1 vnumber="1"> css="font-weight:bold"> א וישבו שלש שנים אין מלחמה בין ארם ובין ישראל {פ} art="x-p"/>
2 vnumber="2"> css="font-weight:bold"> ב ויהי בשנה השלישית וירד יהושפט מלך יהודה אל מלך ישראל
3 vnumber="3"> css="font-weight:bold"> ג ויאמר מלך ישראל אל עבדיו הידעתם כי לנו רמת גלעד ואנחנו מחשים--מקחת אתה מיד מלך ארם
4 vnumber="4"> css="font-weight:bold"> ד ויאמר אל יהושפט התלך אתי למלחמה רמת גלעד ויאמר יהושפט אל מלך ישראל כמוני כמוך כעמי כעמך כסוסי כסוסיך
5 vnumber="5"> css="font-weight:bold"> ה ויאמר יהושפט אל מלך ישראל דרש נא כיום את דבר יהוה
6 vnumber="6"> css="font-weight:bold"> ו ויקבץ מלך ישראל את הנביאים כארבע מאות איש ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלך
7 vnumber="7"> css="font-weight:bold"> ז ויאמר יהושפט האין פה נביא ליהוה עוד ונדרשה מאתו
8 vnumber="8"> css="font-weight:bold"> ח ויאמר מלך ישראל אל יהושפט עוד איש אחד לדרש את יהוה מאתו ואני שנאתיו כי לא יתנבא עלי טוב כי אם רע--מיכיהו בן ימלה ויאמר יהושפט אל יאמר המלך כן
9 vnumber="9"> css="font-weight:bold"> ט ויקרא מלך ישראל אל סריס אחד ויאמר מהרה מיכיהו בן ימלה
10 vnumber="10"> css="font-weight:bold"> י ומלך ישראל ויהושפט מלך יהודה ישבים איש על כסאו מלבשים בגדים בגרן פתח שער שמרון וכל הנביאים--מתנבאים לפניהם
11 vnumber="11"> css="font-weight:bold"> יא ויעש לו צדקיה בן כנענה קרני ברזל ויאמר כה אמר יהוה באלה תנגח את ארם עד כלתם
12 vnumber="12"> css="font-weight:bold"> יב וכל הנבאים--נבאים כן לאמר עלה רמת גלעד והצלח ונתן יהוה ביד המלך
13 vnumber="13"> css="font-weight:bold"> יג והמלאך אשר הלך לקרא מיכיהו דבר אליו לאמר הנה נא דברי הנביאים פה אחד טוב אל המלך יהי נא דבריך (דברך) כדבר אחד מהם--ודברת טוב
14 vnumber="14"> css="font-weight:bold"> יד ויאמר מיכיהו חי יהוה--כי את אשר יאמר יהוה אלי אתו אדבר
15 vnumber="15"> css="font-weight:bold"> טו ויבוא אל המלך ויאמר המלך אליו מיכיהו הנלך אל רמת גלעד למלחמה אם נחדל ויאמר אליו עלה והצלח ונתן יהוה ביד המלך
16 vnumber="16"> css="font-weight:bold"> טז ויאמר אליו המלך עד כמה פעמים אני משביעך אשר לא תדבר אלי רק אמת--בשם יהוה
17 vnumber="17"> css="font-weight:bold"> יז ויאמר ראיתי את כל ישראל נפצים אל ההרים כצאן אשר אין להם רעה ויאמר יהוה לא אדנים לאלה ישובו איש לביתו בשלום
18 vnumber="18"> css="font-weight:bold"> יח ויאמר מלך ישראל אל יהושפט הלוא אמרתי אליך לוא יתנבא עלי טוב כי אם רע {ס} art="x-p"/>
19 vnumber="19"> css="font-weight:bold"> יט ויאמר לכן שמע דבר יהוה ראיתי את יהוה ישב על כסאו וכל צבא השמים עמד עליו מימינו ומשמאלו
20 vnumber="20"> css="font-weight:bold"> כ ויאמר יהוה מי יפתה את אחאב ויעל ויפל ברמת גלעד ויאמר זה בכה וזה אמר בכה
21 vnumber="21"> css="font-weight:bold"> כא ויצא הרוח ויעמד לפני יהוה ויאמר אני אפתנו ויאמר יהוה אליו במה
22 vnumber="22"> css="font-weight:bold"> כב ויאמר אצא והייתי רוח שקר בפי כל נביאיו ויאמר תפתה וגם תוכל--צא ועשה כן
23 vnumber="23"> css="font-weight:bold"> כג ועתה הנה נתן יהוה רוח שקר בפי כל נביאיך אלה ויהוה דבר עליך רעה
24 vnumber="24"> css="font-weight:bold"> כד ויגש צדקיהו בן כנענה ויכה את מיכיהו על הלחי ויאמר אי זה עבר רוח יהוה מאתי לדבר אותך
25 vnumber="25"> css="font-weight:bold"> כה ויאמר מיכיהו הנך ראה ביום ההוא אשר תבא חדר בחדר להחבה
26 vnumber="26"> css="font-weight:bold"> כו ויאמר מלך ישראל קח את מיכיהו והשיבהו אל אמן שר העיר ואל יואש בן המלך
27 vnumber="27"> css="font-weight:bold"> כז ואמרת כה אמר המלך שימו את זה בית הכלא והאכלהו לחם לחץ ומים לחץ עד באי בשלום
28 vnumber="28"> css="font-weight:bold"> כח ויאמר מיכיהו--אם שוב תשוב בשלום לא דבר יהוה בי ויאמר שמעו עמים כלם
29 vnumber="29"> css="font-weight:bold"> כט ויעל מלך ישראל ויהושפט מלך יהודה רמת גלעד
30 vnumber="30"> css="font-weight:bold"> ל ויאמר מלך ישראל אל יהושפט התחפש ובא במלחמה ואתה לבש בגדיך ויתחפש מלך ישראל ויבוא במלחמה
31 vnumber="31"> css="font-weight:bold"> לא ומלך ארם צוה את שרי הרכב אשר לו שלשים ושנים לאמר לא תלחמו את קטן ואת גדול כי אם את מלך ישראל לבדו
32 vnumber="32"> css="font-weight:bold"> לב ויהי כראות שרי הרכב את יהושפט והמה אמרו אך מלך ישראל הוא ויסרו עליו להלחם ויזעק יהושפט
33 vnumber="33"> css="font-weight:bold"> לג ויהי כראות שרי הרכב כי לא מלך ישראל הוא וישובו מאחריו
34 vnumber="34"> css="font-weight:bold"> לד ואיש משך בקשת לתמו ויכה את מלך ישראל בין הדבקים ובין השרין ויאמר לרכבו הפך ידך והוציאני מן המחנה--כי החליתי
35 vnumber="35"> css="font-weight:bold"> לה ותעלה המלחמה ביום ההוא והמלך היה מעמד במרכבה נכח ארם וימת בערב ויצק דם המכה אל חיק הרכב
36 vnumber="36"> css="font-weight:bold"> לו ויעבר הרנה במחנה כבא השמש לאמר איש אל עירו ואיש אל ארצו
37 vnumber="37"> css="font-weight:bold"> לז וימת המלך ויבוא שמרון ויקברו את המלך בשמרון
38 vnumber="38"> css="font-weight:bold"> לח וישטף את הרכב על ברכת שמרון וילקו הכלבים את דמו והזנות רחצו--כדבר יהוה אשר דבר
39 vnumber="39"> css="font-weight:bold"> לט ויתר דברי אחאב וכל אשר עשה ובית השן אשר בנה וכל הערים אשר בנה הלוא הם כתובים על ספר דברי הימים--למלכי ישראל
40 vnumber="40"> css="font-weight:bold"> מ וישכב אחאב עם אבתיו וימלך אחזיהו בנו תחתיו {פ} art="x-p"/>
41 vnumber="41"> css="font-weight:bold"> מא ויהושפט בן אסא מלך על יהודה--בשנת ארבע לאחאב מלך ישראל
42 vnumber="42"> css="font-weight:bold"> מב יהושפט בן שלשים וחמש שנה במלכו ועשרים וחמש שנה מלך בירושלם ושם אמו עזובה בת שלחי
43 vnumber="43"> css="font-weight:bold"> מג וילך בכל דרך אסא אביו--לא סר ממנו לעשות הישר בעיני יהוה
44 vnumber="44"> css="font-weight:bold"> מד אך הבמות לא סרו עוד העם מזבחים ומקטרים בבמות
45 vnumber="45"> css="font-weight:bold"> מה וישלם יהושפט עם מלך ישראל
46 vnumber="46"> css="font-weight:bold"> מו ויתר דברי יהושפט וגבורתו אשר עשה ואשר נלחם הלא הם כתובים על ספר דברי הימים--למלכי יהודה
47 vnumber="47"> css="font-weight:bold"> מז ויתר הקדש אשר נשאר בימי אסא אביו--בער מן הארץ
48 vnumber="48"> css="font-weight:bold"> מח ומלך אין באדום נצב מלך
49 vnumber="49"> css="font-weight:bold"> מט יהושפט עשר (עשה) אניות תרשיש ללכת אפירה לזהב--ולא הלך כי נשברה (נשברו) אניות בעציון גבר
50 vnumber="50"> css="font-weight:bold"> נ אז אמר אחזיהו בן אחאב אל יהושפט ילכו עבדי עם עבדיך באניות ולא אבה יהושפט
51 vnumber="51"> css="font-weight:bold"> נא וישכב יהושפט עם אבתיו ויקבר עם אבתיו בעיר דוד אביו וימלך יהורם בנו תחתיו {ס} art="x-p"/>
52 vnumber="52"> css="font-weight:bold"> נב אחזיהו בן אחאב מלך על ישראל בשמרון בשנת שבע עשרה ליהושפט מלך יהודה וימלך על ישראל שנתים
53 vnumber="53"> css="font-weight:bold"> נג ויעש הרע בעיני יהוה וילך בדרך אביו ובדרך אמו ובדרך ירבעם בן נבט אשר החטיא את ישראל (I Kings 22:54) css="font-weight:bold"> נד ויעבד את הבעל וישתחוה לו ויכעס את יהוה אלהי ישראל ככל אשר עשה אביו art="x-p"/>