1 vnumber="1"> css="font-weight:bold"> א אחר הדברים האלה היה דבר יהוה אל אברם במחזה לאמר אל תירא אברם אנכי מגן לך--שכרך הרבה מאד
2 vnumber="2"> css="font-weight:bold"> ב ויאמר אברם אדני יהוה מה תתן לי ואנכי הולך ערירי ובן משק ביתי הוא דמשק אליעזר
3 vnumber="3"> css="font-weight:bold"> ג ויאמר אברם--הן לי לא נתתה זרע והנה בן ביתי יורש אתי
4 vnumber="4"> css="font-weight:bold"> ד והנה דבר יהוה אליו לאמר לא יירשך זה כי אם אשר יצא ממעיך הוא יירשך
5 vnumber="5"> css="font-weight:bold"> ה ויוצא אתו החוצה ויאמר הבט נא השמימה וספר הכוכבים--אם תוכל לספר אתם ויאמר לו כה יהיה זרעך
6 vnumber="6"> css="font-weight:bold"> ו והאמן ביהוה ויחשבה לו צדקה
7 vnumber="7"> css="font-weight:bold"> ז ויאמר אליו אני יהוה אשר הוצאתיך מאור כשדים--לתת לך את הארץ הזאת לרשתה
8 vnumber="8"> css="font-weight:bold"> ח ויאמר אדני יהוה במה אדע כי אירשנה
9 vnumber="9"> css="font-weight:bold"> ט ויאמר אליו קחה לי עגלה משלשת ועז משלשת ואיל משלש ותר וגוזל
10 vnumber="10"> css="font-weight:bold"> י ויקח לו את כל אלה ויבתר אתם בתוך ויתן איש בתרו לקראת רעהו ואת הצפר לא בתר
11 vnumber="11"> css="font-weight:bold"> יא וירד העיט על הפגרים וישב אתם אברם
12 vnumber="12"> css="font-weight:bold"> יב ויהי השמש לבוא ותרדמה נפלה על אברם והנה אימה חשכה גדלה נפלת עליו
13 vnumber="13"> css="font-weight:bold"> יג ויאמר לאברם ידע תדע כי גר יהיה זרעך בארץ לא להם ועבדום וענו אתם--ארבע מאות שנה
14 vnumber="14"> css="font-weight:bold"> יד וגם את הגוי אשר יעבדו דן אנכי ואחרי כן יצאו ברכש גדול
15 vnumber="15"> css="font-weight:bold"> טו ואתה תבוא אל אבתיך בשלום תקבר בשיבה טובה
16 vnumber="16"> css="font-weight:bold"> טז ודור רביעי ישובו הנה כי לא שלם עון האמרי עד הנה
17 vnumber="17"> css="font-weight:bold"> יז ויהי השמש באה ועלטה היה והנה תנור עשן ולפיד אש אשר עבר בין הגזרים האלה
18 vnumber="18"> css="font-weight:bold"> יח ביום ההוא כרת יהוה את אברם--ברית לאמר לזרעך נתתי את הארץ הזאת מנהר מצרים עד הנהר הגדל נהר פרת
19 vnumber="19"> css="font-weight:bold"> יט את הקיני ואת הקנזי ואת הקדמני
20 vnumber="20"> css="font-weight:bold"> כ ואת החתי ואת הפרזי ואת הרפאים
21 vnumber="21"> css="font-weight:bold"> כא ואת האמרי ואת הכנעני ואת הגרגשי ואת היבוסי {ס} art="x-p"/>