1 рмпрм╛рм╣рм╛рмЩрнНрмХрнБ рморнЗрм╛рм╣рм░ рмкрнНрм░рм╛рмг рмкрнНрм░рнЗрмо рмХрм░рнЗ, рмдрм╛рмЩрнНрмХрнБ рморнБрмБ рм░рм╛рмдрнНрм░рм┐рмХрм╛рм│рнЗ рмЖрмкрмгрм╛ рм╢рмпрнНрнЯрм╛рм░рнЗ рмЦрнЗрм╛рмЬрм┐рм▓рм┐; рморнБрмБ рмдрм╛рмЩрнНрмХрнБ рмЦрнЗрм╛рмЬрм┐рм▓рм┐, рморм╛рмдрнНрм░ рмкрм╛рмЗрм▓рм┐ рмирм╛рм╣рм┐рмБ ред
2 рморнБрмБ рмХрм╣рм┐рм▓рм┐, рморнБрмБ рмПрммрнЗ рмЙрмарм┐ рмирмЧрм░ рмнрнНрм░рмормг рмХрм░рм┐рммрм┐, рмпрм╛рм╣рм╛рмЩрнНрмХрнБ рморнЗрм╛╩╝ рмкрнНрм░рм╛рмг рмкрнНрм░рнЗрмо рмХрм░рнЗ, рмдрм╛рмЩрнНрмХрнБ рморнБрмБ рмЧрм│рм┐ рмЧрм│рм┐ рмУ рмЫрмХрнЗ рмЫрмХрнЗ рмЦрнЗрм╛рмЬрм┐рммрм┐; рморнБрмБ рмдрм╛рмЩрнНрмХрнБ рмЦрнЗрм╛рмЬрм┐рм▓рм┐, рморм╛рмдрнНрм░ рмкрм╛рмЗрм▓рм┐ рмирм╛рм╣рм┐рмБ ред
3 рмирмЧрм░ рмнрнНрм░рмормгрмХрм╛рм░рнА рмкрнНрм░рм╣рм░рнАрморм╛рмирнЗ рморнЗрм╛рмдрнЗ рмжрнЗрмЦрм┐рм▓рнЗ; рморнБрмБ рм╕рнЗрморм╛рмирмЩрнНрмХрнБ рмкрмЪрм╛рм░рм┐рм▓рм┐, рмпрм╛рм╣рм╛рмЩрнНрмХрнБ рморнЗрм╛╩╝ рмкрнНрм░рм╛рмг рмкрнНрм░рнЗрмо рмХрм░рнЗ, рмдрм╛рмЩрнНрмХрнБ рмХрм┐ рмдрнБрморнНрмнрнЗрморм╛рмирнЗ рмжрнЗрмЦрм┐рм▓?
4 рм╕рнЗрморм╛рмирмЩрнНрмХрнБ рмЫрм╛рнЬрм┐рммрм╛рм░ рмЕрм│рнНрмкрмХрнНрм╖рмг рмЙрмдрнНрмдрм╛рм░рнЗ рмпрм╛рм╣рм╛рмЩрнНрмХрнБ рморнЗрм╛╩╝ рмкрнНрм░рм╛рмг рмкрнНрм░рнЗрмо рмХрм░рнЗ, рмдрм╛рмЩрнНрмХрнБ рмкрм╛рмЗрм▓рм┐; рморнБрмБ рмЖрмкрмгрм╛ рморм╛рмдрнГрмЧрнГрм╣рмХрнБ рмУ рморнЗрм╛╩╝ рмЧрм░рнНрмнрмзрм╛рм░рм┐рмгрнАрмЩрнНрмХ рмЕрмирнНрмдрмГрмкрнБрм░рмХрнБ рми рмЖрмгрм┐рммрм╛ рмкрм░рнНрмпрнНрнЯрмирнНрмд рмдрм╛рмЩрнНрмХрнБ рмзрм░рм┐ рм░рмЦрм┐рм▓рм┐, рмЖрмЙ рмпрм┐рммрм╛рмХрнБ рмжрнЗрм▓рм┐ рмирм╛рм╣рм┐рмБ ред
5 рмЖрмЧрнЗрм╛ рмпрм┐рм░рнВрм╢рм╛рм▓рморм░ рмХрмирнНрнЯрм╛рмЧрмг, рморнБрмБ рмдрнБрморнНрмнрморм╛рмирмЩрнНрмХрнБ рмХрнНрм╖рнЗрмдрнНрм░рм╕рнНрмерм┐рмд рм╣рм░рм┐рмгрнА рмУ рморнГрмЧрнАрмЧрмгрм░ рм╢рмкрме рмжрнЗрмЙрмЕрмЫрм┐ рмпрнЗ, рмкрнНрм░рнЗрморм░ рммрм╛рм╕рмирм╛ рмирнЗрм╛рм╣рм┐рммрм╛ рмкрм░рнНрмпрнНрнЯрмирнНрмд рмдрнБрморнНрмнрнЗрморм╛рмирнЗ рмкрнНрм░рнЗрмормХрнБ рмЬрмЧрм╛рмЕ рмирм╛рм╣рм┐рмБ, рмХрм┐ рмЙрмдрнНрмдрнЗрмЬрмирм╛ рмХрм░ рмирм╛рм╣рм┐рмБ ред
6 рмЧрмирнНрмзрм░рм╕ рмУ рмХрнБрмирнНрмжрнБрм░рнБрм░рнЗ, рмЧрмирнНрмзрммрмгрм┐рмХрм░ рм╕рм░рнНрммрмкрнНрм░рмХрм╛рм░ рм╕рнБрмЧрмирнНрмзрм┐ рмЪрнВрм░рнНрмгрнНрмгрм░рнЗ рм╕рнБрммрм╛рм╕рм┐рмд рм╣рнЗрм╛рмЗ рмзрнВрморм╕рнНрмдрморнНрмн рмдрнБрм▓рнНрнЯ рмкрнНрм░рм╛рмирнНрмдрм░рм░рнБ рмпрнЗ рмЖрм╕рнБрмЕрмЫрмирнНрмдрм┐, рм╕рнЗ рмХрм┐рмП?
7 рмжрнЗрмЦ, рмдрм╛рм╣рм╛ рм╢рм▓рнЗрм╛рмормирмЩрнНрмХрм░ рмЪрмдрнБрм░рнНрмжрнНрмжрнЗрм╛рм│; рмдрм╣рм┐рмБ рмЪрмдрнБрм░рнНрмжрнНрмжрм┐рмЧрм░рнЗ рмЗрм╕рнНрм░рм╛рмПрм▓рнАрнЯ рммрнАрм░рмЧрмг рмормзрнНрнЯрм░рнБ рм╖рм╛рмарм┐рмП рмЬрмг рммрнАрм░ рмЕрмЫрмирнНрмдрм┐ ред
8 рм╕рнЗ рм╕рморм╕рнНрмдрнЗ рмЦрмбрм╝рнНтАНрмЧрмзрм╛рм░рнА рмУ рмпрнБрмжрнНрмзрм░рнЗ рмирм┐рмкрнБрмг; рм░рм╛рмдрнНрм░рм┐рмХрм╛рм│рм░ рмЖрм╢рмЩрнНрмХрм╛ рм╣рнЗрмдрнБ рмкрнНрм░рмдрнНрнЯрнЗрмХрм░ рмХрмЯрм┐рмжрнЗрм╢рм░рнЗ рм╕рнНрм╡ рм╕рнНрм╡ рмЦрмбрм╝рнНтАНрмЧ рммрмирнНрмзрм╛ рмерм╛рмП ред
9 рм╢рм▓рнЗрм╛рморми рм░рм╛рмЬрм╛ рмЖрмкрмгрм╛ рмкрм╛рмЗрмБ рм▓рм┐рммрм╛рмирнЗрм╛рмирм░ рмХрм╛рм╖рнНрмарм░ рмПрмХ рмкрм╛рм▓рм┐рмЩрнНрмХрм┐ рмирм┐рм░рнНрморм╛рмг рмХрм▓рнЗ ред
10 рм╕рнЗ рмдрм╣рм┐рмБрм░ рм╕рнНрмдрморнНрмнрм╕рммрнБ рм░рнВрмкрм╛рм░, рмдрм╣рм┐рмБрм░ рмдрм│рмнрм╛рмЧ рм╕рнБрмирм╛рм░, рмдрм╣рм┐рмБрм░ рмЖрм╕рми рммрм╛рмЗрмЧрмгрм┐рмЖ рм░рмЩрнНрмЧрм░ рмХрм▓рнЗ, рмдрм╣рм┐рмБрм░ рмормзрнНрнЯрмнрм╛рмЧ рмпрм┐рм░рнВрм╢рм╛рм▓рморм░ рмХрмирнНрнЯрм╛рморм╛рмирмЩрнНрмХрм░ рмжрнНрм╡рм╛рм░рм╛ рмкрнНрм░рнЗрморм░рнЗ рмормгрнНрмдрм┐рмд ред
11 рмЖрмЧрнЗрм╛ рм╕рм┐рнЯрнЗрм╛рмирм░ рмХрмирнНрнЯрм╛рмЧрмг, рмдрнБрморнНрмнрнЗрморм╛рмирнЗ рммрм╛рм╣рм╛рм░рнЗ рмпрм╛рмЗ рморнБрмХрнБрмЯрмнрнВрм╖рм┐рмд рм╢рм▓рнЗрм╛рморми рм░рм╛рмЬрм╛рмЩрнНрмХрнБ рмжрнЗрмЦ, рмдрм╛рмЩрнНрмХ рммрм┐рммрм╛рм╣ рмжрм┐рмирм░рнЗ рмУ рмдрм╛рмЩрнНрмХ рмормирм░ рмЖрмирмирнНрмж рмжрм┐рмирм░рнЗ рмдрм╛рмЩрнНрмХ рморм╛рмдрм╛ рмдрм╛рмЩрнНрмХрнБ рм╕рнЗрм╣рм┐ рморнБрмХрнБрмЯ рмкрм┐рмирнНрмзрм╛рмЗрмЕрмЫрмирнНрмдрм┐ ред