1 vnumber="1"> css="font-weight:bold"> א ויהי דבר יהוה אלי לאמר
2 vnumber="2"> css="font-weight:bold"> ב מה לכם אתם משלים את המשל הזה על אדמת ישראל לאמר אבות יאכלו בסר ושני הבנים תקהינה
3 vnumber="3"> css="font-weight:bold"> ג חי אני נאם אדני יהוה אם יהיה לכם עוד משל המשל הזה--בישראל
4 vnumber="4"> css="font-weight:bold"> ד הן כל הנפשות לי הנה כנפש האב וכנפש הבן לי הנה הנפש החטאת היא תמות
5 vnumber="5"> css="font-weight:bold"> ה ואיש כי יהיה צדיק ועשה משפט וצדקה
6 vnumber="6"> css="font-weight:bold"> ו אל ההרים לא אכל ועיניו לא נשא אל גלולי בית ישראל ואת אשת רעהו לא טמא ואל אשה נדה לא יקרב
7 vnumber="7"> css="font-weight:bold"> ז ואיש לא יונה--חבלתו חוב ישיב גזלה לא יגזל לחמו לרעב יתן ועירם יכסה בגד
8 vnumber="8"> css="font-weight:bold"> ח בנשך לא יתן ותרבית לא יקח--מעול ישיב ידו משפט אמת יעשה בין איש לאיש
9 vnumber="9"> css="font-weight:bold"> ט בחקותי יהלך ומשפטי שמר לעשות אמת צדיק הוא חיה יחיה נאם אדני יהוה
10 vnumber="10"> css="font-weight:bold"> י והוליד בן פריץ שפך דם ועשה אח מאחד מאלה
11 vnumber="11"> css="font-weight:bold"> יא והוא את כל אלה לא עשה--כי גם אל ההרים אכל ואת אשת רעהו טמא
12 vnumber="12"> css="font-weight:bold"> יב עני ואביון הונה--גזלות גזל חבל לא ישיב ואל הגלולים נשא עיניו תועבה עשה
13 vnumber="13"> css="font-weight:bold"> יג בנשך נתן ותרבית לקח וחי לא יחיה את כל התועבות האלה עשה--מות יומת דמיו בו יהיה
14 vnumber="14"> css="font-weight:bold"> יד והנה הוליד בן וירא את כל חטאת אביו אשר עשה ויראה ולא יעשה כהן
15 vnumber="15"> css="font-weight:bold"> טו על ההרים לא אכל ועיניו לא נשא אל גלולי בית ישראל את אשת רעהו לא טמא
16 vnumber="16"> css="font-weight:bold"> טז ואיש לא הונה--חבל לא חבל וגזלה לא גזל לחמו לרעב נתן וערום כסה בגד
17 vnumber="17"> css="font-weight:bold"> יז מעני השיב ידו נשך ותרבית לא לקח--משפטי עשה בחקותי הלך הוא לא ימות בעון אביו--חיה יחיה
18 vnumber="18"> css="font-weight:bold"> יח אביו כי עשק עשק גזל גזל אח ואשר לא טוב עשה בתוך עמיו והנה מת בעונו
19 vnumber="19"> css="font-weight:bold"> יט ואמרתם מדע לא נשא הבן בעון האב והבן משפט וצדקה עשה את כל חקותי שמר ויעשה אתם--חיה יחיה
20 vnumber="20"> css="font-weight:bold"> כ הנפש החטאת היא תמות בן לא ישא בעון האב ואב לא ישא בעון הבן--צדקת הצדיק עליו תהיה ורשעת רשע (הרשע) עליו תהיה {ס} art="x-p"/>
21 vnumber="21"> css="font-weight:bold"> כא והרשע כי ישוב מכל חטאתו אשר עשה ושמר את כל חקותי ועשה משפט וצדקה--חיה יחיה לא ימות
22 vnumber="22"> css="font-weight:bold"> כב כל פשעיו אשר עשה לא יזכרו לו בצדקתו אשר עשה יחיה
23 vnumber="23"> css="font-weight:bold"> כג החפץ אחפץ מות רשע נאם אדני יהוה הלוא בשובו מדרכיו וחיה {ס} art="x-p"/>
24 vnumber="24"> css="font-weight:bold"> כד ובשוב צדיק מצדקתו ועשה עול ככל התועבות אשר עשה הרשע יעשה וחי--כל צדקתו אשר עשה לא תזכרנה במעלו אשר מעל ובחטאתו אשר חטא בם ימות
25 vnumber="25"> css="font-weight:bold"> כה ואמרתם לא יתכן דרך אדני שמעו נא בית ישראל הדרכי לא יתכן הלא דרכיכם לא יתכנו
26 vnumber="26"> css="font-weight:bold"> כו בשוב צדיק מצדקתו ועשה עול ומת עליהם בעולו אשר עשה ימות {ס} art="x-p"/>
27 vnumber="27"> css="font-weight:bold"> כז ובשוב רשע מרשעתו אשר עשה ויעש משפט וצדקה--הוא את נפשו יחיה
28 vnumber="28"> css="font-weight:bold"> כח ויראה וישוב (וישב) מכל פשעיו אשר עשה--חיו יחיה לא ימות
29 vnumber="29"> css="font-weight:bold"> כט ואמרו בית ישראל לא יתכן דרך אדני הדרכי לא יתכנו בית ישראל--הלא דרכיכם לא יתכן
30 vnumber="30"> css="font-weight:bold"> ל לכן איש כדרכיו אשפט אתכם בית ישראל--נאם אדני יהוה שובו והשיבו מכל פשעיכם ולא יהיה לכם למכשול עון
31 vnumber="31"> css="font-weight:bold"> לא השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראל
32 vnumber="32"> css="font-weight:bold"> לב כי לא אחפץ במות המת נאם אדני יהוה והשיבו וחיו {פ} art="x-p"/>