1 vnumber="1"> css="font-weight:bold"> א בן שנה שאול במלכו ושתי שנים מלך על ישראל
2 vnumber="2"> css="font-weight:bold"> ב ויבחר לו שאול שלשת אלפים מישראל ויהיו עם שאול אלפים במכמש ובהר בית אל ואלף היו עם יונתן בגבעת בנימין ויתר העם שלח איש לאהליו
3 vnumber="3"> css="font-weight:bold"> ג ויך יונתן את נציב פלשתים אשר בגבע וישמעו פלשתים ושאול תקע בשופר בכל הארץ לאמר ישמעו העברים
4 vnumber="4"> css="font-weight:bold"> ד וכל ישראל שמעו לאמר הכה שאול את נציב פלשתים וגם נבאש ישראל בפלשתים ויצעקו העם אחרי שאול הגלגל
5 vnumber="5"> css="font-weight:bold"> ה ופלשתים נאספו להלחם עם ישראל שלשים אלף רכב וששת אלפים פרשים ועם כחול אשר על שפת הים לרב ויעלו ויחנו במכמש קדמת בית און
6 vnumber="6"> css="font-weight:bold"> ו ואיש ישראל ראו כי צר לו כי נגש העם ויתחבאו העם במערות ובחוחים ובסלעים ובצרחים ובברות
7 vnumber="7"> css="font-weight:bold"> ז ועברים עברו את הירדן ארץ גד וגלעד ושאול עודנו בגלגל וכל העם חרדו אחריו
8 vnumber="8"> css="font-weight:bold"> ח וייחל (ויוחל) שבעת ימים למועד אשר שמואל ולא בא שמואל הגלגל ויפץ העם מעליו
9 vnumber="9"> css="font-weight:bold"> ט ויאמר שאול--הגשו אלי העלה והשלמים ויעל העלה
10 vnumber="10"> css="font-weight:bold"> י ויהי ככלתו להעלות העלה והנה שמואל בא ויצא שאול לקראתו לברכו
11 vnumber="11"> css="font-weight:bold"> יא ויאמר שמואל מה עשית ויאמר שאול כי ראיתי כי נפץ העם מעלי ואתה לא באת למועד הימים ופלשתים נאספים מכמש
12 vnumber="12"> css="font-weight:bold"> יב ואמר עתה ירדו פלשתים אלי הגלגל ופני יהוה לא חליתי ואתאפק ואעלה העלה {ס} art="x-p"/>
13 vnumber="13"> css="font-weight:bold"> יג ויאמר שמואל אל שאול נסכלת לא שמרת את מצות יהוה אלהיך אשר צוך כי עתה הכין יהוה את ממלכתך אל ישראל עד עולם
14 vnumber="14"> css="font-weight:bold"> יד ועתה ממלכתך לא תקום בקש יהוה לו איש כלבבו ויצוהו יהוה לנגיד על עמו--כי לא שמרת את אשר צוך יהוה {ס} art="x-p"/>
15 vnumber="15"> css="font-weight:bold"> טו ויקם שמואל ויעל מן הגלגל--גבעת בנימן ויפקד שאול את העם הנמצאים עמו כשש מאות איש
16 vnumber="16"> css="font-weight:bold"> טז ושאול ויונתן בנו והעם הנמצא עמם ישבים בגבע בנימן ופלשתים חנו במכמש
17 vnumber="17"> css="font-weight:bold"> יז ויצא המשחית ממחנה פלשתים שלשה ראשים הראש אחד יפנה אל דרך עפרה אל ארץ שועל
18 vnumber="18"> css="font-weight:bold"> יח והראש אחד יפנה דרך בית חרון והראש אחד יפנה דרך הגבול הנשקף על גי הצבעים המדברה {ס} art="x-p"/>
19 vnumber="19"> css="font-weight:bold"> יט וחרש לא ימצא בכל ארץ ישראל כי אמר (אמרו) פלשתים--פן יעשו העברים חרב או חנית
20 vnumber="20"> css="font-weight:bold"> כ וירדו כל ישראל הפלשתים--ללטוש איש את מחרשתו ואת אתו ואת קרדמו ואת מחרשתו
21 vnumber="21"> css="font-weight:bold"> כא והיתה הפצירה פים למחרשת ולאתים ולשלש קלשון ולהקרדמים ולהציב הדרבן
22 vnumber="22"> css="font-weight:bold"> כב והיה ביום מלחמת ולא נמצא חרב וחנית ביד כל העם אשר את שאול ואת יונתן ותמצא לשאול וליונתן בנו
23 vnumber="23"> css="font-weight:bold"> כג ויצא מצב פלשתים אל מעבר מכמש {ס} art="x-p"/>