1 vnumber="1"> והנער שמואל משרת את יהוה לפני עלי ודבר יהוה היה יקר בימים ההם--אין חזון נפרץ {ס}
art="x-p"/>
2 vnumber="2"> ויהי ביום ההוא ועלי שכב במקומו ועינו החלו כהות לא יוכל לראות
3 vnumber="3"> ונר אלהים טרם יכבה ושמואל שכב בהיכל יהוה אשר שם ארון אלהים {פ}
art="x-p"/>
4 vnumber="4"> ויקרא יהוה אל שמואל ויאמר הנני
5 vnumber="5"> וירץ אל עלי ויאמר הנני כי קראת לי ויאמר לא קראתי שוב שכב וילך וישכב {ס}
art="x-p"/>
6 vnumber="6"> ויסף יהוה קרא עוד שמואל ויקם שמואל וילך אל עלי ויאמר הנני כי קראת לי ויאמר לא קראתי בני שוב שכב
7 vnumber="7"> ושמואל טרם ידע את יהוה וטרם יגלה אליו דבר יהוה
8 vnumber="8"> ויסף יהוה קרא שמואל בשלישת ויקם וילך אל עלי ויאמר הנני כי קראת לי ויבן עלי כי יהוה קרא לנער
9 vnumber="9"> ויאמר עלי לשמואל לך שכב והיה אם יקרא אליך ואמרת דבר יהוה כי שמע עבדך וילך שמואל וישכב במקומו
10 vnumber="10"> ויבא יהוה ויתיצב ויקרא כפעם בפעם שמואל שמואל ויאמר שמואל דבר כי שמע עבדך {פ}
art="x-p"/>
11 vnumber="11"> ויאמר יהוה אל שמואל הנה אנכי עשה דבר בישראל אשר כל שמעו--תצלינה שתי אזניו
12 vnumber="12"> ביום ההוא אקים אל עלי את כל אשר דברתי אל ביתו--החל וכלה
13 vnumber="13"> והגדתי לו כי שפט אני את ביתו עד עולם--בעון אשר ידע כי מקללים להם בניו ולא כהה בם
14 vnumber="14"> ולכן נשבעתי לבית עלי אם יתכפר עון בית עלי בזבח ובמנחה--עד עולם
15 vnumber="15"> וישכב שמואל עד הבקר ויפתח את דלתות בית יהוה ושמואל ירא מהגיד את המראה אל עלי
16 vnumber="16"> ויקרא עלי את שמואל ויאמר שמואל בני ויאמר הנני
17 vnumber="17"> ויאמר מה הדבר אשר דבר אליך--אל נא תכחד ממני כה יעשה לך אלהים וכה יוסיף אם תכחד ממני דבר מכל הדבר אשר דבר אליך
18 vnumber="18"> ויגד לו שמואל את כל הדברים ולא כחד ממנו ויאמר--יהוה הוא הטוב בעינו יעשה {פ}
art="x-p"/>
19 vnumber="19"> ויגדל שמואל ויהוה היה עמו ולא הפיל מכל דבריו ארצה
20 vnumber="20"> וידע כל ישראל מדן ועד באר שבע כי נאמן שמואל לנביא ליהוה {ס}
art="x-p"/>
21 vnumber="21"> ויסף יהוה להראה בשלה כי נגלה יהוה אל שמואל בשלו בדבר יהוה {פ}
art="x-p"/>