1 vnumber="1"> ויהי אברם בן תשעים שנה ותשע שנים וירא יהוה אל אברם ויאמר אליו אני אל שדי--התהלך לפני והיה תמים
2 vnumber="2"> ואתנה בריתי ביני ובינך וארבה אותך במאד מאד
3 vnumber="3"> ויפל אברם על פניו וידבר אתו אלהים לאמר
4 vnumber="4"> אני הנה בריתי אתך והיית לאב המון גוים
5 vnumber="5"> ולא יקרא עוד את שמך אברם והיה שמך אברהם כי אב המון גוים נתתיך
6 vnumber="6"> והפרתי אתך במאד מאד ונתתיך לגוים ומלכים ממך יצאו
7 vnumber="7"> והקמתי את בריתי ביני ובינך ובין זרעך אחריך לדרתם--לברית עולם להיות לך לאלהים ולזרעך אחריך
8 vnumber="8"> ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים
9 vnumber="9"> ויאמר אלהים אל אברהם ואתה את בריתי תשמר--אתה וזרעך אחריך לדרתם
10 vnumber="10"> זאת בריתי אשר תשמרו ביני וביניכם ובין זרעך אחריך המול לכם כל זכר
11 vnumber="11"> ונמלתם את בשר ערלתכם והיה לאות ברית ביני וביניכם
12 vnumber="12"> ובן שמנת ימים ימול לכם כל זכר--לדרתיכם יליד בית--ומקנת כסף מכל בן נכר אשר לא מזרעך הוא
13 vnumber="13"> המול ימול יליד ביתך ומקנת כספך והיתה בריתי בבשרכם לברית עולם
14 vnumber="14"> וערל זכר אשר לא ימול את בשר ערלתו--ונכרתה הנפש ההוא מעמיה את בריתי הפר {ס}
art="x-p"/>
15 vnumber="15"> ויאמר אלהים אל אברהם שרי אשתך לא תקרא את שמה שרי כי שרה שמה
16 vnumber="16"> וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו
17 vnumber="17"> ויפל אברהם על פניו ויצחק ויאמר בלבו הלבן מאה שנה יולד ואם שרה הבת תשעים שנה תלד
18 vnumber="18"> ויאמר אברהם אל האלהים לו ישמעאל יחיה לפניך
19 vnumber="19"> ויאמר אלהים אבל שרה אשתך ילדת לך בן וקראת את שמו יצחק והקמתי את בריתי אתו לברית עולם לזרעו אחריו
20 vnumber="20"> ולישמעאל שמעתיך--הנה ברכתי אתו והפריתי אתו והרביתי אתו במאד מאד שנים עשר נשיאם יוליד ונתתיו לגוי גדול
21 vnumber="21"> ואת בריתי אקים את יצחק אשר תלד לך שרה למועד הזה בשנה האחרת
22 vnumber="22"> ויכל לדבר אתו ויעל אלהים מעל אברהם
23 vnumber="23"> ויקח אברהם את ישמעאל בנו ואת כל ילידי ביתו ואת כל מקנת כספו--כל זכר באנשי בית אברהם וימל את בשר ערלתם בעצם היום הזה כאשר דבר אתו אלהים
24 vnumber="24"> ואברהם--בן תשעים ותשע שנה בהמלו בשר ערלתו
25 vnumber="25"> וישמעאל בנו בן שלש עשרה שנה בהמלו--את בשר ערלתו
26 vnumber="26"> בעצם היום הזה נמול אברהם וישמעאל בנו
27 vnumber="27"> וכל אנשי ביתו יליד בית ומקנת כסף מאת בן נכר--נמלו אתו {פ}
art="x-p"/>