНрмХ рмЕрмзрм┐рмХрм╛рм░рм╛рм░рнНрмернЗ рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмгрмарм╛рм░рнБ рмпрнЗрмЙрмБ рмжрм╢рморм╛рмВрм╢ рмдрнБрморнНрмнрморм╛рмирмЩрнНрмХрнБ рмжрнЗрм▓рнБ, рмдрм╛рм╣рм╛ рмпрнЗрмдрнЗрммрнЗрм│рнЗ рмдрнБрморнНрмнрнЗ рм╕рнЗрморм╛рмирмЩрнНрмХрмарм╛рм░рнБ рмЧрнНрм░рм╣рмг рмХрм░рм┐рмм, рм╕рнЗрмдрнЗрммрнЗрм│рнЗ рмдрнБрморнНрмнрнЗрморм╛рмирнЗ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░ рм░рнВрмкрнЗ рм╕рнЗрм╣рм┐ рмжрм╢рморм╛рмВрм╢рм░ рмжрм╢рморм╛рмВрм╢ рмЙрмдрнНрм╕рм░рнНрмЧ рмХрм░рм┐рмм ред
27 рмдрнБрморнНрмнрморм╛рмирмЩрнНрмХ рмПрм╣рм┐ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░ рмЦрм│рм╛рм░ рм╢рм╕рнНрнЯ рмдрнБрм▓рнНрнЯ рмУ рмжрнНрм░рм╛рмХрнНрм╖рм╛рмпрмирнНрмдрнНрм░рм░ рмкрнВрм░рнНрмгрнНрмгрмдрм╛ рмдрнБрм▓рнНрнЯ рмдрнБрморнНрмнрморм╛рмирмЩрнНрмХ рмкрмХрнНрм╖рм░рнЗ рмЧрмгрм╛рмпрм┐рмм ред
28 рмПрм╣рм┐рм░рнВрмкрнЗ рмдрнБрморнНрмнрнЗрморм╛рмирнЗ рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмгрмарм╛рм░рнБ рмпрнЗрмЙрмБ рмжрм╢рморм╛рмВрм╢ рмЧрнНрм░рм╣рмг рмХрм░рм┐рмм, рмдрм╣рм┐рмБрм░рнБ рмдрнБрморнНрмнрнЗрморм╛рмирнЗ рм╣рм┐рмБ рм╕рмжрм╛рмкрнНрм░рмнрнБрмЩрнНрмХ рмЙрмжрнНрмжрнЗрм╢рнНрнЯрм░рнЗ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░ рмЙрмдрнНрм╕рм░рнНрмЧ рмХрм░рм┐рмм; рмкрнБрмгрм┐ рмдрм╣рм┐рмБрм░рнБ рмдрнБрморнНрмнрнЗрморм╛рмирнЗ рм╕рмжрм╛рмкрнНрм░рмнрнБрмЩрнНрмХ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░ рм╣рм╛рм░рнЗрм╛рмг рмпрм╛рмЬрмХрмХрнБ рмжрнЗрмм ред
29 рмдрнБрморнНрмнрморм╛рмирмЩрнНрмХрм░ рмкрнНрм░рм╛рмкрнНрмд рм╕рморм╕рнНрмд рмжрм╛рми рмормзрнНрнЯрм░рнБ рм╕рнЗ рм╕рмжрм╛рмкрнНрм░рмнрнБрмЩрнНрмХ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░, рмЕрм░рнНрмерм╛рмдрнН, рмдрм╣рм┐рмБрм░ рм╕рморм╕рнНрмд рмЙрмдрнНрмдрмо рмжрнНрм░рммрнНрнЯрм░рнБ рмдрм╣рм┐рмБрм░ рмкрммрм┐рмдрнНрм░ рмЕрмВрм╢ рмЙрмдрнНрм╕рм░рнНрмЧ рмХрм░рм┐рмм ред
30 рмПрм╣рнЗрмдрнБ рмдрнБрморнНрмнрнЗ рм╕рнЗрморм╛рмирмЩрнНрмХрнБ рмХрм╣рм┐рмм, рмдрнБрморнНрмнрнЗрморм╛рмирнЗ рмпрнЗрмдрнЗрммрнЗрм│рнЗ рмдрм╣рм┐рмБрм░рнБ рмЙрмдрнНрмдрмо рмжрнНрм░рммрнНрнЯ рмЙрмдрнНрмдрнЗрм╛рм│рмирнАрнЯ рмЙрмкрм╣рм╛рм░ рм░рнВрмкрнЗ рмЙрмдрнНрм╕рм░рнНрмЧ рмХрм░рм┐рмм, рм╕рнЗрмдрнЗрммрнЗрм│рнЗ рмдрм╛рм╣рм╛ рм▓рнЗрммрнАрнЯрморм╛рмирмЩрнНрмХ рмкрмХрнНрм╖рм░рнЗ рмЦрм│рм╛рм░рнБ рмЙрмдрнНрмкрмирнНрми рмжрнНрм░рммрнНрнЯ рмУ рмжрнНрм░рм╛рмХрнНрм╖рм╛рмпрмирнНрмдрнНрм░рм░рнБ рмЙрмдрнНрмкрмирнНрми рмжрнНрм░рммрнНрнЯ рммрнЗрм╛рм▓рм┐ рмЧрмгрм╛рмпрм┐рмм ред
31 рмкрнБрмгрм┐ рмдрнБрморнНрмнрнЗрморм╛рмирнЗ рмУ рмдрнБрморнНрмнрморм╛рмирмЩрнНрмХ рмкрм░рм┐рмЬрмирмЧрмг рм╕рммрнБ рм╕рнНрмерм╛рмирм░рнЗ рмдрм╛рм╣рм╛ рмнрнЗрм╛рмЬрми рмХрм░рм┐рмм; рмХрм╛рм░рмг рмдрм╛рм╣рм╛ рм╕рморм╛рмЧрмо-рмдрморнНрм╡рнБрм░рнЗ рмХрнГрмд рмдрнБрморнНрмнрморм╛рмирмЩрнНрмХ рм╕рнЗрммрм╛рмХрм╛рм░рнНрмпрнНрнЯ рмкрм░рм┐рм╢рнЗрм╛рмзрм░рнЗ рмдрнБрморнНрмнрморм╛рмирмЩрнНрмХрм░ рмкрнБрм░рм╕рнНрмХрм╛рм░ рмЕрмЯрнЗ ред
32 рмЖрмЙ рмдрм╣рм┐рмБрм░рнБ рм╕рнЗрм╣рм┐ рмЙрмдрнНрмдрмо рмжрнНрм░рммрнНрнЯ рмЙрмкрм╣рм╛рм░ рм░рнВрмкрнЗ рмЙрмдрнНрм╕рм░рнНрмЧ рмХрм▓рнЗ, рмдрнБрморнНрмнрнЗрморм╛рмирнЗ рмдрмжрнНрмжрнНрм╡рм╛рм░рм╛ рмШрмЯрм┐рмд рмХрнЗрнЧрмгрм╕рм┐ рмкрм╛рмк рммрм╣рм┐рмм рмирм╛рм╣рм┐рмБ; рмкрнБрмгрм┐ рмдрнБрморнНрмнрнЗрморм╛рмирнЗ рмпрнЗрмкрм░рм┐ рми рморм░, рмПрмерм┐рмкрм╛рмЗрмБ рмЗрм╕рнНрм░рм╛рмПрм▓-рм╕рмирнНрмдрм╛рмирмЧрмгрм░ рмкрммрм┐рмдрнНрм░ рмжрнНрм░рммрнНрнЯ рмЕрмкрммрм┐рмдрнНрм░ рмХрм░рм┐рмм рмирм╛рм╣рм┐рмБ ред