1 vnumber="1"> css="font-weight:bold"> א ונפן ונעל דרך הבשן ויצא עוג מלך הבשן לקראתנו הוא וכל עמו למלחמה--אדרעי
2 vnumber="2"> css="font-weight:bold"> ב ויאמר יהוה אלי אל תירא אתו--כי בידך נתתי אתו ואת כל עמו ואת ארצו ועשית לו--כאשר עשית לסיחן מלך האמרי אשר יושב בחשבון
3 vnumber="3"> css="font-weight:bold"> ג ויתן יהוה אלהינו בידנו גם את עוג מלך הבשן--ואת כל עמו ונכהו עד בלתי השאיר לו שריד
4 vnumber="4"> css="font-weight:bold"> ד ונלכד את כל עריו בעת ההוא--לא היתה קריה אשר לא לקחנו מאתם ששים עיר כל חבל ארגב ממלכת עוג בבשן
5 vnumber="5"> css="font-weight:bold"> ה כל אלה ערים בצרת חומה גבהה--דלתים ובריח לבד מערי הפרזי הרבה מאד
6 vnumber="6"> css="font-weight:bold"> ו ונחרם אותם--כאשר עשינו לסיחן מלך חשבון החרם כל עיר מתם הנשים והטף
7 vnumber="7"> css="font-weight:bold"> ז וכל הבהמה ושלל הערים בזונו לנו
8 vnumber="8"> css="font-weight:bold"> ח ונקח בעת ההוא את הארץ מיד שני מלכי האמרי אשר בעבר הירדן--מנחל ארנן עד הר חרמון
9 vnumber="9"> css="font-weight:bold"> ט צידנים יקראו לחרמון שרין והאמרי יקראו לו שניר
10 vnumber="10"> css="font-weight:bold"> י כל ערי המישר וכל הגלעד וכל הבשן עד סלכה ואדרעי--ערי ממלכת עוג בבשן
11 vnumber="11"> css="font-weight:bold"> יא כי רק עוג מלך הבשן נשאר מיתר הרפאים--הנה ערשו ערש ברזל הלה הוא ברבת בני עמון תשע אמות ארכה וארבע אמות רחבה--באמת איש
12 vnumber="12"> css="font-weight:bold"> יב ואת הארץ הזאת ירשנו בעת ההוא מערער אשר על נחל ארנן וחצי הר הגלעד ועריו--נתתי לראובני ולגדי
13 vnumber="13"> css="font-weight:bold"> יג ויתר הגלעד וכל הבשן ממלכת עוג--נתתי לחצי שבט המנשה כל חבל הארגב לכל הבשן ההוא יקרא ארץ רפאים
14 vnumber="14"> css="font-weight:bold"> יד יאיר בן מנשה לקח את כל חבל ארגב עד גבול הגשורי והמעכתי ויקרא אתם על שמו את הבשן חות יאיר עד היום הזה
15 vnumber="15"> css="font-weight:bold"> טו ולמכיר נתתי את הגלעד
16 vnumber="16"> css="font-weight:bold"> טז ולראובני ולגדי נתתי מן הגלעד ועד נחל ארנן תוך הנחל וגבל--ועד יבק הנחל גבול בני עמון
17 vnumber="17"> css="font-weight:bold"> יז והערבה והירדן וגבל--מכנרת ועד ים הערבה ים המלח תחת אשדת הפסגה מזרחה
18 vnumber="18"> css="font-weight:bold"> יח ואצו אתכם בעת ההוא לאמר יהוה אלהיכם נתן לכם את הארץ הזאת לרשתה--חלוצים תעברו לפני אחיכם בני ישראל כל בני חיל
19 vnumber="19"> css="font-weight:bold"> יט רק נשיכם וטפכם ומקנכם ידעתי כי מקנה רב לכם--ישבו בעריכם אשר נתתי לכם
20 vnumber="20"> css="font-weight:bold"> כ עד אשר יניח יהוה לאחיכם ככם וירשו גם הם את הארץ אשר יהוה אלהיכם נתן להם בעבר הירדן ושבתם איש לירשתו אשר נתתי לכם
21 vnumber="21"> css="font-weight:bold"> כא ואת יהושוע צויתי בעת ההוא לאמר עיניך הראת את כל אשר עשה יהוה אלהיכם לשני המלכים האלה--כן יעשה יהוה לכל הממלכות אשר אתה עבר שמה
22 vnumber="22"> css="font-weight:bold"> כב לא תיראום כי יהוה אלהיכם הוא הנלחם לכם {ס} art="x-p"/>
23 vnumber="23"> css="font-weight:bold"> כג ואתחנן אל יהוה בעת ההוא לאמר
24 vnumber="24"> css="font-weight:bold"> כד אדני יהוה אתה החלות להראות את עבדך את גדלך ואת ידך החזקה--אשר מי אל בשמים ובארץ אשר יעשה כמעשיך וכגבורתך
25 vnumber="25"> css="font-weight:bold"> כה אעברה נא ואראה את הארץ הטובה אשר בעבר הירדן ההר הטוב הזה והלבנן
26 vnumber="26"> css="font-weight:bold"> כו ויתעבר יהוה בי למענכם ולא שמע אלי ויאמר יהוה אלי רב לך--אל תוסף דבר אלי עוד בדבר הזה
27 vnumber="27"> css="font-weight:bold"> כז עלה ראש הפסגה ושא עיניך ימה וצפנה ותימנה ומזרחה--וראה בעיניך כי לא תעבר את הירדן הזה
28 vnumber="28"> css="font-weight:bold"> כח וצו את יהושע וחזקהו ואמצהו כי הוא יעבר לפני העם הזה והוא ינחיל אותם את הארץ אשר תראה
29 vnumber="29"> css="font-weight:bold"> כט ונשב בגיא מול בית פעור {פ} art="x-p"/>