1 рмЕрмирмирнНрмдрм░ рм╕рмжрм╛рмкрнНрм░рмнрнБрмЩрнНрмХрм░ рммрм╛рмХрнНрнЯ рморнЗрм╛╩╝ рмирм┐рмХрмЯрм░рнЗ рмЙрмкрм╕рнНрмерм┐рмд рм╣рнЗрм▓рм╛, рмпрмерм╛,
2 рм╣рнЗ рмормирнБрм╖рнНрнЯ-рм╕рмирнНрмдрм╛рми, рмдрнБрморнНрмнрнЗ рмпрм┐рм░рнВрм╢рм╛рм▓рмо рмЖрнЬрнЗ рмЖрмкрмгрм╛ рморнБрмЦ рм░рмЦ, рмкрммрм┐рмдрнНрм░ рм╕рнНрмерм╛рмирм╕рморнВрм╣рм░ рмЖрнЬрнЗ рмЖрмкрмгрм╛ рммрм╛рмХрнНрнЯ рммрм░рнНрм╖рмг рмХрм░ рмУ рмЗрм╕рнНрм░рм╛рмПрм▓ рмжрнЗрм╢ рммрм┐рм░рнБрмжрнНрмзрм░рнЗ рмнрммрм┐рм╖рнНрнЯрмжрнН-рммрм╛рмХрнНрнЯ рмкрнНрм░рмЪрм╛рм░ рмХрм░,
3 рмЖрмЙ, рмЗрм╕рнНрм░рм╛рмПрм▓ рмжрнЗрм╢рмХрнБ рмХрнБрм╣, рм╕рмжрм╛рмкрнНрм░рмнрнБ рмПрм╣рм┐ рмХрмерм╛ рмХрм╣рмирнНрмдрм┐, рмжрнЗрмЦ, рмЖрморнНрмнрнЗ рмдрнБрморнНрмнрм░ рмкрнНрм░рмдрм┐рмХрнВрм│ рмЕрмЯрнБ рмУ рмЖрморнНрмнрнЗ рмЖрмкрмгрм╛ рмЦрмбрм╝рнНтАНрмЧ рмХрнЗрм╛рм╖рм░рнБ рммрм╛рм╣рм╛рм░ рмХрм░рм┐ рмдрнБрморнНрмн рмормзрнНрнЯрм░рнБ рмзрм╛рм░рнНрморм┐рмХ рмУ рмжрнБрм╖рнНрмЯрмХрнБ рмЙрмЪрнНрмЫрм┐рмирнНрми рмХрм░рм┐рммрм╛ ред
4 рмЖрморнНрмнрнЗ рмдрнБрморнНрмн рмормзрнНрнЯрм░рнБ рмзрм╛рм░рнНрморм┐рмХ рмУ рмжрнБрм╖рнНрмЯрмХрнБ рмЙрмЪрнНрмЫрм┐рмирнНрми рмХрм░рм┐рммрм╛, рмПрмерм┐рмкрм╛рмЗрмБ рмЖрморнНрмнрм░ рмЦрмбрм╝рнНтАНрмЧ рмХрнЗрм╛рм╖рм░рнБ рммрм╛рм╣рм╛рм░рм┐ рмжрмХрнНрм╖рм┐рмгрмарм╛рм░рнБ рмЙрмдрнНрмдрм░ рмкрм░рнНрмпрнНрнЯрмирнНрмд рм╕рморм╕рнНрмд рмкрнНрм░рм╛рмгрнАрм░ рммрм┐рм░рнБрмжрнНрмзрм░рнЗ рмпрм┐рмм;
5 рмдрм╣рм┐рмБрм░рнЗ рм╕рморм╕рнНрмд рмкрнНрм░рм╛рмгрнА рмЬрм╛рмгрм┐рммрнЗ рмпрнЗ, рмЖрморнНрмнрнЗ рм╕рмжрм╛рмкрнНрм░рмнрнБ рмЖрмкрмгрм╛ рмЦрмбрм╝рнНтАНрмЧ рмХрнЗрм╛рм╖рм░рнБ рммрм╛рм╣рм╛рм░ рмХрм░рм┐рмЕрмЫрнБ; рмдрм╛рм╣рм╛ рмЖрмЙ рмлрнЗрм░рм┐рмм рмирм╛рм╣рм┐рмБ ред
6 рмПрм╣рнЗрмдрнБ рм╣рнЗ рмормирнБрм╖рнНрнЯ-рм╕рмирнНрмдрм╛рми, рмдрнБрморнНрмнрнЗ рмжрнАрм░рнНрмШ рмирм┐рмГрм╢рнНрм╡рм╛рм╕ рмЫрм╛рнЬ; рмдрнБрморнНрмнрнЗ рмЖрмкрмгрм╛ рмХрмЯрнА рмнрм╛рмЩрнНрмЧрм┐ рмормирм╕рнНрмдрм╛рмкрмкрнВрм░рнНрммрмХ рм╕рнЗрморм╛рмирмЩрнНрмХ рм╕рм╛рмХрнНрм╖рм╛рмдрм░рнЗ рмжрнАрм░рнНрмШ рмирм┐рмГрм╢рнНрм╡рм╛рм╕ рмЫрм╛рнЬрм┐рмм ред
7 рмЖрмЙ, рмдрнБрморнНрмнрнЗ рмХрм┐рм╣рнЗрмдрнБ рмжрнАрм░рнНрмШ рмирм┐рмГрм╢рнНрм╡рм╛рм╕ рмЫрм╛рнЬрнБрмЕрмЫ? рмП рмХрмерм╛ рмпрнЗрммрнЗ рм╕рнЗрморм╛рмирнЗ рмдрнБрморнНрмнрмХрнБ рмкрмЪрм╛рм░рм┐рммрнЗ, рмдрнЗрммрнЗ рмдрнБрморнНрмнрнЗ рмХрм╣рм┐рмм, рм╕рморнНрм╡рм╛рмж рм╕рмХрм╛рм╢рнЗ, рмХрм╛рм░рмг рмдрм╛рм╣рм╛ рмЖрм╕рнБрмЕрмЫрм┐; рмдрм╣рм┐рмБрм░рнЗ рмкрнНрм░рмдрнНрнЯрнЗрмХ рм╣рнГрмжрнЯ рмдрм░рм│рм┐ рмпрм┐рмм рмУ рм╕рмХрм│ рм╣рм╕рнНрмд рмжрнБрм░рнНрммрм│ рм╣рнЗрмм, рмкрнНрм░рмдрнНрнЯрнЗрмХ рморми рмХрнНрм│рм╛; рм╣рнЗрмм рмУ рм╕рморм╕рнНрмд рмЖрмгрнНрмарнБ рмЬрм│ рмкрм░рм┐ рм╣рнЗрмм; рмжрнЗрмЦ, рмдрм╛рм╣рм╛ рмЖрм╕рнБрмЕрмЫрм┐ рмУ рмдрм╛рм╣рм╛ рм╕рм┐рмжрнНрмз рм╣рнЗрмм, рмПрм╣рм╛ рмкрнНрм░рмнрнБ рм╕рмжрм╛рмкрнНрм░рмнрнБ рмХрм╣рмирнНрмдрм┐ ред
8 рмЕрмирмирнНрмдрм░ рм╕рмжрм╛рмкрнНрм░рмнрнБрмЩрнНрмХрм░ рммрм╛рмХрнНрнЯ рморнЗрм╛╩╝ рмирм┐рмХрмЯрм░рнЗ рмЙрмкрм╕рнНрмерм┐рмд рм╣рнЗрм▓рм╛, рмпрмерм╛,
9 рм╣рнЗ рмормирнБрм╖рнНрнЯ-рм╕рмирнНрмдрм╛рми, рмдрнБрморнНрмнрнЗ рмнрммрм┐рм╖рнНрнЯрмжрнНрммрм╛рмХрнНрнЯ рмкрнНрм░рмЪрм╛рм░ рмХрм░рм┐ рмХрнБрм╣, рм╕рмжрм╛рмкрнНрм░рмнрнБ рмПрм╣рм┐ рмХрмерм╛ рмХрм╣рмирнНрмдрм┐; рмХрнБрм╣, рмЦрмбрм╝рнНтАНрмЧ, рмЦрмбрм╝рнНтАНрмЧ, рмдрм╛рм╣рм╛ рм╢рм╛рмгрм┐рмд рмУ рмормзрнНрнЯ рморм╛рм░рнНрмЬрнНрмЬрм┐рмд рм╣рнЗрм╛рмЗрмЕрмЫрм┐;
10 рм╣рмдрнНрнЯрм╛ рмХрм░рм┐рммрм╛ рмирм┐рмормирнНрмдрнЗ рмдрм╛рм╣рм╛ рм╢рм╛рмгрм┐рмд рм╣рнЗрм╛рмЗрмЕрмЫрм┐, рммрм┐рмЬрнБрм│рм┐ рмкрм░рм┐ рм╣рнЗрммрм╛ рмкрм╛рмЗрмБ рмдрм╛рм╣рм╛ рморм╛рм░рнНрмЬрм┐рмд рм╣рнЗрм╛рмЗрмЕрмЫрм┐; рмдрнЗрммрнЗ рмЖрморнНрмнрнЗрморм╛рмирнЗ рмХрм┐ рмЖрморнЗрм╛рмж рмкрнНрм░рморнЗрм╛рмж рмХрм░рм┐рммрм╛? рмЖрморнНрмн рмкрнБрмдрнНрм░рм░ рм░рм╛рмЬрмжрмгрнНрмд рмпрм╛рммрмдрнАрнЯ рмХрм╛рм╖рнНрмармХрнБ рмдрнБрмЪрнНрмЫ рмХрм░рнЗ ред
11 рмкрнБрмгрм┐, рм╣рм╛рмдрм░рнЗ рмзрм░рм╛рмпрм┐рммрм╛ рмирм┐рмормирнНрмдрнЗ рмдрм╛рм╣рм╛ рморм╛рм░рнНрмЬрм┐рмд рм╣рнЗрммрм╛ рмкрм╛рмЗрмБ рмжрм┐рмЖрмпрм╛рмЗрмЕрмЫрм┐; рм╣рмирнНрмдрм╛рм░ рм╣рм╕рнНрмдрм░рнЗ рмжрнЗрммрм╛ рмирм┐рмормирнНрмдрнЗ рмЦрмбрм╝рнНтАНрмЧ рм╢рм╛рмгрм┐рмд рмУ рморм╛рм░рнНрмЬрм┐рмд рм╣рнЗрм╛рмЗрмЕрмЫрм┐ ред
12 рм╣рнЗ рмормирнБрм╖рнНрнЯ-рм╕рмирнНрмдрм╛рми, рмХрнНрм░рмирнНрмжрми рмУ рм╣рм╛рм╣рм╛рмХрм╛рм░ рмХрм░; рмХрм╛рм░рмг рмдрм╛рм╣рм╛ рмЖрморнНрмнрм░ рм▓рнЗрм╛рмХрморм╛рмирмЩрнНрмХ рммрм┐рм░рнБрмжрнНрмзрм░рнЗ, рмЗрм╕рнНрм░рм╛рмПрм▓рм░ рм╕рморм╕рнНрмд рмЕрмзрм┐рмкрмдрм┐рмЧрмгрм░ рммрм┐рм░рнБрмжрнНрмзрм░рнЗ рмЙрмкрм╕рнНрмерм┐рмд рм╣рнЗрм╛рмЗрмЕрмЫрм┐; рм╕рнЗрморм╛рмирнЗ рмЖрморнНрмн рм▓рнЗрм╛рмХрморм╛рмирмЩрнНрмХ рм╕рм╣рм┐рмд рмЦрмбрм╝рнНтАНрмЧрм░рнЗ рм╕рморм░рнНрмкрм┐рмд рм╣рнЗрм╛рмЗрмЕрмЫрмирнНрмдрм┐, рмПрмгрнБ рмдрнБрморнНрмнрнЗ рмЖрмкрмгрм╛ рмКрм░рнБрмжрнЗрм╢рм░рнЗ рмЖрмШрм╛рмд рмХрм░ ред
13 рмХрм╛рм░рмг рмкрм░рнАрмХрнНрм╖рм╛ рмЧрнЗрм╛рмЯрм┐рмП рмЕрмЫрм┐, рмкрнБрмгрм┐ рм╕рнЗрм╣рм┐ рмдрнБрмЪрнНрмЫрмХрм╛рм░рнА рм░рм╛рмЬрмжрмгрнНрмд рмпрнЗрммрнЗ рмЖрмЙ рми рм░рм╣рнЗ, рмдрнЗрммрнЗ рмдрм╣рм┐рмБрм░рнЗ рм╣рм┐рмБ рмХрм┐? рмПрм╣рм╛ рмкрнНрм░рмнрнБ рм╕рмжрм╛рмкрнНрм░рмнрнБ рмХрм╣рмирнНрмдрм┐ ред
14 рмПрм╣рнЗрмдрнБ рм╣рнЗ рмормирнБрм╖рнНрнЯ-рм╕рмирнНрмдрм╛рми, рмдрнБрморнНрмнрнЗ рмнрммрм┐рм╖рнНрнЯрмжрнНрммрм╛рмХрнНрнЯ рмкрнНрм░рмЪрм╛рм░ рмХрм░ рмУ рмдрнБрморнНрмн рмжрнБрмЗ рм╣рм╕рнНрмд рмПрмХрмдрнНрм░ рморм╛рм░; рм╕рнЗрм╣рм┐ рмЦрмбрм╝рнНтАНрмЧ, рмЖрм╣рмд рм▓рнЗрм╛рмХрморм╛рмирмЩрнНрмХрм░ рмЦрмбрм╝рнНтАНрмЧ рмжрнБрмЗрмЧрнБрмг, рмдрм┐рмирм┐рмЧрнБрмг рм╣рнЗрмЙ; рмдрм╛рм╣рм╛ рмЖрм╣рмд рморм╣рмд рм▓рнЗрм╛рмХрм░ рмЦрмбрм╝рнНтАНрмЧ, рмдрм╛рм╣рм╛ рм╕рнЗрморм╛рмирмЩрнНрмХ рмнрм┐рмдрм░ рмХрнЗрм╛рмарм░рм┐рм░рнЗ рмкрнНрм░рммрнЗрм╢ рмХрм░рнЗ ред
15 рм╕рнЗрморм╛рмирмЩрнНрмХрм░ рмЕрмирнНрмдрмГрмХрм░рмг рмпрнЗрмкрм░рм┐ рмдрм░рм│рм┐ рмпрм╛рмП рмУ рм╕рнЗрморм╛рмирмЩрнНрмХрм░ рммрм┐рм╕рнНрмдрм░ рммрм┐рмШрнНрми рмЬрмирнНрморнЗ, рмПрмерм┐рмкрм╛рмЗрмБ рмЖрморнНрмнрнЗ рм╕рнЗрморм╛рмирмЩрнНрмХрм░ рм╕рмХрм│ рмирмЧрм░-рмжрнНрм╡рм╛рм░ рммрм┐рм░рнБрмжрнНрмзрм░рнЗ рмЦрмбрм╝рнНтАНрмЧрм░ рмЕрмЧрнНрм░рмнрм╛рмЧ рм░рмЦрм┐рмЕрмЫрнБ; рмЖрмГ! рмдрм╛рм╣рм╛ рммрм┐рмЬрнБрм│рм┐ рмдрнБрм▓рнНрнЯ рмирм┐рм░рнНрморм┐рмд, рм╣рмдрнНрнЯрм╛ рмХрм░рм┐рммрм╛ рмирм┐рмормирнНрмдрнЗ рмдрм╛рм╣рм╛ рмдрнАрмХрнНрм╖рнНрмг рмХрм░рм╛рмпрм╛рмЗрмЕрмЫрм┐ ред
16 рмдрнБрморнНрмнрнЗ рмЖрмкрмгрм╛рмХрнБ рмПрмХрмдрнНрм░ рмХрм░, рмбрм╛рм╣рм╛рмгрмХрнБ рмпрм╛рмЕ, рмЖрмкрмгрм╛рмХрнБ рм╕рмЬрм╛рмЗ рммрм╛рмо рмЖрнЬрнЗ рмпрм╛рмЕ; рмпрнЗрмХрнЗрнЧрмгрм╕рм┐ рмЖрнЬрнЗ рмдрнБрморнНрмнрм░ рморнБрмЦ рм░рмЦрм╛рмпрм╛рмЗрмЕрмЫрм┐ (рмЖрмкрмгрм╛рмХрнБ рмкрнНрм░рм╕рнНрмдрнБрмд рмХрм░) ред
17 рмЖрморнНрмнрнЗ рмормзрнНрнЯ рмЖрмкрмгрм╛рм░ рмжрнБрмЗ рм╣рм╕рнНрмд рмПрмХрмдрнНрм░ рморм╛рм░рм┐рммрм╛ рмУ рмЖрморнНрмнрнЗ рмЖрмкрмгрм╛ рмХрнЗрм╛рмкрмХрнБ рмдрнГрмкрнНрмд рмХрм░рм╛рмЗрммрм╛; рмЖрморнНрмнрнЗ рм╕рмжрм╛рмкрнНрм░рмнрнБ рмПрм╣рм╛ рмХрм╣рм┐рмЕрмЫрнБ ред
18 рмкрнБрмирм░рнНрммрм╛рм░ рм╕рмжрм╛рмкрнНрм░рмнрнБрмЩрнНрмХрм░ рммрм╛рмХрнНрнЯ рморнЗрм╛╩╝ рмирм┐рмХрмЯрм░рнЗ рмЙрмкрм╕рнНрмерм┐рмд рм╣рнЗрм▓рм╛, рмпрмерм╛,
19 рм╣рнЗ рмормирнБрм╖рнНрнЯ-рм╕рмирнНрмдрм╛рми, рммрм╛рммрм┐рм▓ рм░рм╛рмЬрм╛рм░ рмЦрмбрм╝рнНтАНрмЧ рмЖрм╕рм┐рммрм╛ рмкрм╛рмЗрмБ рмдрнБрморнНрмнрнЗ рмЖрм╣рнБрм░рм┐ рмжрнБрмЗ рмкрме рмирм┐рм░рнВрмкрмг рмХрм░; рм╕рнЗ рмжрнБрмЗ рмкрме рмПрмХ рмжрнЗрм╢рм░рнБ рмЖрм╕рм┐рмм; рмЖрмЙ, рмдрнБрморнНрмнрнЗ рмПрмХ рм╕рнНрмерм╛рми рмЪрм┐рм╣рнНрмирм┐рмд рмХрм░, рмирмЧрм░рмЧрм╛рморнА рмкрме-рморнБрмгрнНрмдрм░рнЗ рмЪрм┐рм╣рнНрмирм┐рмд рмХрм░ ред
20 рмЕрморнНрморнЗрм╛рми рм╕рмирнНрмдрм╛рмирмЧрмгрм░ рм░рммрнНрммрм╛рмХрнБ рмУ рмкрнНрм░рм╛рмЪрнАрм░-рммрнЗрм╖рнНрмЯрм┐рмд рмпрм┐рм░рнВрм╢рм╛рм▓рморм╕рнНрме рмпрм┐рм╣рнБрмжрм╛рмХрнБ рмЦрмбрм╝рнНтАНрмЧ рмЖрм╕рм┐рммрм╛ рмирм┐рмормирнНрмдрнЗ рмдрнБрморнНрмнрнЗ рмкрме рмкрнНрм░рм╕рнНрмдрнБрмд рмХрм░ ред
21 рмХрм╛рм░рмг рммрм╛рммрм┐рм▓ рм░рм╛рмЬрм╛ рмормирнНрмдрнНрм░ рмкрм╛рма рмХрм░рм┐рммрм╛ рмирм┐рмормирнНрмдрнЗ рмжрнБрмЗ рмкрмерм░ рм╕рмЩрнНрмЧрмо рм╕рнНрмерм╛рмирм░рнЗ, рмЕрм░рнНрмерм╛рмдрнН, рмжрнБрмЗ рмкрмерм░ рморнБрмгрнНрмдрм░рнЗ рмарм┐рмЖ рм╣рнЗрм▓рм╛; рм╕рнЗ рмдрнАрм░рм╕рммрнБ рмПрмгрнЗрмдрнЗрмгрнЗ рм╣рм▓рм╛рмЗрм▓рм╛, рм╕рнЗ рмарм╛рмХрнБрм░рморм╛рмирмЩрнНрмХрнБ рмормирнНрмдрнНрм░рмгрм╛ рмкрмЪрм╛рм░рм┐рм▓рм╛, рм╕рнЗ рмпрмХрнГрмдрнН рмирм┐рм░рнАрмХрнНрм╖рмг рмХрм▓рм╛ ред
22 рмдрм╛рм╣рм╛рм░ рмжрмХрнНрм╖рм┐рмг рм╣рм╕рнНрмдрм░рнЗ рмпрм┐рм░рнВрм╢рм╛рм▓рмо рмирм╛рморм░рнЗ, рмЕрм░рнНрмерм╛рмдрнН, рм╕рнЗрм╕рнНрмерм╛рмирм░рнЗ рмкрнНрм░рм╛рмЪрнАрм░рмнрнЗрмжрмХ рмпрмирнНрмдрнНрм░ рм╕рнНрмерм╛рмкрми рмХрм░рм┐рммрм╛рмХрнБ, рммрмзрмЖрмЬрнНрмЮрм╛ рмжрнЗрммрм╛рмХрнБ, рмЙрмЪрнНрмЪрм╕рнНрм╡рм░рм░рнЗ рм╕рм┐рмВрм╣рмирм╛рмж рмХрм░рм┐рммрм╛рмХрнБ, рмирмЧрм░рм░ рмжрнНрм╡рм╛рм░рм╕рморнВрм╣рм░ рммрм┐рм░рнБрмжрнНрмзрм░рнЗ рмкрнНрм░рм╛рмЪрнАрм░-рмнрнЗрмжрмХ рмпрмирнНрмдрнНрм░ рм╕рнНрмерм╛рмкрми рмХрм░рм┐рммрм╛рмХрнБ, рммрмирнНрмз рммрм╛рмирнНрмзрм┐рммрм╛рмХрнБ рмУ рмжрнБрм░рнНрмЧ рмирм┐рм░рнНрморм╛рмг рмХрм░рм┐рммрм╛рмХрнБ рмпрм┐рм░рнВрм╢рм╛рм▓рморм░ рмирм╛рморм░рнЗ рмормирнНрмдрнНрм░ рмЙрмарм┐рм▓рм╛ ред
23 рморм╛рмдрнНрм░ рм╕рнЗрморм╛рмирмЩрнНрмХ рмкрнНрм░рмдрм┐, рмЕрм░рнНрмерм╛рмдрнН, рмпрнЗрмЙрмБрморм╛рмирнЗ рмерм░рм░рнБрмерм░ рм╕рнЗрморм╛рмирмЩрнНрмХ рмирм┐рмХрмЯрм░рнЗ рм╢рмкрме рмХрм░рм┐рмЕрмЫрмирнНрмдрм┐, рм╕рнЗрморм╛рмирмЩрнНрмХ рмжрнГрм╖рнНрмЯрм┐рм░рнЗ рмдрм╛рм╣рм╛ рморм┐рмернНрнЯрм╛ рммрнЗрм╛рмз рм╣рнЗрмм; рмдрмерм╛рмкрм┐ рм╕рнЗрморм╛рмирнЗ рмпрнЗрмкрм░рм┐ рмзрм░рм╛рмпрм┐рммрнЗ, рмПрмерм┐рмкрм╛рмЗрмБ рм╕рнЗ рм╕рнЗрморм╛рмирмЩрнНрмХрм░ рмЕрмзрм░рнНрмо рм╕рнНрморм░рмгрм░рнЗ рмЖрмгрм┐рммрнЗ ред
24 рмПрм╣рнЗрмдрнБ рмкрнНрм░рмнрнБ рм╕рмжрм╛рмкрнНрм░рмнрнБ рмПрм╣рм┐ рмХрмерм╛ рмХрм╣рмирнНрмдрм┐, рмдрнБрморнНрмнрморм╛рмирмЩрнНрмХрм░ рмЖрмЬрнНрмЮрм╛рм▓рмШрмВрмирм╕рммрнБ рмЕрмирм╛рммрнГрмд рм╣рнЗрммрм╛рм░рнЗ рмдрнБрморнНрмнрнЗрморм╛рмирнЗ рмЖрмкрмгрм╛рморм╛рмирмЩрнНрмХрм░ рмЕрмзрм░рнНрмо рм╕рнНрморм░рмг рмХрм░рм╛рмЗрмЕрмЫ, рмПрмерм┐рмкрм╛рмЗрмБ рмдрнБрморнНрмнрморм╛рмирмЩрнНрмХрм░ рм╕рмХрм│ рмХрнНрм░рм┐рнЯрм╛рм░рнЗ рмдрнБрморнНрмнрморм╛рмирмЩрнНрмХрм░ рмкрм╛рмк рмкрнНрм░рмХрм╛рм╢ рмкрм╛рмП; рмдрнБрморнНрмнрнЗрморм╛рмирнЗ рм╕рнНрморм░рмгрмХрнБ рмЖрм╕рм┐рммрм╛рм░рнБ рмдрнБрморнНрмнрнЗрморм╛рмирнЗ рм╣рм╕рнНрмдрм░рнЗ рмзрм░рм╛рмпрм┐рмм ред
25 рмкрнБрмгрм┐, рм╣рнЗ рмЖрм╣рмд рмжрнБрм╖рнНрмЯрмЗрм╕рнНрм░рм╛рмПрм▓рнАрнЯ рмЕрмзрм┐рмкрмдрм┐, рмЕрмирнНрмдрм┐рмо рмЕрмкрм░рм╛рмз рм╕рморнЯрм░рнЗ рмдрнБрморнНрмнрм░ рмжрм┐рми рмЙрмкрм╕рнНрмерм┐рмд рм╣рнЗрм╛рмЗрмЕрмЫрм┐;
26 рмкрнНрм░рмнрнБ рм╕рмжрм╛рмкрнНрм░рмнрнБ рмПрм╣рм┐ рмХрмерм╛ рмХрм╣рмирнНрмдрм┐; рм╢рм┐рм░рнЗрм╛рмнрнВрм╖рмг рмжрнВрм░ рмХрм░, рм░рм╛рмЬрморнБрмХрнБрмЯ рмХрм╛рнЭрм┐ рмкрмХрм╛рмЕ; рмПрм╣рм╛ рм╕рнЗрмкрм░рм┐ рмЖрмЙ рм░рм╣рм┐рмм рмирм╛рм╣рм┐рмБ; рмпрм╛рм╣рм╛ рмирнАрмЪ, рмдрм╛рм╣рм╛рмХрнБ рмЙрмЪрнНрмЪ рмХрм░ рмУ рмпрм╛рм╣рм╛ рмЙрмЪрнНрмЪ, рмдрм╛рм╣рм╛рмХрнБ рмирнАрмЪ рмХрм░ ред
27 рмЖрморнНрмнрнЗ рмдрм╛рм╣рм╛ рмУрм▓рмЯрм╛рмЗ рмкрмХрм╛рмЗрммрм╛, рмУрм▓рмЯрм╛рмЗ рмкрмХрм╛рмЗрммрм╛, рмУрм▓рмЯрм╛рмЗ рмкрмХрм╛рмЗрммрм╛; рмпрнЗ рмЕрмзрм┐рмХрм╛рм░рнА рмЕрмЯрмирнНрмдрм┐, рм╕рнЗ рми рмЖрм╕рм┐рммрм╛ рмкрм░рнНрмпрнНрнЯрмирнНрмд рмПрм╣рм╛ рмормзрнНрнЯ рмЖрмЙ рм░рм╣рм┐рмм рмирм╛рм╣рм┐рмБ, рмдрм╣рнБрмБ рмЖрморнНрмнрнЗ рмдрм╛рм╣рм╛рмЩрнНрмХрнБ рмПрм╣рм╛ рмжрнЗрммрм╛ ред
28 рмкрнБрмгрм┐ рм╣рнЗ рмормирнБрм╖рнНрнЯ-рм╕рмирнНрмдрм╛рми, рмдрнБрморнНрмнрнЗ рмнрммрм┐рм╖рнНрнЯрмжрнНрммрм╛рмХрнНрнЯ рмкрнНрм░рмЪрм╛рм░ рмХрм░рм┐ рмХрнБрм╣, рмкрнНрм░рмнрнБ рм╕рмжрм╛рмкрнНрм░рмнрнБ рмЕрморнНрморнЗрм╛рми-рм╕рмирнНрмдрм╛рмирмЧрмг рммрм┐рм╖рнЯрм░рнЗ рмУ рм╕рнЗрморм╛рмирмЩрнНрмХ рмЕрмкрморм╛рми рммрм┐рм╖рнЯрм░рнЗ рмПрм╣рм┐ рмХрмерм╛ рмХрм╣рмирнНрмдрм┐; рмдрнБрморнНрмнрнЗ рмХрнБрм╣, рмЕрмирнНрмдрм┐рмо рмЕрмзрм░рнНрмо рм╕рморнЯрм░рнЗ рмпрнЗрмЙрмБрморм╛рмирмЩрнНрмХрм░ рмжрм┐рми рмЙрмкрм╕рнНрмерм┐рмд рм╣рнЗрм╛рмЗрмЕрмЫрм┐, рмПрмкрм░рм┐ рмЖрм╣рмд рмжрнБрм╖рнНрмЯ рм▓рнЗрм╛рмХрморм╛рмирмЩрнНрмХрм░ рмЧрнНрм░рнАрммрм╛ рмЙрмкрм░рнЗ рмдрнБрморнНрмнрмХрнБ рмернЗрм╛рмЗрммрм╛ рмирм┐рмормирнНрмдрнЗ рм▓рнЗрм╛рмХрморм╛рмирнЗ рмдрнБрморнНрмн рмкрм╛рмЗрмБ рмЕрм╕рм╛рм░ рмжрм░рнНрм╢рми рмкрм╛рмЗрм▓рнЗ рм╣рнЗрмБрмЗ рмУ рмдрнБрморнНрмн рмирм┐рмХрмЯрм░рнЗ рморм┐рмернНрнЯрм╛ рмормирнНрмдрнНрм░ рмкрм╛рма рмХрм▓рнЗ рм╣рнЗрмБ,
29 рмЦрмбрм╝рнНтАНрмЧ, рмЦрмбрм╝рнНтАНрмЧ рмирм┐рм╖рнНрмХрнЗрм╛рм╖ рм╣рнЗрм╛рмЗрмЕрмЫрм┐, рм╣рмдрнНрнЯрм╛ рмУ рмЧрнНрм░рм╛рм╕ рмХрм░рм┐рммрм╛ рмирм┐рмормирнНрмдрнЗ рмдрм╛рм╣рм╛ рмпрнЗрмкрм░рм┐ рммрм┐рмжрнНрнЯрнБрмдрнН рмкрм░рм┐ рм╣рнЗрмм, рмПрмерм┐рмкрм╛рмЗрмБ рмдрм╛рм╣рм╛ рморм╛рм░рнНрмЬрнНрмЬрм┐рмд рм╣рнЗрм╛рмЗрмЕрмЫрм┐ ред
30 рмдрм╛рмХрнБ рмкрнБрмирм░рнНрммрм╛рм░ рмдрм╛рм╣рм╛рм░ рмХрнЗрм╛рм╖рмХрнБ рмлрнЗрм░рм╛рмЗ рмЖрмг ред рмдрнБрморнНрмнрнЗ рмпрнЗрмЙрмБ рм╕рнНрмерм╛рмирм░рнЗ рм╕рнГрм╖рнНрмЯ рм╣рнЗрм╛рмЗрмерм┐рм▓ рмУ рмпрнЗрмЙрмБ рмжрнЗрм╢рм░рнЗ рмдрнБрморнНрмнрнЗ рмЬрмирнНрмо рм╣рнЗрм╛рмЗрмерм┐рм▓, рм╕рнЗрмарм╛рм░рнЗ рмЖрморнНрмнрнЗ рмдрнБрморнНрмнрм░ рммрм┐рмЪрм╛рм░ рмХрм░рм┐рммрм╛ ред
31 рмЖрмЙ, рмЖрморнНрмнрнЗ рмдрнБрморнНрмн рмЙрмкрм░рнЗ рмЖрмкрмгрм╛ рмХрнНрм░рнЗрм╛рмз рмврм╛рм│рм┐рммрм╛; рмЖрморнНрмнрнЗ рмдрнБрморнНрмн рмЙрмкрм░рнЗ рмЖрмкрмгрм╛ рмХрнЗрм╛рмкрм░рнВрмк рмЕрмЧрнНрмирм┐ рмлрнБрмЩрнНрмХрм┐рммрм╛; рмкрнБрмгрм┐, рмЖрморнНрмнрнЗ рмкрм╢рнБрммрмдрнН рмУ рммрм┐рмирм╛рм╢ рмХрм░рм┐рммрм╛рмХрнБ рмирм┐рмкрнБрмг рм▓рнЗрм╛рмХрморм╛рмирмЩрнНрмХ рм╣рм╕рнНрмдрм░рнЗ рмдрнБрморнНрмнрмХрнБ рм╕рморм░рнНрмкрмг рмХрм░рм┐рммрм╛ ред
32 рмдрнБрморнНрмнрнЗ рмЕрмЧрнНрмирм┐ рмкрм╛рмЗрмБ рмЬрм╛рм│ рм╕рнНрм╡рм░рнВрмк рм╣рнЗрмм; рмдрнБрморнНрмнрм░ рм░рмХрнНрмд рмжрнЗрм╢ рмормзрнНрнЯрм░рнЗ (рмкрмдрм┐рмд) рм╣рнЗрмм; рмдрнБрморнНрмнрнЗ рмЖрмЙ рм╕рнНрморнГрмдрм┐ рмкрмерм░рнЗ рмЖрм╕рм┐рмм рмирм╛рм╣рм┐рмБ; рмХрм╛рм░рмг рмЖрморнНрмнрнЗ рм╕рмжрм╛рмкрнНрм░рмнрнБ рмПрм╣рм╛ рмХрм╣рм┐рмЕрмЫрнБ ред