1 vnumber="1"> css="font-weight:bold"> א וילך איש מבית לוי ויקח את בת לוי
2 vnumber="2"> css="font-weight:bold"> ב ותהר האשה ותלד בן ותרא אתו כי טוב הוא ותצפנהו שלשה ירחים
3 vnumber="3"> css="font-weight:bold"> ג ולא יכלה עוד הצפינו ותקח לו תבת גמא ותחמרה בחמר ובזפת ותשם בה את הילד ותשם בסוף על שפת היאר
4 vnumber="4"> css="font-weight:bold"> ד ותתצב אחתו מרחק לדעה מה יעשה לו
5 vnumber="5"> css="font-weight:bold"> ה ותרד בת פרעה לרחץ על היאר ונערתיה הלכת על יד היאר ותרא את התבה בתוך הסוף ותשלח את אמתה ותקחה
6 vnumber="6"> css="font-weight:bold"> ו ותפתח ותראהו את הילד והנה נער בכה ותחמל עליו--ותאמר מילדי העברים זה
7 vnumber="7"> css="font-weight:bold"> ז ותאמר אחתו אל בת פרעה האלך וקראתי לך אשה מינקת מן העברית ותינק לך את הילד
8 vnumber="8"> css="font-weight:bold"> ח ותאמר לה בת פרעה לכי ותלך העלמה ותקרא את אם הילד
9 vnumber="9"> css="font-weight:bold"> ט ותאמר לה בת פרעה היליכי את הילד הזה והינקהו לי ואני אתן את שכרך ותקח האשה הילד ותניקהו
10 vnumber="10"> css="font-weight:bold"> י ויגדל הילד ותבאהו לבת פרעה ויהי לה לבן ותקרא שמו משה ותאמר כי מן המים משיתהו
11 vnumber="11"> css="font-weight:bold"> יא ויהי בימים ההם ויגדל משה ויצא אל אחיו וירא בסבלתם וירא איש מצרי מכה איש עברי מאחיו
12 vnumber="12"> css="font-weight:bold"> יב ויפן כה וכה וירא כי אין איש ויך את המצרי ויטמנהו בחול
13 vnumber="13"> css="font-weight:bold"> יג ויצא ביום השני והנה שני אנשים עברים נצים ויאמר לרשע למה תכה רעך
14 vnumber="14"> css="font-weight:bold"> יד ויאמר מי שמך לאיש שר ושפט עלינו--הלהרגני אתה אמר כאשר הרגת את המצרי ויירא משה ויאמר אכן נודע הדבר
15 vnumber="15"> css="font-weight:bold"> טו וישמע פרעה את הדבר הזה ויבקש להרג את משה ויברח משה מפני פרעה וישב בארץ מדין וישב על הבאר
16 vnumber="16"> css="font-weight:bold"> טז ולכהן מדין שבע בנות ותבאנה ותדלנה ותמלאנה את הרהטים להשקות צאן אביהן
17 vnumber="17"> css="font-weight:bold"> יז ויבאו הרעים ויגרשום ויקם משה ויושען וישק את צאנם
18 vnumber="18"> css="font-weight:bold"> יח ותבאנה אל רעואל אביהן ויאמר מדוע מהרתן בא היום
19 vnumber="19"> css="font-weight:bold"> יט ותאמרן--איש מצרי הצילנו מיד הרעים וגם דלה דלה לנו וישק את הצאן
20 vnumber="20"> css="font-weight:bold"> כ ויאמר אל בנתיו ואיו למה זה עזבתן את האיש קראן לו ויאכל לחם
21 vnumber="21"> css="font-weight:bold"> כא ויואל משה לשבת את האיש ויתן את צפרה בתו למשה
22 vnumber="22"> css="font-weight:bold"> כב ותלד בן ויקרא את שמו גרשם כי אמר--גר הייתי בארץ נכריה {פ} art="x-p"/>
23 vnumber="23"> css="font-weight:bold"> כג ויהי בימים הרבים ההם וימת מלך מצרים ויאנחו בני ישראל מן העבדה ויזעקו ותעל שועתם אל האלהים מן העבדה
24 vnumber="24"> css="font-weight:bold"> כד וישמע אלהים את נאקתם ויזכר אלהים את בריתו את אברהם את יצחק ואת יעקב
25 vnumber="25"> css="font-weight:bold"> כה וירא אלהים את בני ישראל וידע אלהים {ס} art="x-p"/>