1 vnumber="1"> css="font-weight:bold"> א בחדש השלישי לצאת בני ישראל מארץ מצרים--ביום הזה באו מדבר סיני
2 vnumber="2"> css="font-weight:bold"> ב ויסעו מרפידים ויבאו מדבר סיני ויחנו במדבר ויחן שם ישראל נגד ההר
3 vnumber="3"> css="font-weight:bold"> ג ומשה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישראל
4 vnumber="4"> css="font-weight:bold"> ד אתם ראיתם אשר עשיתי למצרים ואשא אתכם על כנפי נשרים ואבא אתכם אלי
5 vnumber="5"> css="font-weight:bold"> ה ועתה אם שמוע תשמעו בקלי ושמרתם את בריתי--והייתם לי סגלה מכל העמים כי לי כל הארץ
6 vnumber="6"> css="font-weight:bold"> ו ואתם תהיו לי ממלכת כהנים וגוי קדוש אלה הדברים אשר תדבר אל בני ישראל
7 vnumber="7"> css="font-weight:bold"> ז ויבא משה ויקרא לזקני העם וישם לפניהם את כל הדברים האלה אשר צוהו יהוה
8 vnumber="8"> css="font-weight:bold"> ח ויענו כל העם יחדו ויאמרו כל אשר דבר יהוה נעשה וישב משה את דברי העם אל יהוה
9 vnumber="9"> css="font-weight:bold"> ט ויאמר יהוה אל משה הנה אנכי בא אליך בעב הענן בעבור ישמע העם בדברי עמך וגם בך יאמינו לעולם ויגד משה את דברי העם אל יהוה
10 vnumber="10"> css="font-weight:bold"> י ויאמר יהוה אל משה לך אל העם וקדשתם היום ומחר וכבסו שמלתם
11 vnumber="11"> css="font-weight:bold"> יא והיו נכנים ליום השלישי כי ביום השלשי ירד יהוה לעיני כל העם--על הר סיני
12 vnumber="12"> css="font-weight:bold"> יב והגבלת את העם סביב לאמר השמרו לכם עלות בהר ונגע בקצהו כל הנגע בהר מות יומת
13 vnumber="13"> css="font-weight:bold"> יג לא תגע בו יד כי סקול יסקל או ירה יירה--אם בהמה אם איש לא יחיה במשך היבל המה יעלו בהר
14 vnumber="14"> css="font-weight:bold"> יד וירד משה מן ההר אל העם ויקדש את העם ויכבסו שמלתם
15 vnumber="15"> css="font-weight:bold"> טו ויאמר אל העם היו נכנים לשלשת ימים אל תגשו אל אשה
16 vnumber="16"> css="font-weight:bold"> טז ויהי ביום השלישי בהית הבקר ויהי קלת וברקים וענן כבד על ההר וקל שפר חזק מאד ויחרד כל העם אשר במחנה
17 vnumber="17"> css="font-weight:bold"> יז ויוצא משה את העם לקראת האלהים מן המחנה ויתיצבו בתחתית ההר
18 vnumber="18"> css="font-weight:bold"> יח והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד
19 vnumber="19"> css="font-weight:bold"> יט ויהי קול השפר הולך וחזק מאד משה ידבר והאלהים יעננו בקול
20 vnumber="20"> css="font-weight:bold"> כ וירד יהוה על הר סיני אל ראש ההר ויקרא יהוה למשה אל ראש ההר ויעל משה
21 vnumber="21"> css="font-weight:bold"> כא ויאמר יהוה אל משה רד העד בעם פן יהרסו אל יהוה לראות ונפל ממנו רב
22 vnumber="22"> css="font-weight:bold"> כב וגם הכהנים הנגשים אל יהוה יתקדשו פן יפרץ בהם יהוה
23 vnumber="23"> css="font-weight:bold"> כג ויאמר משה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשתו
24 vnumber="24"> css="font-weight:bold"> כד ויאמר אליו יהוה לך רד ועלית אתה ואהרן עמך והכהנים והעם אל יהרסו לעלת אל יהוה--פן יפרץ בם
25 vnumber="25"> css="font-weight:bold"> כה וירד משה אל העם ויאמר אלהם {ס} art="x-p"/>