1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב בן אדם חוד חידה ומשל משל אל בית ישראל
3 vnumber="3"> css="font-weight:bold"> ג ואמרת כה אמר אדני יהוה הנשר הגדול גדול הכנפים ארך האבר מלא הנוצה אשר לו הרקמה--בא אל הלבנון ויקח את צמרת הארז
4 vnumber="4"> css="font-weight:bold"> ד את ראש יניקותיו קטף ויביאהו אל ארץ כנען בעיר רכלים שמו
5 vnumber="5"> css="font-weight:bold"> ה ויקח מזרע הארץ ויתנהו בשדה זרע קח על מים רבים צפצפה שמו
6 vnumber="6"> css="font-weight:bold"> ו ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן--ותעש בדים ותשלח פראות
7 vnumber="7"> css="font-weight:bold"> ז ויהי נשר אחד גדול גדול כנפים ורב נוצה והנה הגפן הזאת כפנה שרשיה עליו ודליותיו שלחה לו להשקות אותה מערגות מטעה
8 vnumber="8"> css="font-weight:bold"> ח אל שדה טוב אל מים רבים היא שתולה--לעשות ענף ולשאת פרי להיות לגפן אדרת
9 vnumber="9"> css="font-weight:bold"> ט אמר כה אמר אדני יהוה--תצלח הלוא את שרשיה ינתק ואת פריה יקוסס ויבש כל טרפי צמחה תיבש ולא בזרע גדולה ובעם רב למשאות אותה משרשיה
10 vnumber="10"> css="font-weight:bold"> י והנה שתולה התצלח הלא כגעת בה רוח הקדים תיבש יבש על ערגת צמחה תיבש {פ} art="x-p"/>
11 vnumber="11"> css="font-weight:bold"> יא ויהי דבר יהוה אלי לאמר
12 vnumber="12"> css="font-weight:bold"> יב אמר נא לבית המרי הלא ידעתם מה אלה אמר הנה בא מלך בבל ירושלם ויקח את מלכה ואת שריה ויבא אותם אליו בבלה
13 vnumber="13"> css="font-weight:bold"> יג ויקח מזרע המלוכה ויכרת אתו ברית ויבא אתו באלה ואת אילי הארץ לקח
14 vnumber="14"> css="font-weight:bold"> יד להיות ממלכה שפלה לבלתי התנשא לשמר את בריתו לעמדה
15 vnumber="15"> css="font-weight:bold"> טו וימרד בו לשלח מלאכיו מצרים לתת לו סוסים ועם רב היצלח הימלט העשה אלה והפר ברית ונמלט
16 vnumber="16"> css="font-weight:bold"> טז חי אני נאם אדני יהוה אם לא במקום המלך הממליך אתו אשר בזה את אלתו ואשר הפר את בריתו--אתו בתוך בבל ימות
17 vnumber="17"> css="font-weight:bold"> יז ולא בחיל גדול ובקהל רב יעשה אותו פרעה במלחמה בשפך סללה ובבנות דיק--להכרית נפשות רבות
18 vnumber="18"> css="font-weight:bold"> יח ובזה אלה להפר ברית והנה נתן ידו וכל אלה עשה לא ימלט {ס} art="x-p"/>
19 vnumber="19"> css="font-weight:bold"> יט לכן כה אמר אדני יהוה חי אני אם לא אלתי אשר בזה ובריתי אשר הפיר--ונתתיו בראשו
20 vnumber="20"> css="font-weight:bold"> כ ופרשתי עליו רשתי ונתפש במצודתי והביאותיהו בבלה ונשפטתי אתו שם מעלו אשר מעל בי
21 vnumber="21"> css="font-weight:bold"> כא ואת כל מברחו בכל אגפיו בחרב יפלו והנשארים לכל רוח יפרשו וידעתם כי אני יהוה דברתי {פ} art="x-p"/>
22 vnumber="22"> css="font-weight:bold"> כב כה אמר אדני יהוה ולקחתי אני מצמרת הארז הרמה ונתתי מראש ינקותיו רך אקטף ושתלתי אני על הר גבה ותלול
23 vnumber="23"> css="font-weight:bold"> כג בהר מרום ישראל אשתלנו ונשא ענף ועשה פרי והיה לארז אדיר ושכנו תחתיו כל צפור כל כנף--בצל דליותיו תשכנה
24 vnumber="24"> css="font-weight:bold"> כד וידעו כל עצי השדה כי אני יהוה השפלתי עץ גבה הגבהתי עץ שפל הובשתי עץ לח והפרחתי עץ יבש אני יהוה דברתי ועשיתי {פ} art="x-p"/>