1 vnumber="1"> css="font-weight:bold"> א ויהי רעב בארץ מלבד הרעב הראשון אשר היה בימי אברהם וילך יצחק אל אבימלך מלך פלשתים גררה
2 vnumber="2"> css="font-weight:bold"> ב וירא אליו יהוה ויאמר אל תרד מצרימה שכן בארץ אשר אמר אליך
3 vnumber="3"> css="font-weight:bold"> ג גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השבעה אשר נשבעתי לאברהם אביך
4 vnumber="4"> css="font-weight:bold"> ד והרביתי את זרעך ככוכבי השמים ונתתי לזרעך את כל הארצת האל והתברכו בזרעך כל גויי הארץ
5 vnumber="5"> css="font-weight:bold"> ה עקב אשר שמע אברהם בקלי וישמר משמרתי מצותי חקותי ותורתי
6 vnumber="6"> css="font-weight:bold"> ו וישב יצחק בגרר
7 vnumber="7"> css="font-weight:bold"> ז וישאלו אנשי המקום לאשתו ויאמר אחתי הוא כי ירא לאמר אשתי פן יהרגני אנשי המקום על רבקה כי טובת מראה הוא
8 vnumber="8"> css="font-weight:bold"> ח ויהי כי ארכו לו שם הימים וישקף אבימלך מלך פלשתים בעד החלון וירא והנה יצחק מצחק את רבקה אשתו
9 vnumber="9"> css="font-weight:bold"> ט ויקרא אבימלך ליצחק ויאמר אך הנה אשתך הוא ואיך אמרת אחתי הוא ויאמר אליו יצחק כי אמרתי פן אמות עליה
10 vnumber="10"> css="font-weight:bold"> י ויאמר אבימלך מה זאת עשית לנו כמעט שכב אחד העם את אשתך והבאת עלינו אשם
11 vnumber="11"> css="font-weight:bold"> יא ויצו אבימלך את כל העם לאמר הנגע באיש הזה ובאשתו--מות יומת
12 vnumber="12"> css="font-weight:bold"> יב ויזרע יצחק בארץ ההוא וימצא בשנה ההוא מאה שערים ויברכהו יהוה
13 vnumber="13"> css="font-weight:bold"> יג ויגדל האיש וילך הלוך וגדל עד כי גדל מאד
14 vnumber="14"> css="font-weight:bold"> יד ויהי לו מקנה צאן ומקנה בקר ועבדה רבה ויקנאו אתו פלשתים
15 vnumber="15"> css="font-weight:bold"> טו וכל הבארת אשר חפרו עבדי אביו בימי אברהם אביו--סתמום פלשתים וימלאום עפר
16 vnumber="16"> css="font-weight:bold"> טז ויאמר אבימלך אל יצחק לך מעמנו כי עצמת ממנו מאד
17 vnumber="17"> css="font-weight:bold"> יז וילך משם יצחק ויחן בנחל גרר וישב שם
18 vnumber="18"> css="font-weight:bold"> יח וישב יצחק ויחפר את בארת המים אשר חפרו בימי אברהם אביו ויסתמום פלשתים אחרי מות אברהם ויקרא להן שמות כשמת אשר קרא להן אביו
19 vnumber="19"> css="font-weight:bold"> יט ויחפרו עבדי יצחק בנחל וימצאו שם--באר מים חיים
20 vnumber="20"> css="font-weight:bold"> כ ויריבו רעי גרר עם רעי יצחק לאמר--לנו המים ויקרא שם הבאר עשק כי התעשקו עמו
21 vnumber="21"> css="font-weight:bold"> כא ויחפרו באר אחרת ויריבו גם עליה ויקרא שמה שטנה
22 vnumber="22"> css="font-weight:bold"> כב ויעתק משם ויחפר באר אחרת ולא רבו עליה ויקרא שמה רחבות ויאמר כי עתה הרחיב יהוה לנו ופרינו בארץ
23 vnumber="23"> css="font-weight:bold"> כג ויעל משם באר שבע
24 vnumber="24"> css="font-weight:bold"> כד וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי
25 vnumber="25"> css="font-weight:bold"> כה ויבן שם מזבח ויקרא בשם יהוה ויט שם אהלו ויכרו שם עבדי יצחק באר
26 vnumber="26"> css="font-weight:bold"> כו ואבימלך הלך אליו מגרר ואחזת מרעהו ופיכל שר צבאו
27 vnumber="27"> css="font-weight:bold"> כז ויאמר אלהם יצחק מדוע באתם אלי ואתם שנאתם אתי ותשלחוני מאתכם
28 vnumber="28"> css="font-weight:bold"> כח ויאמרו ראו ראינו כי היה יהוה עמך ונאמר תהי נא אלה בינותינו בינינו ובינך ונכרתה ברית עמך
29 vnumber="29"> css="font-weight:bold"> כט אם תעשה עמנו רעה כאשר לא נגענוך וכאשר עשינו עמך רק טוב ונשלחך בשלום אתה עתה ברוך יהוה
30 vnumber="30"> css="font-weight:bold"> ל ויעש להם משתה ויאכלו וישתו
31 vnumber="31"> css="font-weight:bold"> לא וישכימו בבקר וישבעו איש לאחיו וישלחם יצחק וילכו מאתו בשלום
32 vnumber="32"> css="font-weight:bold"> לב ויהי ביום ההוא ויבאו עבדי יצחק ויגדו לו על אדות הבאר אשר חפרו ויאמרו לו מצאנו מים
33 vnumber="33"> css="font-weight:bold"> לג ויקרא אתה שבעה על כן שם העיר באר שבע עד היום הזה {ס} art="x-p"/>
34 vnumber="34"> css="font-weight:bold"> לד ויהי עשו בן ארבעים שנה ויקח אשה את יהודית בת בארי החתי--ואת בשמת בת אילן החתי
35 vnumber="35"> css="font-weight:bold"> לה ותהיין מרת רוח ליצחק ולרבקה {ס} art="x-p"/>