1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב דבר אל בני ישראל וישבו ויחנו לפני פי החירת בין מגדל ובין הים לפני בעל צפן נכחו תחנו על הים
3 vnumber="3"> css="font-weight:bold"> ג ואמר פרעה לבני ישראל נבכים הם בארץ סגר עליהם המדבר
4 vnumber="4"> css="font-weight:bold"> ד וחזקתי את לב פרעה ורדף אחריהם ואכבדה בפרעה ובכל חילו וידעו מצרים כי אני יהוה ויעשו כן
5 vnumber="5"> css="font-weight:bold"> ה ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנו
6 vnumber="6"> css="font-weight:bold"> ו ויאסר את רכבו ואת עמו לקח עמו
7 vnumber="7"> css="font-weight:bold"> ז ויקח שש מאות רכב בחור וכל רכב מצרים ושלשם על כלו
8 vnumber="8"> css="font-weight:bold"> ח ויחזק יהוה את לב פרעה מלך מצרים וירדף אחרי בני ישראל ובני ישראל יצאים ביד רמה
9 vnumber="9"> css="font-weight:bold"> ט וירדפו מצרים אחריהם וישיגו אותם חנים על הים כל סוס רכב פרעה ופרשיו וחילו--על פי החירת לפני בעל צפן
10 vnumber="10"> css="font-weight:bold"> י ופרעה הקריב וישאו בני ישראל את עיניהם והנה מצרים נסע אחריהם וייראו מאד ויצעקו בני ישראל אל יהוה
11 vnumber="11"> css="font-weight:bold"> יא ויאמרו אל משה המבלי אין קברים במצרים לקחתנו למות במדבר מה זאת עשית לנו להוציאנו ממצרים
12 vnumber="12"> css="font-weight:bold"> יב הלא זה הדבר אשר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר
13 vnumber="13"> css="font-weight:bold"> יג ויאמר משה אל העם אל תיראו--התיצבו וראו את ישועת יהוה אשר יעשה לכם היום כי אשר ראיתם את מצרים היום--לא תספו לראתם עוד עד עולם
14 vnumber="14"> css="font-weight:bold"> יד יהוה ילחם לכם ואתם תחרשון {פ} art="x-p"/>
15 vnumber="15"> css="font-weight:bold"> טו ויאמר יהוה אל משה מה תצעק אלי דבר אל בני ישראל ויסעו
16 vnumber="16"> css="font-weight:bold"> טז ואתה הרם את מטך ונטה את ידך על הים--ובקעהו ויבאו בני ישראל בתוך הים ביבשה
17 vnumber="17"> css="font-weight:bold"> יז ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשיו
18 vnumber="18"> css="font-weight:bold"> יח וידעו מצרים כי אני יהוה בהכבדי בפרעה ברכבו ובפרשיו
19 vnumber="19"> css="font-weight:bold"> יט ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהם
20 vnumber="20"> css="font-weight:bold"> כ ויבא בין מחנה מצרים ובין מחנה ישראל ויהי הענן והחשך ויאר את הלילה ולא קרב זה אל זה כל הלילה
21 vnumber="21"> css="font-weight:bold"> כא ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המים
22 vnumber="22"> css="font-weight:bold"> כב ויבאו בני ישראל בתוך הים ביבשה והמים להם חומה מימינם ומשמאלם
23 vnumber="23"> css="font-weight:bold"> כג וירדפו מצרים ויבאו אחריהם--כל סוס פרעה רכבו ופרשיו אל תוך הים
24 vnumber="24"> css="font-weight:bold"> כד ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים
25 vnumber="25"> css="font-weight:bold"> כה ויסר את אפן מרכבתיו וינהגהו בכבדת ויאמר מצרים אנוסה מפני ישראל--כי יהוה נלחם להם במצרים {פ} art="x-p"/>
26 vnumber="26"> css="font-weight:bold"> כו ויאמר יהוה אל משה נטה את ידך על הים וישבו המים על מצרים על רכבו ועל פרשיו
27 vnumber="27"> css="font-weight:bold"> כז ויט משה את ידו על הים וישב הים לפנות בקר לאיתנו ומצרים נסים לקראתו וינער יהוה את מצרים בתוך הים
28 vnumber="28"> css="font-weight:bold"> כח וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד
29 vnumber="29"> css="font-weight:bold"> כט ובני ישראל הלכו ביבשה בתוך הים והמים להם חמה מימינם ומשמאלם
30 vnumber="30"> css="font-weight:bold"> ל ויושע יהוה ביום ההוא את ישראל--מיד מצרים וירא ישראל את מצרים מת על שפת הים
31 vnumber="31"> css="font-weight:bold"> לא וירא ישראל את היד הגדלה אשר עשה יהוה במצרים וייראו העם את יהוה ויאמינו ביהוה ובמשה עבדו {ר} br {ש} art="x-p"/>