1 vnumber="1"> ויען משה ויאמר והן לא יאמינו לי ולא ישמעו בקלי כי יאמרו לא נראה אליך יהוה
2 vnumber="2"> ויאמר אליו יהוה מזה (מה זה) בידך ויאמר מטה
3 vnumber="3"> ויאמר השליכהו ארצה וישלכהו ארצה ויהי לנחש וינס משה מפניו
4 vnumber="4"> ויאמר יהוה אל משה שלח ידך ואחז בזנבו וישלח ידו ויחזק בו ויהי למטה בכפו
5 vnumber="5"> למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב
6 vnumber="6"> ויאמר יהוה לו עוד הבא נא ידך בחיקך ויבא ידו בחיקו ויוצאה והנה ידו מצרעת כשלג
7 vnumber="7"> ויאמר השב ידך אל חיקך וישב ידו אל חיקו ויוצאה מחיקו והנה שבה כבשרו
8 vnumber="8"> והיה אם לא יאמינו לך ולא ישמעו לקל האת הראשון--והאמינו לקל האת האחרון
9 vnumber="9"> והיה אם לא יאמינו גם לשני האתות האלה ולא ישמעון לקלך--ולקחת ממימי היאר ושפכת היבשה והיו המים אשר תקח מן היאר והיו לדם ביבשת
10 vnumber="10"> ויאמר משה אל יהוה בי אדני לא איש דברים אנכי גם מתמול גם משלשם גם מאז דברך אל עבדך כי כבד פה וכבד לשון אנכי
11 vnumber="11"> ויאמר יהוה אליו מי שם פה לאדם או מי ישום אלם או חרש או פקח או עור--הלא אנכי יהוה
12 vnumber="12"> ועתה לך ואנכי אהיה עם פיך והוריתיך אשר תדבר
13 vnumber="13"> ויאמר בי אדני שלח נא ביד תשלח
14 vnumber="14"> ויחר אף יהוה במשה ויאמר הלא אהרן אחיך הלוי--ידעתי כי דבר ידבר הוא וגם הנה הוא יצא לקראתך וראך ושמח בלבו
15 vnumber="15"> ודברת אליו ושמת את הדברים בפיו ואנכי אהיה עם פיך ועם פיהו והוריתי אתכם את אשר תעשון
16 vnumber="16"> ודבר הוא לך אל העם והיה הוא יהיה לך לפה ואתה תהיה לו לאלהים
17 vnumber="17"> ואת המטה הזה תקח בידך אשר תעשה בו את האתת {פ}
art="x-p"/>
18 vnumber="18"> וילך משה וישב אל יתר חתנו ויאמר לו אלכה נא ואשובה אל אחי אשר במצרים ואראה העודם חיים ויאמר יתרו למשה לך לשלום
19 vnumber="19"> ויאמר יהוה אל משה במדין לך שב מצרים כי מתו כל האנשים המבקשים את נפשך
20 vnumber="20"> ויקח משה את אשתו ואת בניו וירכבם על החמר וישב ארצה מצרים ויקח משה את מטה האלהים בידו
21 vnumber="21"> ויאמר יהוה אל משה בלכתך לשוב מצרימה ראה כל המפתים אשר שמתי בידך ועשיתם לפני פרעה ואני אחזק את לבו ולא ישלח את העם
22 vnumber="22"> ואמרת אל פרעה כה אמר יהוה בני בכרי ישראל
23 vnumber="23"> ואמר אליך שלח את בני ויעבדני ותמאן לשלחו--הנה אנכי הרג את בנך בכרך
24 vnumber="24"> ויהי בדרך במלון ויפגשהו יהוה ויבקש המיתו
25 vnumber="25"> ותקח צפרה צר ותכרת את ערלת בנה ותגע לרגליו ותאמר כי חתן דמים אתה לי
26 vnumber="26"> וירף ממנו אז אמרה חתן דמים למולת {פ}
art="x-p"/>
27 vnumber="27"> ויאמר יהוה אל אהרן לך לקראת משה המדברה וילך ויפגשהו בהר האלהים--וישק לו
28 vnumber="28"> ויגד משה לאהרן את כל דברי יהוה אשר שלחו ואת כל האתת אשר צוהו
29 vnumber="29"> וילך משה ואהרן ויאספו את כל זקני בני ישראל
30 vnumber="30"> וידבר אהרן--את כל הדברים אשר דבר יהוה אל משה ויעש האתת לעיני העם
31 vnumber="31"> ויאמן העם וישמעו כי פקד יהוה את בני ישראל וכי ראה את ענים ויקדו וישתחוו
art="x-p"/>