1 vnumber="1"> css="font-weight:bold"> א ויהי כי ישב המלך בביתו ויהוה הניח לו מסביב מכל איביו
2 vnumber="2"> css="font-weight:bold"> ב ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעה
3 vnumber="3"> css="font-weight:bold"> ג ויאמר נתן אל המלך כל אשר בלבבך לך עשה כי יהוה עמך
4 vnumber="4"> css="font-weight:bold"> ד ויהי בלילה ההוא {ס} ויהי דבר יהוה אל נתן לאמר
5 vnumber="5"> css="font-weight:bold"> ה לך ואמרת אל עבדי אל דוד {ס} כה אמר יהוה האתה תבנה לי בית לשבתי
6 vnumber="6"> css="font-weight:bold"> ו כי לא ישבתי בבית למיום העלתי את בני ישראל ממצרים ועד היום הזה ואהיה מתהלך באהל ובמשכן
7 vnumber="7"> css="font-weight:bold"> ז בכל אשר התהלכתי בכל בני ישראל הדבר דברתי את אחד שבטי ישראל אשר צויתי לרעות את עמי את ישראל לאמר למה לא בניתם לי בית ארזים
8 vnumber="8"> css="font-weight:bold"> ח ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן--להיות נגיד על עמי על ישראל
9 vnumber="9"> css="font-weight:bold"> ט ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ
10 vnumber="10"> css="font-weight:bold"> י ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה
11 vnumber="11"> css="font-weight:bold"> יא ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה
12 vnumber="12"> css="font-weight:bold"> יב כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו
13 vnumber="13"> css="font-weight:bold"> יג הוא יבנה בית לשמי וכננתי את כסא ממלכתו עד עולם
14 vnumber="14"> css="font-weight:bold"> יד אני אהיה לו לאב והוא יהיה לי לבן--אשר בהעותו והכחתיו בשבט אנשים ובנגעי בני אדם
15 vnumber="15"> css="font-weight:bold"> טו וחסדי לא יסור ממנו כאשר הסרתי מעם שאול אשר הסרתי מלפניך
16 vnumber="16"> css="font-weight:bold"> טז ונאמן ביתך וממלכתך עד עולם לפניך כסאך יהיה נכון עד עולם
17 vnumber="17"> css="font-weight:bold"> יז ככל הדברים האלה וככל החזיון הזה--כן דבר נתן אל דוד {פ} art="x-p"/>
18 vnumber="18"> css="font-weight:bold"> יח ויבא המלך דוד וישב לפני יהוה ויאמר מי אנכי אדני יהוה ומי ביתי--כי הבאתני עד הלם
19 vnumber="19"> css="font-weight:bold"> יט ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוה
20 vnumber="20"> css="font-weight:bold"> כ ומה יוסיף דוד עוד לדבר אליך ואתה ידעת את עבדך אדני יהוה
21 vnumber="21"> css="font-weight:bold"> כא בעבור דברך וכלבך עשית את כל הגדולה הזאת--להודיע את עבדך
22 vnumber="22"> css="font-weight:bold"> כב על כן גדלת יהוה אלהים כי אין כמוך ואין אלהים זולתך בכל אשר שמענו באזנינו
23 vnumber="23"> css="font-weight:bold"> כג ומי כעמך כישראל גוי אחד בארץ--אשר הלכו אלהים לפדות לו לעם ולשום לו שם ולעשות לכם הגדולה ונראות לארצך מפני עמך אשר פדית לך ממצרים גוים ואלהיו
24 vnumber="24"> css="font-weight:bold"> כד ותכונן לך את עמך ישראל לך לעם--עד עולם ואתה יהוה היית להם לאלהים {ס} art="x-p"/>
25 vnumber="25"> css="font-weight:bold"> כה ועתה יהוה אלהים הדבר אשר דברת על עבדך ועל ביתו הקם עד עולם ועשה כאשר דברת
26 vnumber="26"> css="font-weight:bold"> כו ויגדל שמך עד עולם לאמר יהוה צבאות אלהים על ישראל ובית עבדך דוד יהיה נכון לפניך
27 vnumber="27"> css="font-weight:bold"> כז כי אתה יהוה צבאות אלהי ישראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאת
28 vnumber="28"> css="font-weight:bold"> כח ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאת
29 vnumber="29"> css="font-weight:bold"> כט ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם {פ} art="x-p"/>