1 vnumber="1"> css="font-weight:bold"> א איש היה בארץ עוץ איוב שמו והיה האיש ההוא תם וישר וירא אלהים--וסר מרע
2 vnumber="2"> css="font-weight:bold"> ב ויולדו לו שבעה בנים ושלוש בנות
3 vnumber="3"> css="font-weight:bold"> ג ויהי מקנהו שבעת אלפי צאן ושלשת אלפי גמלים וחמש מאות צמד בקר וחמש מאות אתונות ועבדה רבה מאד ויהי האיש ההוא גדול מכל בני קדם
4 vnumber="4"> css="font-weight:bold"> ד והלכו בניו ועשו משתה בית איש יומו ושלחו וקראו לשלשת אחיתיהם לאכל ולשתות עמהם
5 vnumber="5"> css="font-weight:bold"> ה ויהי כי הקיפו ימי המשתה וישלח איוב ויקדשם והשכים בבקר והעלה עלות מספר כלם--כי אמר איוב אולי חטאו בני וברכו אלהים בלבבם ככה יעשה איוב כל הימים {פ} art="x-p"/>
6 vnumber="6"> css="font-weight:bold"> ו ויהי היום--ויבאו בני האלהים להתיצב על יהוה ויבוא גם השטן בתוכם
7 vnumber="7"> css="font-weight:bold"> ז ויאמר יהוה אל השטן מאין תבא ויען השטן את יהוה ויאמר משוט בארץ ומהתהלך בה
8 vnumber="8"> css="font-weight:bold"> ח ויאמר יהוה אל השטן השמת לבך על עבדי איוב כי אין כמהו בארץ איש תם וישר ירא אלהים וסר מרע
9 vnumber="9"> css="font-weight:bold"> ט ויען השטן את יהוה ויאמר החנם ירא איוב אלהים
10 vnumber="10"> css="font-weight:bold"> י הלא את (אתה) שכת בעדו ובעד ביתו ובעד כל אשר לו--מסביב מעשה ידיו ברכת ומקנהו פרץ בארץ
11 vnumber="11"> css="font-weight:bold"> יא ואולם שלח נא ידך וגע בכל אשר לו--אם לא על פניך יברכך
12 vnumber="12"> css="font-weight:bold"> יב ויאמר יהוה אל השטן הנה כל אשר לו בידך--רק אליו אל תשלח ידך ויצא השטן מעם פני יהוה
13 vnumber="13"> css="font-weight:bold"> יג ויהי היום ובניו ובנתיו אכלים ושתים יין בבית אחיהם הבכור
14 vnumber="14"> css="font-weight:bold"> יד ומלאך בא אל איוב ויאמר הבקר היו חרשות והאתנות רעות על ידיהם
15 vnumber="15"> css="font-weight:bold"> טו ותפל שבא ותקחם ואת הנערים הכו לפי חרב ואמלטה רק אני לבדי להגיד לך
16 vnumber="16"> css="font-weight:bold"> טז עוד זה מדבר וזה בא ויאמר אש אלהים נפלה מן השמים ותבער בצאן ובנערים ותאכלם ואמלטה רק אני לבדי להגיד לך
17 vnumber="17"> css="font-weight:bold"> יז עוד זה מדבר וזה בא ויאמר כשדים שמו שלשה ראשים ויפשטו על הגמלים ויקחום ואת הנערים הכו לפי חרב ואמלטה רק אני לבדי להגיד לך
18 vnumber="18"> css="font-weight:bold"> יח עד זה מדבר וזה בא ויאמר בניך ובנותיך אכלים ושתים יין בבית אחיהם הבכור
19 vnumber="19"> css="font-weight:bold"> יט והנה רוח גדולה באה מעבר המדבר ויגע בארבע פנות הבית ויפל על הנערים וימותו ואמלטה רק אני לבדי להגיד לך
20 vnumber="20"> css="font-weight:bold"> כ ויקם איוב ויקרע את מעלו ויגז את ראשו ויפל ארצה וישתחו
21 vnumber="21"> css="font-weight:bold"> כא ויאמר ערם יצתי מבטן אמי וערם אשוב שמה--יהוה נתן ויהוה לקח יהי שם יהוה מברך
22 vnumber="22"> css="font-weight:bold"> כב בכל זאת לא חטא איוב ולא נתן תפלה לאלהים {פ} art="x-p"/>