1 vnumber="1"> css="font-weight:bold"> א ויקהל משה את כל עדת בני ישראל--ויאמר אלהם אלה הדברים אשר צוה יהוה לעשת אתם
2 vnumber="2"> css="font-weight:bold"> ב ששת ימים תעשה מלאכה וביום השביעי יהיה לכם קדש שבת שבתון ליהוה כל העשה בו מלאכה יומת
3 vnumber="3"> css="font-weight:bold"> ג לא תבערו אש בכל משבתיכם ביום השבת {פ} art="x-p"/>
4 vnumber="4"> css="font-weight:bold"> ד ויאמר משה אל כל עדת בני ישראל לאמר זה הדבר אשר צוה יהוה לאמר
5 vnumber="5"> css="font-weight:bold"> ה קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשת
6 vnumber="6"> css="font-weight:bold"> ו ותכלת וארגמן ותולעת שני ושש ועזים
7 vnumber="7"> css="font-weight:bold"> ז וערת אילם מאדמים וערת תחשים ועצי שטים
8 vnumber="8"> css="font-weight:bold"> ח ושמן למאור ובשמים לשמן המשחה ולקטרת הסמים
9 vnumber="9"> css="font-weight:bold"> ט ואבני שהם--ואבני מלאים לאפוד ולחשן
10 vnumber="10"> css="font-weight:bold"> י וכל חכם לב בכם יבאו ויעשו את כל אשר צוה יהוה
11 vnumber="11"> css="font-weight:bold"> יא את המשכן--את אהלו ואת מכסהו את קרסיו ואת קרשיו את בריחו את עמדיו ואת אדניו
12 vnumber="12"> css="font-weight:bold"> יב את הארן ואת בדיו את הכפרת ואת פרכת המסך
13 vnumber="13"> css="font-weight:bold"> יג את השלחן ואת בדיו ואת כל כליו ואת לחם הפנים
14 vnumber="14"> css="font-weight:bold"> יד ואת מנרת המאור ואת כליה ואת נרתיה ואת שמן המאור
15 vnumber="15"> css="font-weight:bold"> טו ואת מזבח הקטרת ואת בדיו ואת שמן המשחה ואת קטרת הסמים ואת מסך הפתח לפתח המשכן
16 vnumber="16"> css="font-weight:bold"> טז את מזבח העלה ואת מכבר הנחשת אשר לו את בדיו ואת כל כליו את הכיר ואת כנו
17 vnumber="17"> css="font-weight:bold"> יז את קלעי החצר את עמדיו ואת אדניה ואת מסך שער החצר
18 vnumber="18"> css="font-weight:bold"> יח את יתדת המשכן ואת יתדת החצר ואת מיתריהם
19 vnumber="19"> css="font-weight:bold"> יט את בגדי השרד לשרת בקדש את בגדי הקדש לאהרן הכהן ואת בגדי בניו לכהן
20 vnumber="20"> css="font-weight:bold"> כ ויצאו כל עדת בני ישראל מלפני משה
21 vnumber="21"> css="font-weight:bold"> כא ויבאו כל איש אשר נשאו לבו וכל אשר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדש
22 vnumber="22"> css="font-weight:bold"> כב ויבאו האנשים על הנשים כל נדיב לב הביאו חח ונזם וטבעת וכומז כל כלי זהב וכל איש אשר הניף תנופת זהב ליהוה
23 vnumber="23"> css="font-weight:bold"> כג וכל איש אשר נמצא אתו תכלת וארגמן ותולעת שני--ושש ועזים וערת אילם מאדמים וערת תחשים הביאו
24 vnumber="24"> css="font-weight:bold"> כד כל מרים תרומת כסף ונחשת הביאו את תרומת יהוה וכל אשר נמצא אתו עצי שטים לכל מלאכת העבדה--הביאו
25 vnumber="25"> css="font-weight:bold"> כה וכל אשה חכמת לב בידיה טוו ויביאו מטוה את התכלת ואת הארגמן את תולעת השני ואת השש
26 vnumber="26"> css="font-weight:bold"> כו וכל הנשים--אשר נשא לבן אתנה בחכמה טוו את העזים
27 vnumber="27"> css="font-weight:bold"> כז והנשאם הביאו--את אבני השהם ואת אבני המלאים לאפוד ולחשן
28 vnumber="28"> css="font-weight:bold"> כח ואת הבשם ואת השמן למאור--ולשמן המשחה ולקטרת הסמים
29 vnumber="29"> css="font-weight:bold"> כט כל איש ואשה אשר נדב לבם אתם להביא לכל המלאכה אשר צוה יהוה לעשות ביד משה--הביאו בני ישראל נדבה ליהוה {פ} art="x-p"/>
30 vnumber="30"> css="font-weight:bold"> ל ויאמר משה אל בני ישראל ראו קרא יהוה בשם בצלאל בן אורי בן חור למטה יהודה
31 vnumber="31"> css="font-weight:bold"> לא וימלא אתו רוח אלהים בחכמה בתבונה ובדעת ובכל מלאכה
32 vnumber="32"> css="font-weight:bold"> לב ולחשב מחשבת--לעשת בזהב ובכסף ובנחשת
33 vnumber="33"> css="font-weight:bold"> לג ובחרשת אבן למלאת ובחרשת עץ לעשות בכל מלאכת מחשבת
34 vnumber="34"> css="font-weight:bold"> לד ולהורת נתן בלבו הוא ואהליאב בן אחיסמך למטה דן
35 vnumber="35"> css="font-weight:bold"> לה מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבת art="x-p"/>