1 vnumber="1"> css="font-weight:bold"> א ונפן ונסע המדברה דרך ים סוף כאשר דבר יהוה אלי ונסב את הר שעיר ימים רבים {ס} art="x-p"/>
2 vnumber="2"> css="font-weight:bold"> ב ויאמר יהוה אלי לאמר
3 vnumber="3"> css="font-weight:bold"> ג רב לכם סב את ההר הזה פנו לכם צפנה
4 vnumber="4"> css="font-weight:bold"> ד ואת העם צו לאמר אתם עברים בגבול אחיכם בני עשו הישבים בשעיר וייראו מכם ונשמרתם מאד
5 vnumber="5"> css="font-weight:bold"> ה אל תתגרו בם--כי לא אתן לכם מארצם עד מדרך כף רגל כי ירשה לעשו נתתי את הר שעיר
6 vnumber="6"> css="font-weight:bold"> ו אכל תשברו מאתם בכסף ואכלתם וגם מים תכרו מאתם בכסף--ושתיתם
7 vnumber="7"> css="font-weight:bold"> ז כי יהוה אלהיך ברכך בכל מעשה ידך--ידע לכתך את המדבר הגדל הזה זה ארבעים שנה יהוה אלהיך עמך--לא חסרת דבר
8 vnumber="8"> css="font-weight:bold"> ח ונעבר מאת אחינו בני עשו הישבים בשעיר מדרך הערבה מאילת ומעצין גבר {ס} ונפן ונעבר דרך מדבר מואב
9 vnumber="9"> css="font-weight:bold"> ט ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשה--כי לבני לוט נתתי את ער ירשה
10 vnumber="10"> css="font-weight:bold"> י האמים לפנים ישבו בה--עם גדול ורב ורם כענקים
11 vnumber="11"> css="font-weight:bold"> יא רפאים יחשבו אף הם כענקים והמאבים יקראו להם אמים
12 vnumber="12"> css="font-weight:bold"> יב ובשעיר ישבו החרים לפנים ובני עשו יירשום וישמידום מפניהם וישבו תחתם כאשר עשה ישראל לארץ ירשתו אשר נתן יהוה להם
13 vnumber="13"> css="font-weight:bold"> יג עתה קמו ועברו לכם--את נחל זרד ונעבר את נחל זרד
14 vnumber="14"> css="font-weight:bold"> יד והימים אשר הלכנו מקדש ברנע עד אשר עברנו את נחל זרד שלשים ושמנה שנה--עד תם כל הדור אנשי המלחמה מקרב המחנה כאשר נשבע יהוה להם
15 vnumber="15"> css="font-weight:bold"> טו וגם יד יהוה היתה בם להמם מקרב המחנה עד תמם
16 vnumber="16"> css="font-weight:bold"> טז ויהי כאשר תמו כל אנשי המלחמה למות--מקרב העם {ס} art="x-p"/>
17 vnumber="17"> css="font-weight:bold"> יז וידבר יהוה אלי לאמר
18 vnumber="18"> css="font-weight:bold"> יח אתה עבר היום את גבול מואב את ער
19 vnumber="19"> css="font-weight:bold"> יט וקרבת מול בני עמון--אל תצרם ואל תתגר בם כי לא אתן מארץ בני עמון לך ירשה--כי לבני לוט נתתיה ירשה
20 vnumber="20"> css="font-weight:bold"> כ ארץ רפאים תחשב אף הוא רפאים ישבו בה לפנים והעמנים יקראו להם זמזמים
21 vnumber="21"> css="font-weight:bold"> כא עם גדול ורב ורם כענקים וישמידם יהוה מפניהם ויירשם וישבו תחתם
22 vnumber="22"> css="font-weight:bold"> כב כאשר עשה לבני עשו הישבים בשעיר--אשר השמיד את החרי מפניהם ויירשם וישבו תחתם עד היום הזה
23 vnumber="23"> css="font-weight:bold"> כג והעוים הישבים בחצרים עד עזה--כפתרים היצאים מכפתר השמידם וישבו תחתם
24 vnumber="24"> css="font-weight:bold"> כד קומו סעו ועברו את נחל ארנן--ראה נתתי בידך את סיחן מלך חשבון האמרי ואת ארצו החל רש והתגר בו מלחמה
25 vnumber="25"> css="font-weight:bold"> כה היום הזה אחל תת פחדך ויראתך על פני העמים תחת כל השמים--אשר ישמעון שמעך ורגזו וחלו מפניך
26 vnumber="26"> css="font-weight:bold"> כו ואשלח מלאכים ממדבר קדמות אל סיחון מלך חשבון דברי שלום לאמר
27 vnumber="27"> css="font-weight:bold"> כז אעברה בארצך בדרך בדרך אלך לא אסור ימין ושמאול
28 vnumber="28"> css="font-weight:bold"> כח אכל בכסף תשברני ואכלתי ומים בכסף תתן לי ושתיתי רק אעברה ברגלי
29 vnumber="29"> css="font-weight:bold"> כט כאשר עשו לי בני עשו הישבים בשעיר והמואבים הישבים בער--עד אשר אעבר את הירדן אל הארץ אשר יהוה אלהינו נתן לנו
30 vnumber="30"> css="font-weight:bold"> ל ולא אבה סיחן מלך חשבון העברנו בו כי הקשה יהוה אלהיך את רוחו ואמץ את לבבו למען תתו בידך כיום הזה {ס} art="x-p"/>
31 vnumber="31"> css="font-weight:bold"> לא ויאמר יהוה אלי ראה החלתי תת לפניך את סיחן ואת ארצו החל רש לרשת את ארצו
32 vnumber="32"> css="font-weight:bold"> לב ויצא סיחן לקראתנו הוא וכל עמו למלחמה--יהצה
33 vnumber="33"> css="font-weight:bold"> לג ויתנהו יהוה אלהינו לפנינו ונך אתו ואת בנו ואת כל עמו
34 vnumber="34"> css="font-weight:bold"> לד ונלכד את כל עריו בעת ההוא ונחרם את כל עיר מתם והנשים והטף לא השארנו שריד
35 vnumber="35"> css="font-weight:bold"> לה רק הבהמה בזזנו לנו ושלל הערים אשר לכדנו
36 vnumber="36"> css="font-weight:bold"> לו מערער אשר על שפת נחל ארנן והעיר אשר בנחל ועד הגלעד לא היתה קריה אשר שגבה ממנו את הכל נתן יהוה אלהינו לפנינו
37 vnumber="37"> css="font-weight:bold"> לז רק אל ארץ בני עמון לא קרבת כל יד נחל יבק וערי ההר וכל אשר צוה יהוה אלהינו art="x-p"/>