1 vnumber="1"> משכיל לאסף br האזינה עמי תורתי הטו אזנכם לאמרי-פי br
2 vnumber="2"> אפתחה במשל פי אביעה חידות מני-קדם br
3 vnumber="3"> אשר שמענו ונדעם ואבותינו ספרו-לנו br
4 vnumber="4"> לא נכחד מבניהם-- לדור אחרון מספרים תהלות יהוה br ועזוזו ונפלאתיו אשר עשה br
5 vnumber="5"> ויקם עדות ביעקב ותורה שם בישראל br אשר צוה את-אבותינו-- להודיעם לבניהם br
6 vnumber="6"> למען ידעו דור אחרון--בנים יולדו יקמו ויספרו לבניהם br
7 vnumber="7"> וישימו באלהים כסלם ולא ישכחו מעללי-אל ומצותיו ינצרו br
8 vnumber="8"> ולא יהיו כאבותם-- דור סורר ומרה br דור לא-הכין לבו ולא-נאמנה את-אל רוחו br
9 vnumber="9"> בני-אפרים נושקי רומי-קשת הפכו ביום קרב br
10 vnumber="10"> לא שמרו ברית אלהים ובתורתו מאנו ללכת br
11 vnumber="11"> וישכחו עלילותיו ונפלאותיו אשר הראם br
12 vnumber="12"> נגד אבותם עשה פלא בארץ מצרים שדה-צען br
13 vnumber="13"> בקע ים ויעבירם ויצב-מים כמו-נד br
14 vnumber="14"> וינחם בענן יומם וכל-הלילה באור אש br
15 vnumber="15"> יבקע צרים במדבר וישק כתהמות רבה br
16 vnumber="16"> ויוצא נוזלים מסלע ויורד כנהרות מים br
17 vnumber="17"> ויוסיפו עוד לחטא-לו-- למרות עליון בציה br
18 vnumber="18"> וינסו-אל בלבבם-- לשאל-אכל לנפשם br
19 vnumber="19"> וידברו באלהים אמרו היוכל אל--לערך שלחן במדבר br
20 vnumber="20"> הן הכה-צור ויזובו מים-- ונחלים ישטפו br הגם-לחם יוכל תת אם-יכין שאר לעמו br
21 vnumber="21"> לכן שמע יהוה-- ויתעבר br ואש נשקה ביעקב וגם-אף עלה בישראל br
22 vnumber="22"> כי לא האמינו באלהים ולא בטחו בישועתו br
23 vnumber="23"> ויצו שחקים ממעל ודלתי שמים פתח br
24 vnumber="24"> וימטר עליהם מן לאכל ודגן-שמים נתן למו br
25 vnumber="25"> לחם אבירים אכל איש צידה שלח להם לשבע br
26 vnumber="26"> יסע קדים בשמים וינהג בעזו תימן br
27 vnumber="27"> וימטר עליהם כעפר שאר וכחול ימים עוף כנף br
28 vnumber="28"> ויפל בקרב מחנהו סביב למשכנתיו br
29 vnumber="29"> ויאכלו וישבעו מאד ותאותם יבא להם br
30 vnumber="30"> לא-זרו מתאותם עוד אכלם בפיהם br
31 vnumber="31"> ואף אלהים עלה בהם ויהרג במשמניהם br ובחורי ישראל הכריע br
32 vnumber="32"> בכל-זאת חטאו-עוד ולא-האמינו בנפלאותיו br
33 vnumber="33"> ויכל-בהבל ימיהם ושנותם בבהלה br
34 vnumber="34"> אם-הרגם ודרשוהו ושבו ושחרו-אל br
35 vnumber="35"> ויזכרו כי-אלהים צורם ואל עליון גאלם br
36 vnumber="36"> ויפתוהו בפיהם ובלשונם יכזבו-לו br
37 vnumber="37"> ולבם לא-נכון עמו ולא נאמנו בבריתו br
38 vnumber="38"> והוא רחום יכפר עון-- ולא-ישחית br והרבה להשיב אפו ולא-יעיר כל-חמתו br
39 vnumber="39"> ויזכר כי-בשר המה רוח הולך ולא ישוב br
40 vnumber="40"> כמה ימרוהו במדבר יעציבוהו בישימון br
41 vnumber="41"> וישובו וינסו אל וקדוש ישראל התוו br
42 vnumber="42"> לא-זכרו את-ידו יום אשר-פדם מני-צר br
43 vnumber="43"> אשר-שם במצרים אתותיו ומופתיו בשדה-צען br
44 vnumber="44"> ויהפך לדם יאריהם ונזליהם בל-ישתיון br
45 vnumber="45"> ישלח בהם ערב ויאכלם וצפרדע ותשחיתם br
46 vnumber="46"> ויתן לחסיל יבולם ויגיעם לארבה br
47 vnumber="47"> יהרג בברד גפנם ושקמותם בחנמל br
48 vnumber="48"> ויסגר לברד בעירם ומקניהם לרשפים br
49 vnumber="49"> ישלח-בם חרון אפו--עברה וזעם וצרה משלחת מלאכי רעים br
50 vnumber="50"> יפלס נתיב לאפו לא-חשך ממות נפשם וחיתם לדבר הסגיר br
51 vnumber="51"> ויך כל-בכור במצרים ראשית אונים באהלי-חם br
52 vnumber="52"> ויסע כצאן עמו וינהגם כעדר במדבר br
53 vnumber="53"> וינחם לבטח ולא פחדו ואת-אויביהם כסה הים br
54 vnumber="54"> ויביאם אל-גבול קדשו הר-זה קנתה ימינו br
55 vnumber="55"> ויגרש מפניהם גוים-- ויפילם בחבל נחלה br וישכן באהליהם שבטי ישראל br
56 vnumber="56"> וינסו וימרו את-אלהים עליון ועדותיו לא שמרו br
57 vnumber="57"> ויסגו ויבגדו כאבותם נהפכו כקשת רמיה br
58 vnumber="58"> ויכעיסוהו בבמותם ובפסיליהם יקניאוהו br
59 vnumber="59"> שמע אלהים ויתעבר וימאס מאד בישראל br
60 vnumber="60"> ויטש משכן שלו אהל שכן באדם br
61 vnumber="61"> ויתן לשבי עזו ותפארתו ביד-צר br
62 vnumber="62"> ויסגר לחרב עמו ובנחלתו התעבר br
63 vnumber="63"> בחוריו אכלה-אש ובתולתיו לא הוללו br
64 vnumber="64"> כהניו בחרב נפלו ואלמנתיו לא תבכינה br
65 vnumber="65"> ויקץ כישן אדני כגבור מתרונן מיין br
66 vnumber="66"> ויך-צריו אחור חרפת עולם נתן למו br
67 vnumber="67"> וימאס באהל יוסף ובשבט אפרים לא בחר br
68 vnumber="68"> ויבחר את-שבט יהודה את-הר ציון אשר אהב br
69 vnumber="69"> ויבן כמו-רמים מקדשו כארץ יסדה לעולם br
70 vnumber="70"> ויבחר בדוד עבדו ויקחהו ממכלאת צאן br
71 vnumber="71"> מאחר עלות הביאו לרעות ביעקב עמו ובישראל נחלתו br
72 vnumber="72"> וירעם כתם לבבו ובתבונות כפיו ינחם
art="x-p"/>