1 vnumber="1"> css="font-weight:bold"> א ויסע משם אברהם ארצה הנגב וישב בין קדש ובין שור ויגר בגרר
2 vnumber="2"> css="font-weight:bold"> ב ויאמר אברהם אל שרה אשתו אחתי הוא וישלח אבימלך מלך גרר ויקח את שרה
3 vnumber="3"> css="font-weight:bold"> ג ויבא אלהים אל אבימלך בחלום הלילה ויאמר לו הנך מת על האשה אשר לקחת והוא בעלת בעל
4 vnumber="4"> css="font-weight:bold"> ד ואבימלך לא קרב אליה ויאמר--אדני הגוי גם צדיק תהרג
5 vnumber="5"> css="font-weight:bold"> ה הלא הוא אמר לי אחתי הוא והיא גם הוא אמרה אחי הוא בתם לבבי ובנקין כפי עשיתי זאת
6 vnumber="6"> css="font-weight:bold"> ו ויאמר אליו האלהים בחלם גם אנכי ידעתי כי בתם לבבך עשית זאת ואחשך גם אנכי אותך מחטו לי על כן לא נתתיך לנגע אליה
7 vnumber="7"> css="font-weight:bold"> ז ועתה השב אשת האיש כי נביא הוא ויתפלל בעדך וחיה ואם אינך משיב--דע כי מות תמות אתה וכל אשר לך
8 vnumber="8"> css="font-weight:bold"> ח וישכם אבימלך בבקר ויקרא לכל עבדיו וידבר את כל הדברים האלה באזניהם וייראו האנשים מאד
9 vnumber="9"> css="font-weight:bold"> ט ויקרא אבימלך לאברהם ויאמר לו מה עשית לנו ומה חטאתי לך כי הבאת עלי ועל ממלכתי חטאה גדלה מעשים אשר לא יעשו עשית עמדי
10 vnumber="10"> css="font-weight:bold"> י ויאמר אבימלך אל אברהם מה ראית כי עשית את הדבר הזה
11 vnumber="11"> css="font-weight:bold"> יא ויאמר אברהם כי אמרתי רק אין יראת אלהים במקום הזה והרגוני על דבר אשתי
12 vnumber="12"> css="font-weight:bold"> יב וגם אמנה אחתי בת אבי הוא--אך לא בת אמי ותהי לי לאשה
13 vnumber="13"> css="font-weight:bold"> יג ויהי כאשר התעו אתי אלהים מבית אבי ואמר לה זה חסדך אשר תעשי עמדי אל כל המקום אשר נבוא שמה אמרי לי אחי הוא
14 vnumber="14"> css="font-weight:bold"> יד ויקח אבימלך צאן ובקר ועבדים ושפחת ויתן לאברהם וישב לו את שרה אשתו
15 vnumber="15"> css="font-weight:bold"> טו ויאמר אבימלך הנה ארצי לפניך בטוב בעיניך שב
16 vnumber="16"> css="font-weight:bold"> טז ולשרה אמר הנה נתתי אלף כסף לאחיך--הנה הוא לך כסות עינים לכל אשר אתך ואת כל ונכחת
17 vnumber="17"> css="font-weight:bold"> יז ויתפלל אברהם אל האלהים וירפא אלהים את אבימלך ואת אשתו ואמהתיו--וילדו
18 vnumber="18"> css="font-weight:bold"> יח כי עצר עצר יהוה בעד כל רחם לבית אבימלך על דבר שרה אשת אברהם {ס} art="x-p"/>