1 vnumber="1"> css="font-weight:bold"> א ויהורם בן אחאב מלך על ישראל בשמרון בשנת שמנה עשרה ליהושפט מלך יהודה וימלך שתים עשרה שנה
2 vnumber="2"> css="font-weight:bold"> ב ויעשה הרע בעיני יהוה--רק לא כאביו וכאמו ויסר את מצבת הבעל אשר עשה אביו
3 vnumber="3"> css="font-weight:bold"> ג רק בחטאות ירבעם בן נבט אשר החטיא את ישראל--דבק לא סר ממנה {פ} art="x-p"/>
4 vnumber="4"> css="font-weight:bold"> ד ומישע מלך מואב היה נקד והשיב למלך ישראל מאה אלף כרים ומאה אלף אילים צמר
5 vnumber="5"> css="font-weight:bold"> ה ויהי כמות אחאב ויפשע מלך מואב במלך ישראל
6 vnumber="6"> css="font-weight:bold"> ו ויצא המלך יהורם ביום ההוא--משמרון ויפקד את כל ישראל
7 vnumber="7"> css="font-weight:bold"> ז וילך וישלח אל יהושפט מלך יהודה לאמר מלך מואב פשע בי--התלך אתי אל מואב למלחמה ויאמר אעלה כמוני כמוך כעמי כעמך כסוסי כסוסיך
8 vnumber="8"> css="font-weight:bold"> ח ויאמר אי זה הדרך נעלה ויאמר דרך מדבר אדום
9 vnumber="9"> css="font-weight:bold"> ט וילך מלך ישראל ומלך יהודה ומלך אדום ויסבו דרך שבעת ימים ולא היה מים למחנה ולבהמה אשר ברגליהם
10 vnumber="10"> css="font-weight:bold"> י ויאמר מלך ישראל אהה--כי קרא יהוה לשלשת המלכים האלה לתת אותם ביד מואב {ס} art="x-p"/>
11 vnumber="11"> css="font-weight:bold"> יא ויאמר יהושפט האין פה נביא ליהוה ונדרשה את יהוה מאותו ויען אחד מעבדי מלך ישראל ויאמר פה אלישע בן שפט אשר יצק מים על ידי אליהו
12 vnumber="12"> css="font-weight:bold"> יב ויאמר יהושפט יש אותו דבר יהוה וירדו אליו מלך ישראל ויהושפט--ומלך אדום
13 vnumber="13"> css="font-weight:bold"> יג ויאמר אלישע אל מלך ישראל מה לי ולך--לך אל נביאי אביך ואל נביאי אמך ויאמר לו מלך ישראל אל כי קרא יהוה לשלשת המלכים האלה לתת אותם ביד מואב
14 vnumber="14"> css="font-weight:bold"> יד ויאמר אלישע חי יהוה צבאות אשר עמדתי לפניו כי לולי פני יהושפט מלך יהודה אני נשא--אם אביט אליך ואם אראך
15 vnumber="15"> css="font-weight:bold"> טו ועתה קחו לי מנגן והיה כנגן המנגן ותהי עליו יד יהוה
16 vnumber="16"> css="font-weight:bold"> טז ויאמר כה אמר יהוה עשה הנחל הזה גבים גבים
17 vnumber="17"> css="font-weight:bold"> יז כי כה אמר יהוה לא תראו רוח ולא תראו גשם והנחל ההוא ימלא מים ושתיתם אתם ומקניכם ובהמתכם
18 vnumber="18"> css="font-weight:bold"> יח ונקל זאת בעיני יהוה ונתן את מואב בידכם
19 vnumber="19"> css="font-weight:bold"> יט והכיתם כל עיר מבצר וכל עיר מבחור וכל עץ טוב תפילו וכל מעיני מים תסתמו וכל החלקה הטובה תכאבו באבנים
20 vnumber="20"> css="font-weight:bold"> כ ויהי בבקר כעלות המנחה והנה מים באים מדרך אדום ותמלא הארץ את המים
21 vnumber="21"> css="font-weight:bold"> כא וכל מואב שמעו כי עלו המלכים להלחם בם ויצעקו מכל חגר חגרה ומעלה ויעמדו על הגבול
22 vnumber="22"> css="font-weight:bold"> כב וישכימו בבקר והשמש זרחה על המים ויראו מואב מנגד את המים אדמים כדם
23 vnumber="23"> css="font-weight:bold"> כג ויאמרו דם זה החרב נחרבו המלכים ויכו איש את רעהו ועתה לשלל מואב
24 vnumber="24"> css="font-weight:bold"> כד ויבאו אל מחנה ישראל ויקמו ישראל ויכו את מואב וינסו מפניהם ויבו (ויכו) בה והכות את מואב
25 vnumber="25"> css="font-weight:bold"> כה והערים יהרסו וכל חלקה טובה ישליכו איש אבנו ומלאוה וכל מעין מים יסתמו וכל עץ טוב יפילו עד השאיר אבניה בקיר חרשת ויסבו הקלעים ויכוה
26 vnumber="26"> css="font-weight:bold"> כו וירא מלך מואב כי חזק ממנו המלחמה ויקח אותו שבע מאות איש שלף חרב להבקיע אל מלך אדום--ולא יכלו
27 vnumber="27"> css="font-weight:bold"> כז ויקח את בנו הבכור אשר ימלך תחתיו ויעלהו עלה על החמה ויהי קצף גדול על ישראל ויסעו מעליו וישבו לארץ {פ} art="x-p"/>