1 vnumber="1"> css="font-weight:bold"> א ואתה בן אדם קח לך לבנה ונתתה אותה לפניך וחקות עליה עיר את ירושלם
2 vnumber="2"> css="font-weight:bold"> ב ונתתה עליה מצור ובנית עליה דיק ושפכת עליה סללה ונתתה עליה מחנות ושים עליה כרים סביב
3 vnumber="3"> css="font-weight:bold"> ג ואתה קח לך מחבת ברזל ונתתה אותה קיר ברזל בינך ובין העיר והכינתה את פניך אליה והיתה במצור וצרת עליה--אות היא לבית ישראל {פ} art="x-p"/>
4 vnumber="4"> css="font-weight:bold"> ד ואתה שכב על צדך השמאלי ושמת את עון בית ישראל עליו מספר הימים אשר תשכב עליו תשא את עונם
5 vnumber="5"> css="font-weight:bold"> ה ואני נתתי לך את שני עונם למספר ימים שלש מאות ותשעים יום ונשאת עון בית ישראל
6 vnumber="6"> css="font-weight:bold"> ו וכלית את אלה ושכבת על צדך הימיני (הימני) שנית ונשאת את עון בית יהודה--ארבעים יום יום לשנה יום לשנה נתתיו לך
7 vnumber="7"> css="font-weight:bold"> ז ואל מצור ירושלם תכין פניך וזרעך חשופה ונבאת עליה
8 vnumber="8"> css="font-weight:bold"> ח והנה נתתי עליך עבותים ולא תהפך מצדך אל צדך עד כלותך ימי מצורך
9 vnumber="9"> css="font-weight:bold"> ט ואתה קח לך חטין ושערים ופול ועדשים ודחן וכסמים ונתתה אותם בכלי אחד ועשית אותם לך ללחם מספר הימים אשר אתה שוכב על צדך שלש מאות ותשעים יום--תאכלנו
10 vnumber="10"> css="font-weight:bold"> י ומאכלך אשר תאכלנו--במשקול עשרים שקל ליום מעת עד עת תאכלנו
11 vnumber="11"> css="font-weight:bold"> יא ומים במשורה תשתה ששית ההין מעת עד עת תשתה
12 vnumber="12"> css="font-weight:bold"> יב ועגת שערים תאכלנה והיא בגללי צאת האדם--תעגנה לעיניהם {ס} art="x-p"/>
13 vnumber="13"> css="font-weight:bold"> יג ויאמר יהוה ככה יאכלו בני ישראל את לחמם טמא בגוים אשר אדיחם שם
14 vnumber="14"> css="font-weight:bold"> יד ואמר אהה אדני יהוה הנה נפשי לא מטמאה ונבלה וטרפה לא אכלתי מנעורי ועד עתה ולא בא בפי בשר פגול {ס} art="x-p"/>
15 vnumber="15"> css="font-weight:bold"> טו ויאמר אלי--ראה נתתי לך את צפועי (צפיעי) הבקר תחת גללי האדם ועשית את לחמך עליהם {ס} art="x-p"/>
16 vnumber="16"> css="font-weight:bold"> טז ויאמר אלי בן אדם הנני שבר מטה לחם בירושלם ואכלו לחם במשקל ובדאגה ומים במשורה ובשממון ישתו
17 vnumber="17"> css="font-weight:bold"> יז למען יחסרו לחם ומים ונשמו איש ואחיו ונמקו בעונם {פ} art="x-p"/>