1 рмпрнЗрмкрм░рнНрмпрнНрнЯрмирнНрмд рм╕рм┐рнЯрнЗрм╛рмирм░ рмзрм░рнНрмо рмжрнАрмкрнНрмдрм┐рм░ рмирнНрнЯрм╛рнЯ рмУ рмдрм╛рм╣рм╛рм░ рмкрм░рм┐рмдрнНрм░рм╛рмг рмЬрнНрм╡рм│; рмкрнНрм░рмжрнАрмкрм░ рмирнНрнЯрм╛рнЯ рмкрнНрм░рмХрмЯ рми рм╣рнБрмП, рм╕рнЗрмкрм░рнНрмпрнНрнЯрмирнНрмд рмЖрморнНрмнрнЗ рмдрм╛рм╣рм╛ рмирм┐рмормирнНрмдрнЗ рмирнАрм░рмм рм╣рнЗрммрм╛ рмирм╛рм╣рм┐рмБ рмУ рмпрм┐рм░рнВрм╢рм╛рм▓рмо рмирм┐рмормирнНрмдрнЗ рммрм┐рм╢рнНрм░рм╛рмо рмХрм░рм┐рммрм╛ рмирм╛рм╣рм┐рмБ ред
2 рмкрнБрмгрм┐, рмЕрмирнНрнЯ рмжрнЗрм╢рнАрнЯрморм╛рмирнЗ рмдрнБрморнНрмнрм░ рмзрм░рнНрмо рмУ рм╕рмХрм│ рм░рм╛рмЬрм╛ рмдрнБрморнНрмнрм░ рмкрнНрм░рмдрм╛рмк рмжрнЗрмЦрм┐рммрнЗ; рмЖрмЙ, рмдрнБрморнНрмнрнЗ рм╕рмжрм╛рмкрнНрм░рмнрнБрмЩрнНрмХ рморнБрмЦ рмжрнНрм╡рм╛рм░рм╛ рмПрмХ рмирнВрмдрми рмирм╛рморм░рнЗ рмЦрнНрнЯрм╛рмд рм╣рнЗрммтЗз ред
3 рмЖрм╣рнБрм░рм┐, рмдрнБрморнНрмнрнЗ рм╕рмжрм╛рмкрнНрм░рмнрнБрмЩрнНрмХ рм╣рм╕рнНрмдрм░рнЗ рмЧрнЗрм╛рмЯрм┐рмП рм╕рнБрмирнНрмжрм░ рморнБрмХрнБрмЯ рм╕рнНрм╡рм░рнВрмк рмУ рмдрнБрморнНрмн рмкрм░рморнЗрм╢рнНрм╡рм░рмЩрнНрмХ рм╣рм╕рнНрмдрм░рнЗ рмЧрнЗрм╛рмЯрм┐рмП рм░рм╛рмЬрмХрм┐рм░рнАрмЯ рм╕рнНрм╡рм░рнВрмк рм╣рнЗрмм ред
4 рмдрнБрморнНрмнрнЗ рмкрм░рм┐рмдрнНрнЯрмХрнНрмдрм╛ рммрнЗрм╛рм▓рм┐ рмЖрмЙ рмирм╛рмо рмкрм╛рмЗрмм рмирм╛рм╣рм┐рмБ, рмХрм┐рмЕрммрм╛ рмдрнБрморнНрмнрм░ рмжрнЗрм╢ рмЕрмирм╛рмерм╛ рммрнЗрм╛рм▓рм┐ рмЖрмЙ рмбрмХрм╛рмпрм┐рмм рмирм╛рм╣рм┐рмБ; рморм╛рмдрнНрм░ рмдрнБрморнНрмнрнЗ рм╣рм┐рмкрнНрм╕рнАрммрм╛ (рм╕рмирнНрмдрнЗрм╛рм╖рмЬрмирм┐рмХрм╛) рмУ рмдрнБрморнНрмнрм░ рмжрнЗрм╢ рммрнАрнЯрм▓рм╛ (рммрм┐рммрм╛рм╣рм┐рмдрм╛) рмирм╛рморм░рнЗ рмЦрнНрнЯрм╛рмд рм╣рнЗрмм; рмХрм╛рм░рмг рм╕рмжрм╛рмкрнНрм░рмнрнБ рмдрнБрморнНрмнрмарм╛рм░рнЗ рм╕рмирнНрмдрнЗрм╛рм╖ рмкрм╛рмЖрмирнНрмдрм┐ рмУ рмдрнБрморнНрмн рмжрнЗрм╢ рммрм┐рммрм╛рм╣рм┐рмдрм╛ рм╣рнЗрмм ред
5 рмпрнБрммрм╛рм▓рнЗрм╛рмХ рмпрнЗрмкрм░рм┐ рмХрнБрморм╛рм░рнАрмХрм┐ рммрм┐рммрм╛рм╣ рмХрм░рнЗ, рм╕рнЗрмкрм░рм┐ рмдрнБрморнНрмнрм░ рмкрнБрмдрнНрм░рмЧрмг рмдрнБрморнНрмнрмХрнБ рммрм┐рммрм╛рм╣ рмХрм░рм┐рммрнЗ; рмкрнБрмгрм┐ рммрм░ рмпрнЗрмкрм░рм┐ рмХрмирнНрнЯрм╛рм░рнЗ рмЖрмирмирнНрмж рмХрм░рнЗ, рм╕рнЗрмкрм░рм┐ рмдрнБрморнНрмнрм░ рмкрм░рморнЗрм╢рнНрм╡рм░ рмдрнБрморнНрмнрмарм╛рм░рнЗ рмЖрмирмирнНрмж рмХрм░рм┐рммрнЗ ред
6 рм╣рнЗ рмпрм┐рм░рнВрм╢рм╛рм▓рмо, рмЖрморнНрмнрнЗ рмдрнБрморнНрмн рмкрнНрм░рм╛рмЪрнАрм░ рмЙрмкрм░рнЗ рмкрнНрм░рм╣рм░рнАрмЧрмг рмирм┐рмпрнБрмХрнНрмд рмХрм░рм┐рмЕрмЫрнБ; рм╕рнЗрморм╛рмирнЗ рмжрм┐рми рмХрм┐ рм░рм╛рмдрм┐ рмХрмжрм╛рмЪ рмирнАрм░рмм рмирнЗрм╛рм╣рм┐рммрнЗ ред
7 рм╣рнЗ рм╕рмжрм╛рмкрнНрм░рмнрнБрмЩрнНрмХрнБ рм╕рнНрморм░рмг рмХрм░рм╛рмЗрммрм╛ рм▓рнЗрм╛рмХрморм╛рмирнЗ, рм╕рнЗ рмпрнЗрмкрм░рнНрмпрнНрнЯрмирнНрмд рмпрм┐рм░рнВрм╢рм╛рм▓рмормХрнБ рм╕рнНрмерм╛рмкрми рми рмХрм░рмирнНрмдрм┐ рмУ рмкрнГрмерм┐рммрнА рмормзрнНрнЯрм░рнЗ рмдрм╛рм╣рм╛рмХрнБ рмкрнНрм░рм╢рмВрм╕рм╛рм░ рмкрм╛рмдрнНрм░ рми рмХрм░рмирнНрмдрм┐, рм╕рнЗрмкрм░рнНрмпрнНрнЯрмирнНрмд рмдрнБрморнНрмнрнЗрморм╛рмирнЗ рммрм┐рм╢рнНрм░рм╛рмо рмХрм░ рмирм╛рм╣рм┐рмБ, рмХрм┐ рмдрм╛рм╣рм╛рмЩрнНрмХрнБ рммрм┐рм╢рнНрм░рм╛рмо рмХрм░рм┐рммрм╛рмХрнБ рмжрм┐рмЕ рмирм╛рм╣рм┐рмБ ред
8 рм╕рмжрм╛рмкрнНрм░рмнрнБ рмЖрмкрмгрм╛рм░ рмжрмХрнНрм╖рм┐рмг рм╣рм╕рнНрмд рмУ рммрм│рммрм╛рми рммрм╛рм╣рнБ рмжрнНрм╡рм╛рм░рм╛ рм╢рмкрме рмХрм░рм┐рмЕрмЫрмирнНрмдрм┐, рмирм┐рм╢рнНрмЪрнЯ рмЖрморнНрмнрнЗ рмдрнБрморнНрмнрм░ рм╢рм╕рнНрнЯ рмдрнБрморнНрмн рм╢рмдрнНрм░рнБрмЧрмгрм░ рмЦрм╛рмжрнНрнЯ рмирм┐рмормирнНрмдрнЗ рмЖрмЙ рмжрнЗрммрм╛ рмирм╛рм╣рм┐рмБ рмУ рмпрм╣рм┐рмБ рмирм┐рмормирнНрмдрнЗ рмдрнБрморнНрмнрнЗ рмкрм░рм┐рм╢рнНрм░рмо рмХрм░рм┐рмЕрмЫ, рмдрнБрморнНрмнрм░ рм╕рнЗрм╣рм┐ рмжрнНрм░рм╛рмХрнНрм╖рм╛рм░рм╕ рммрм┐рмжрнЗрм╢рнАрморм╛рмирнЗ рмЖрмЙ рмкрм╛рми рмХрм░рм┐рммрнЗ рмирм╛рм╣рм┐рмБ ред
9 рморм╛рмдрнНрм░ рмпрнЗрмЙрмБрморм╛рмирнЗ рмдрм╛рм╣рм╛ рм╕рмЮрнНрмЪрнЯ рмХрм░рм┐рмЕрмЫрмирнНрмдрм┐, рм╕рнЗрморм╛рмирнЗ рмдрм╛рм╣рм╛ рмнрнЗрм╛рмЬрми рмХрм░рм┐ рм╕рмжрм╛рмкрнНрм░рмнрнБрмЩрнНрмХрм░ рмкрнНрм░рм╢рмВрм╕рм╛ рмХрм░рм┐рммрнЗ рмУ рмпрнЗрмЙрмБрморм╛рмирнЗ рмдрм╛рм╣рм╛ рм╕рмВрмЧрнНрм░рм╣ рмХрм░рм┐рмЕрмЫрмирнНрмдрм┐, рм╕рнЗрморм╛рмирнЗ рмЖрморнНрмн рмкрммрм┐рмдрнНрм░ рм╕рнНрмерм╛рмирм░ рмкрнНрм░рм╛рмЩрнНрмЧрмг рмормзрнНрнЯрм░рнЗ рмдрм╛рм╣рм╛ рмкрм╛рми рмХрм░рм┐рммрнЗ ред
10 рмдрнБрморнНрмнрнЗрморм╛рмирнЗ рмЕрмЧрнНрм░рм╕рм░ рм╣рнБрмЕ, рмирмЧрм░-рмжрнНрм╡рм╛рм░ рмормзрнНрнЯ рмжрнЗрмЗ рмЕрмЧрнНрм░рм╕рм░ рм╣рнБрмЕ; рм▓рнЗрм╛рмХрморм╛рмирмЩрнНрмХрм░ рмкрме рмкрнНрм░рм╕рнНрмдрнБрмд рмХрм░; рмЙрмЪрнНрмЪ рмХрм░, рм░рм╛рмЬрмкрме рмЙрмЪрнНрмЪ рмХрм░; рмкрнНрм░рм╕рнНрмдрм░рм╕рммрнБ рммрм╛рм╣рм╛рм░ рмХрм░рм┐ рм╕рмВрмЧрнНрм░рм╣ рмХрм░; рмЧрнЗрм╛рм╖рнНрмарнАрм╕рморнВрм╣ рмирм┐рмормирнНрмдрнЗ рмПрмХ рмзрнНрм╡рмЬрм╛ рмЙрмарм╛рмЕ ред
11 рмжрнЗрмЦ, рм╕рмжрм╛рмкрнНрм░рмнрнБ рмкрнГрмерм┐рммрнАрм░ рмкрнНрм░рм╛; рмкрм░рнНрмпрнНрнЯрмирнНрмд рмПрм╣рм╛ рмШрнЗрм╛рм╖рмгрм╛ рмХрм░рм┐рмЕрмЫрмирнНрмдрм┐, рмдрнБрморнНрмнрнЗрморм╛рмирнЗ рм╕рм┐рнЯрнЗрм╛рмирм░ рмХрмирнНрнЯрм╛рмХрнБ рмХрнБрм╣, рмжрнЗрмЦ, рмдрнБрморнНрмнрм░ рмкрм░рм┐рмдрнНрм░рм╛рмг рмЖрм╕рнБрмЕрмЫрм┐, рмжрнЗрмЦ, рмдрм╛рм╣рм╛рмЩрнНрмХ рмкрнБрм░рм╕рнНрмХрм╛рм░ рмдрм╛рм╣рм╛рмЩрнНрмХ рм╕рмЩрнНрмЧрм░рнЗ рмЕрмЫрм┐ рмУ рмдрм╛рм╣рм╛рмЩрнНрмХ рмкрнНрм░рмдрм┐рмжрм╛рми рмдрм╛рм╣рм╛рмЩрнНрмХ рм╕рморнНрморнБрмЦрм░рнЗ рмЕрмЫрм┐ ред
12 рмкрнБрмгрм┐, рм▓рнЗрм╛рмХрморм╛рмирнЗ рм╕рнЗрморм╛рмирмЩрнНрмХрнБ рмкрммрм┐рмдрнНрм░ рм▓рнЗрм╛рмХ, рм╕рмжрм╛рмкрнНрм░рмнрнБрмЩрнНрмХрм░ рморнБрмХрнНрмд рммрнЗрм╛рм▓рм┐ рмбрм╛рмХрм┐рммрнЗ; рмЖрмЙ, рмдрнБрморнНрмнрнЗ рмЕрмирнНрм╡рнЗрм╖рм┐рмдрм╛, рмЕрмкрм░рм┐рмдрнНрнЯрмХрнНрмдрм╛ рмирмЧрм░рнА рммрнЗрм╛рм▓рм┐ рмЦрнНрнЯрм╛рмд рм╣рнЗрмм ред