1 vnumber="1"> ויהי אחר הדברים האלה והאלהים נסה את אברהם ויאמר אליו אברהם ויאמר הנני
2 vnumber="2"> ויאמר קח נא את בנך את יחידך אשר אהבת את יצחק ולך לך אל ארץ המריה והעלהו שם לעלה על אחד ההרים אשר אמר אליך
3 vnumber="3"> וישכם אברהם בבקר ויחבש את חמרו ויקח את שני נעריו אתו ואת יצחק בנו ויבקע עצי עלה ויקם וילך אל המקום אשר אמר לו האלהים
4 vnumber="4"> ביום השלישי וישא אברהם את עיניו וירא את המקום--מרחק
5 vnumber="5"> ויאמר אברהם אל נעריו שבו לכם פה עם החמור ואני והנער נלכה עד כה ונשתחוה ונשובה אליכם
6 vnumber="6"> ויקח אברהם את עצי העלה וישם על יצחק בנו ויקח בידו את האש ואת המאכלת וילכו שניהם יחדו
7 vnumber="7"> ויאמר יצחק אל אברהם אביו ויאמר אבי ויאמר הנני בני ויאמר הנה האש והעצים ואיה השה לעלה
8 vnumber="8"> ויאמר אברהם אלהים יראה לו השה לעלה בני וילכו שניהם יחדו
9 vnumber="9"> ויבאו אל המקום אשר אמר לו האלהים ויבן שם אברהם את המזבח ויערך את העצים ויעקד את יצחק בנו וישם אתו על המזבח ממעל לעצים
10 vnumber="10"> וישלח אברהם את ידו ויקח את המאכלת לשחט את בנו
11 vnumber="11"> ויקרא אליו מלאך יהוה מן השמים ויאמר אברהם אברהם ויאמר הנני
12 vnumber="12"> ויאמר אל תשלח ידך אל הנער ואל תעש לו מאומה כי עתה ידעתי כי ירא אלהים אתה ולא חשכת את בנך את יחידך ממני
13 vnumber="13"> וישא אברהם את עיניו וירא והנה איל אחר נאחז בסבך בקרניו וילך אברהם ויקח את האיל ויעלהו לעלה תחת בנו
14 vnumber="14"> ויקרא אברהם שם המקום ההוא יהוה יראה אשר יאמר היום בהר יהוה יראה
15 vnumber="15"> ויקרא מלאך יהוה אל אברהם שנית מן השמים
16 vnumber="16"> ויאמר בי נשבעתי נאם יהוה כי יען אשר עשית את הדבר הזה ולא חשכת את בנך את יחידך
17 vnumber="17"> כי ברך אברכך והרבה ארבה את זרעך ככוכבי השמים וכחול אשר על שפת הים וירש זרעך את שער איביו
18 vnumber="18"> והתברכו בזרעך כל גויי הארץ עקב אשר שמעת בקלי
19 vnumber="19"> וישב אברהם אל נעריו ויקמו וילכו יחדו אל באר שבע וישב אברהם בבאר שבע {פ}
art="x-p"/>
20 vnumber="20"> ויהי אחרי הדברים האלה ויגד לאברהם לאמר הנה ילדה מלכה גם הוא בנים--לנחור אחיך
21 vnumber="21"> את עוץ בכרו ואת בוז אחיו ואת קמואל אבי ארם
22 vnumber="22"> ואת כשד ואת חזו ואת פלדש ואת ידלף ואת בתואל
23 vnumber="23"> ובתואל ילד את רבקה שמנה אלה ילדה מלכה לנחור אחי אברהם
24 vnumber="24"> ופילגשו ושמה ראומה ותלד גם הוא את טבח ואת גחם ואת תחש ואת מעכה {פ}
art="x-p"/>