1 vnumber="1"> css="font-weight:bold"> א ויהי כאשר שב שאול מאחרי פלשתים ויגדו לו לאמר הנה דוד במדבר עין גדי {ס} art="x-p"/>
2 vnumber="2"> css="font-weight:bold"> ב ויקח שאול שלשת אלפים איש בחור--מכל ישראל וילך לבקש את דוד ואנשיו על פני צורי היעלים
3 vnumber="3"> css="font-weight:bold"> ג ויבא אל גדרות הצאן על הדרך ושם מערה ויבא שאול להסך את רגליו ודוד ואנשיו בירכתי המערה ישבים
4 vnumber="4"> css="font-weight:bold"> ד ויאמרו אנשי דוד אליו הנה היום אשר אמר יהוה אליך הנה אנכי נתן את איביך (איבך) בידך ועשית לו כאשר יטב בעיניך ויקם דוד ויכרת את כנף המעיל אשר לשאול--בלט
5 vnumber="5"> css="font-weight:bold"> ה ויהי אחרי כן ויך לב דוד אתו--על אשר כרת את כנף אשר לשאול
6 vnumber="6"> css="font-weight:bold"> ו ויאמר לאנשיו חלילה לי מיהוה אם אעשה את הדבר הזה לאדני למשיח יהוה--לשלח ידי בו כי משיח יהוה הוא
7 vnumber="7"> css="font-weight:bold"> ז וישסע דוד את אנשיו בדברים ולא נתנם לקום אל שאול ושאול קם מהמערה וילך בדרך {ס} art="x-p"/>
8 vnumber="8"> css="font-weight:bold"> ח ויקם דוד אחרי כן ויצא מן המערה (מהמערה) ויקרא אחרי שאול לאמר אדני המלך ויבט שאול אחריו ויקד דוד אפים ארצה וישתחו {ס} art="x-p"/>
9 vnumber="9"> css="font-weight:bold"> ט ויאמר דוד לשאול למה תשמע את דברי אדם לאמר הנה דוד מבקש רעתך
10 vnumber="10"> css="font-weight:bold"> י הנה היום הזה ראו עיניך את אשר נתנך יהוה היום בידי במערה ואמר להרגך ותחס עליך ואמר לא אשלח ידי באדני--כי משיח יהוה הוא
11 vnumber="11"> css="font-weight:bold"> יא ואבי ראה--גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשע ולא חטאתי לך--ואתה צדה את נפשי לקחתה
12 vnumber="12"> css="font-weight:bold"> יב ישפט יהוה ביני ובינך ונקמני יהוה ממך וידי לא תהיה בך
13 vnumber="13"> css="font-weight:bold"> יג כאשר יאמר משל הקדמני מרשעים יצא רשע וידי לא תהיה בך
14 vnumber="14"> css="font-weight:bold"> יד אחרי מי יצא מלך ישראל אחרי מי אתה רדף אחרי כלב מת אחרי פרעש אחד
15 vnumber="15"> css="font-weight:bold"> טו והיה יהוה לדין ושפט ביני ובינך וירא וירב את ריבי וישפטני מידך {פ} art="x-p"/>
16 vnumber="16"> css="font-weight:bold"> טז ויהי ככלות דוד לדבר את הדברים האלה אל שאול ויאמר שאול הקלך זה בני דוד וישא שאול קלו ויבך
17 vnumber="17"> css="font-weight:bold"> יז ויאמר אל דוד צדיק אתה ממני כי אתה גמלתני הטובה ואני גמלתיך הרעה
18 vnumber="18"> css="font-weight:bold"> יח ואת (ואתה) הגדת היום את אשר עשיתה אתי טובה--את אשר סגרני יהוה בידך ולא הרגתני
19 vnumber="19"> css="font-weight:bold"> יט וכי ימצא איש את איבו ושלחו בדרך טובה ויהוה ישלמך טובה תחת היום הזה אשר עשיתה לי
20 vnumber="20"> css="font-weight:bold"> כ ועתה הנה ידעתי כי מלך תמלוך וקמה בידך ממלכת ישראל
21 vnumber="21"> css="font-weight:bold"> כא ועתה השבעה לי ביהוה אם תכרית את זרעי אחרי ואם תשמיד את שמי מבית אבי
22 vnumber="22"> css="font-weight:bold"> כב וישבע דוד לשאול וילך שאול אל ביתו ודוד ואנשיו עלו על המצודה {ס} art="x-p"/>