1 vnumber="1"> ויועץ דויד עם שרי האלפים והמאות--לכל נגיד
2 vnumber="2"> ויאמר דויד לכל קהל ישראל אם עליכם טוב ומן יהוה אלהינו נפרצה נשלחה על אחינו הנשארים בכל ארצות ישראל ועמהם הכהנים והלוים בערי מגרשיהם ויקבצו אלינו
3 vnumber="3"> ונסבה את ארון אלהינו אלינו כי לא דרשנהו בימי שאול
4 vnumber="4"> ויאמרו כל הקהל לעשות כן כי ישר הדבר בעיני כל העם
5 vnumber="5"> ויקהל דויד את כל ישראל מן שיחור מצרים ועד לבוא חמת להביא את ארון האלהים מקרית יערים
6 vnumber="6"> ויעל דויד וכל ישראל בעלתה אל קרית יערים אשר ליהודה להעלות משם את ארון האלהים יהוה יושב הכרובים--אשר נקרא שם
7 vnumber="7"> וירכיבו את ארון האלהים על עגלה חדשה מבית אבינדב ועזא ואחיו נהגים בעגלה
8 vnumber="8"> ודויד וכל ישראל משחקים לפני האלהים--בכל עז ובשירים ובכנרות ובנבלים ובתפים ובמצלתים ובחצצרות
9 vnumber="9"> ויבאו עד גרן כידן וישלח עזא את ידו לאחז את הארון--כי שמטו הבקר
10 vnumber="10"> ויחר אף יהוה בעזא ויכהו על אשר שלח ידו על הארון וימת שם לפני אלהים
11 vnumber="11"> ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה
12 vnumber="12"> ויירא דויד את האלהים ביום ההוא לאמר היך אביא אלי את ארון האלהים
13 vnumber="13"> ולא הסיר דויד את הארון אליו אל עיר דויד ויטהו אל בית עבד אדם הגתי
14 vnumber="14"> וישב ארון האלהים עם בית עבד אדם בביתו--שלשה חדשים ויברך יהוה את בית עבד אדם ואת כל אשר לו {ס}
art="x-p"/>