1 vnumber="1"> css="font-weight:bold"> א וזאת הברכה אשר ברך משה איש האלהים--את בני ישראל לפני מותו
2 vnumber="2"> css="font-weight:bold"> ב ויאמר יהוה מסיני בא וזרח משעיר למו--הופיע מהר פארן ואתה מרבבת קדש מימינו אשדת (אש דת) למו
3 vnumber="3"> css="font-weight:bold"> ג אף חבב עמים כל קדשיו בידך והם תכו לרגלך ישא מדברתיך
4 vnumber="4"> css="font-weight:bold"> ד תורה צוה לנו משה מורשה קהלת יעקב
5 vnumber="5"> css="font-weight:bold"> ה ויהי בישרון מלך בהתאסף ראשי עם יחד שבטי ישראל
6 vnumber="6"> css="font-weight:bold"> ו יחי ראובן ואל ימת ויהי מתיו מספר {ס} art="x-p"/>
7 vnumber="7"> css="font-weight:bold"> ז וזאת ליהודה ויאמר שמע יהוה קול יהודה ואל עמו תביאנו ידיו רב לו ועזר מצריו תהיה {פ} art="x-p"/>
8 vnumber="8"> css="font-weight:bold"> ח וללוי אמר תמיך ואוריך לאיש חסידך אשר נסיתו במסה תריבהו על מי מריבה
9 vnumber="9"> css="font-weight:bold"> ט האמר לאביו ולאמו לא ראיתיו ואת אחיו לא הכיר ואת בנו לא ידע כי שמרו אמרתך ובריתך ינצרו
10 vnumber="10"> css="font-weight:bold"> י יורו משפטיך ליעקב ותורתך לישראל ישימו קטורה באפך וכליל על מזבחך
11 vnumber="11"> css="font-weight:bold"> יא ברך יהוה חילו ופעל ידיו תרצה מחץ מתנים קמיו ומשנאיו מן יקומון {ס} art="x-p"/>
12 vnumber="12"> css="font-weight:bold"> יב לבנימן אמר--ידיד יהוה ישכן לבטח עליו חפף עליו כל היום ובין כתפיו שכן {ס} art="x-p"/>
13 vnumber="13"> css="font-weight:bold"> יג וליוסף אמר מברכת יהוה ארצו ממגד שמים מטל ומתהום רבצת תחת
14 vnumber="14"> css="font-weight:bold"> יד וממגד תבואת שמש וממגד גרש ירחים
15 vnumber="15"> css="font-weight:bold"> טו ומראש הררי קדם וממגד גבעות עולם
16 vnumber="16"> css="font-weight:bold"> טז וממגד ארץ ומלאה ורצון שכני סנה תבואתה לראש יוסף ולקדקד נזיר אחיו
17 vnumber="17"> css="font-weight:bold"> יז בכור שורו הדר לו וקרני ראם קרניו--בהם עמים ינגח יחדו אפסי ארץ והם רבבות אפרים והם אלפי מנשה {ס} art="x-p"/>
18 vnumber="18"> css="font-weight:bold"> יח ולזבולן אמר שמח זבולן בצאתך ויששכר באהליך
19 vnumber="19"> css="font-weight:bold"> יט עמים הר יקראו--שם יזבחו זבחי צדק כי שפע ימים יינקו ושפני טמוני חול {ס} art="x-p"/>
20 vnumber="20"> css="font-weight:bold"> כ ולגד אמר ברוך מרחיב גד כלביא שכן וטרף זרוע אף קדקד
21 vnumber="21"> css="font-weight:bold"> כא וירא ראשית לו כי שם חלקת מחקק ספון ויתא ראשי עם--צדקת יהוה עשה ומשפטיו עם ישראל {ס} art="x-p"/>
22 vnumber="22"> css="font-weight:bold"> כב ולדן אמר דן גור אריה יזנק מן הבשן
23 vnumber="23"> css="font-weight:bold"> כג ולנפתלי אמר--נפתלי שבע רצון ומלא ברכת יהוה ים ודרום ירשה {ס} art="x-p"/>
24 vnumber="24"> css="font-weight:bold"> כד ולאשר אמר ברוך מבנים אשר יהי רצוי אחיו וטבל בשמן רגלו
25 vnumber="25"> css="font-weight:bold"> כה ברזל ונחשת מנעלך וכימיך דבאך
26 vnumber="26"> css="font-weight:bold"> כו אין כאל ישרון רכב שמים בעזרך ובגאותו שחקים
27 vnumber="27"> css="font-weight:bold"> כז מענה אלהי קדם ומתחת זרעת עולם ויגרש מפניך אויב ויאמר השמד
28 vnumber="28"> css="font-weight:bold"> כח וישכן ישראל בטח בדד עין יעקב אל ארץ דגן ותירוש אף שמיו יערפו טל
29 vnumber="29"> css="font-weight:bold"> כט אשריך ישראל מי כמוך עם נושע ביהוה מגן עזרך ואשר חרב גאותך ויכחשו איביך לך ואתה על במותימו תדרך {ס} art="x-p"/>