1 vnumber="1"> css="font-weight:bold"> א ויהי דבר יהוה אל יונה בן אמתי לאמר
2 vnumber="2"> css="font-weight:bold"> ב קום לך אל נינוה העיר הגדולה--וקרא עליה כי עלתה רעתם לפני
3 vnumber="3"> css="font-weight:bold"> ג ויקם יונה לברח תרשישה מלפני יהוה וירד יפו וימצא אניה באה תרשיש ויתן שכרה וירד בה לבוא עמהם תרשישה מלפני יהוה
4 vnumber="4"> css="font-weight:bold"> ד ויהוה הטיל רוח גדולה אל הים ויהי סער גדול בים והאניה חשבה להשבר
5 vnumber="5"> css="font-weight:bold"> ה וייראו המלחים ויזעקו איש אל אלהיו ויטלו את הכלים אשר באניה אל הים להקל מעליהם ויונה ירד אל ירכתי הספינה וישכב וירדם
6 vnumber="6"> css="font-weight:bold"> ו ויקרב אליו רב החבל ויאמר לו מה לך נרדם קום קרא אל אלהיך--אולי יתעשת האלהים לנו ולא נאבד
7 vnumber="7"> css="font-weight:bold"> ז ויאמרו איש אל רעהו לכו ונפילה גורלות ונדעה בשלמי הרעה הזאת לנו ויפלו גורלות ויפל הגורל על יונה
8 vnumber="8"> css="font-weight:bold"> ח ויאמרו אליו--הגידה נא לנו באשר למי הרעה הזאת לנו מה מלאכתך ומאין תבוא--מה ארצך ואי מזה עם אתה
9 vnumber="9"> css="font-weight:bold"> ט ויאמר אליהם עברי אנכי ואת יהוה אלהי השמים אני ירא אשר עשה את הים ואת היבשה
10 vnumber="10"> css="font-weight:bold"> י וייראו האנשים יראה גדולה ויאמרו אליו מה זאת עשית כי ידעו האנשים כי מלפני יהוה הוא ברח--כי הגיד להם
11 vnumber="11"> css="font-weight:bold"> יא ויאמרו אליו מה נעשה לך וישתק הים מעלינו כי הים הולך וסער
12 vnumber="12"> css="font-weight:bold"> יב ויאמר אליהם שאוני והטילני אל הים וישתק הים מעליכם כי יודע אני כי בשלי הסער הגדול הזה עליכם
13 vnumber="13"> css="font-weight:bold"> יג ויחתרו האנשים להשיב אל היבשה--ולא יכלו כי הים הולך וסער עליהם
14 vnumber="14"> css="font-weight:bold"> יד ויקראו אל יהוה ויאמרו אנה יהוה אל נא נאבדה בנפש האיש הזה ואל תתן עלינו דם נקיא כי אתה יהוה כאשר חפצת עשית
15 vnumber="15"> css="font-weight:bold"> טו וישאו את יונה ויטלהו אל הים ויעמד הים מזעפו
16 vnumber="16"> css="font-weight:bold"> טז וייראו האנשים יראה גדולה את יהוה ויזבחו זבח ליהוה וידרו נדרים art="x-p"/>