1 vnumber="1"> css="font-weight:bold"> א ויהי בעשתי עשרה שנה באחד לחדש היה דבר יהוה אלי לאמר
2 vnumber="2"> css="font-weight:bold"> ב בן אדם יען אשר אמרה צר על ירושלם האח--נשברה דלתות העמים נסבה אלי אמלאה החרבה
3 vnumber="3"> css="font-weight:bold"> ג לכן כה אמר אדני יהוה הנני עליך צר והעליתי עליך גוים רבים כהעלות הים לגליו
4 vnumber="4"> css="font-weight:bold"> ד ושחתו חמות צר והרסו מגדליה וסחיתי עפרה ממנה ונתתי אותה לצחיח סלע
5 vnumber="5"> css="font-weight:bold"> ה משטח חרמים תהיה בתוך הים--כי אני דברתי נאם אדני יהוה והיתה לבז לגוים
6 vnumber="6"> css="font-weight:bold"> ו ובנותיה אשר בשדה בחרב תהרגנה וידעו כי אני יהוה {פ} art="x-p"/>
7 vnumber="7"> css="font-weight:bold"> ז כי כה אמר אדני יהוה הנני מביא אל צר נבוכדראצר מלך בבל מצפון מלך מלכים--בסוס וברכב ובפרשים וקהל ועם רב
8 vnumber="8"> css="font-weight:bold"> ח בנותיך בשדה בחרב יהרג ונתן עליך דיק ושפך עליך סללה והקים עליך צנה
9 vnumber="9"> css="font-weight:bold"> ט ומחי קבלו יתן בחמותיך ומגדלתיך--יתץ בחרבותיו
10 vnumber="10"> css="font-weight:bold"> י משפעת סוסיו יכסך אבקם מקול פרש וגלגל ורכב תרעשנה חומותיך בבאו בשעריך כמבואי עיר מבקעה
11 vnumber="11"> css="font-weight:bold"> יא בפרסות סוסיו ירמס את כל חוצותיך עמך בחרב יהרג ומצבות עזך לארץ תרד
12 vnumber="12"> css="font-weight:bold"> יב ושללו חילך ובזזו רכלתך והרסו חומותיך ובתי חמדתך יתצו ואבניך ועציך ועפרך בתוך מים ישימו
13 vnumber="13"> css="font-weight:bold"> יג והשבתי המון שיריך וקול כנוריך לא ישמע עוד
14 vnumber="14"> css="font-weight:bold"> יד ונתתיך לצחיח סלע משטח חרמים תהיה--לא תבנה עוד כי אני יהוה דברתי נאם אדני יהוה {ס} art="x-p"/>
15 vnumber="15"> css="font-weight:bold"> טו כה אמר אדני יהוה לצור הלא מקול מפלתך באנק חלל בהרג הרג בתוכך ירעשו האיים
16 vnumber="16"> css="font-weight:bold"> טז וירדו מעל כסאותם כל נשיאי הים והסירו את מעיליהם ואת בגדי רקמתם יפשטו חרדות ילבשו על הארץ ישבו וחרדו לרגעים ושממו עליך
17 vnumber="17"> css="font-weight:bold"> יז ונשאו עליך קינה ואמרו לך איך אבדת נושבת מימים העיר ההללה אשר היתה חזקה בים היא וישביה אשר נתנו חתיתם לכל יושביה
18 vnumber="18"> css="font-weight:bold"> יח עתה יחרדו האין יום מפלתך ונבהלו האיים אשר בים מצאתך {ס} art="x-p"/>
19 vnumber="19"> css="font-weight:bold"> יט כי כה אמר אדני יהוה בתתי אתך עיר נחרבת כערים אשר לא נושבו בהעלות עליך את תהום וכסוך המים הרבים
20 vnumber="20"> css="font-weight:bold"> כ והורדתיך את יורדי בור אל עם עולם והושבתיך בארץ תחתיות כחרבות מעולם את יורדי בור--למען לא תשבי ונתתי צבי בארץ חיים
21 vnumber="21"> css="font-weight:bold"> כא בלהות אתנך ואינך ותבקשי ולא תמצאי עוד לעולם--נאם אדני יהוה {פ} art="x-p"/>