1 vnumber="1"> ויהי רעב בארץ מלבד הרעב הראשון אשר היה בימי אברהם וילך יצחק אל אבימלך מלך פלשתים גררה
2 vnumber="2"> וירא אליו יהוה ויאמר אל תרד מצרימה שכן בארץ אשר אמר אליך
3 vnumber="3"> גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השבעה אשר נשבעתי לאברהם אביך
4 vnumber="4"> והרביתי את זרעך ככוכבי השמים ונתתי לזרעך את כל הארצת האל והתברכו בזרעך כל גויי הארץ
5 vnumber="5"> עקב אשר שמע אברהם בקלי וישמר משמרתי מצותי חקותי ותורתי
6 vnumber="6"> וישב יצחק בגרר
7 vnumber="7"> וישאלו אנשי המקום לאשתו ויאמר אחתי הוא כי ירא לאמר אשתי פן יהרגני אנשי המקום על רבקה כי טובת מראה הוא
8 vnumber="8"> ויהי כי ארכו לו שם הימים וישקף אבימלך מלך פלשתים בעד החלון וירא והנה יצחק מצחק את רבקה אשתו
9 vnumber="9"> ויקרא אבימלך ליצחק ויאמר אך הנה אשתך הוא ואיך אמרת אחתי הוא ויאמר אליו יצחק כי אמרתי פן אמות עליה
10 vnumber="10"> ויאמר אבימלך מה זאת עשית לנו כמעט שכב אחד העם את אשתך והבאת עלינו אשם
11 vnumber="11"> ויצו אבימלך את כל העם לאמר הנגע באיש הזה ובאשתו--מות יומת
12 vnumber="12"> ויזרע יצחק בארץ ההוא וימצא בשנה ההוא מאה שערים ויברכהו יהוה
13 vnumber="13"> ויגדל האיש וילך הלוך וגדל עד כי גדל מאד
14 vnumber="14"> ויהי לו מקנה צאן ומקנה בקר ועבדה רבה ויקנאו אתו פלשתים
15 vnumber="15"> וכל הבארת אשר חפרו עבדי אביו בימי אברהם אביו--סתמום פלשתים וימלאום עפר
16 vnumber="16"> ויאמר אבימלך אל יצחק לך מעמנו כי עצמת ממנו מאד
17 vnumber="17"> וילך משם יצחק ויחן בנחל גרר וישב שם
18 vnumber="18"> וישב יצחק ויחפר את בארת המים אשר חפרו בימי אברהם אביו ויסתמום פלשתים אחרי מות אברהם ויקרא להן שמות כשמת אשר קרא להן אביו
19 vnumber="19"> ויחפרו עבדי יצחק בנחל וימצאו שם--באר מים חיים
20 vnumber="20"> ויריבו רעי גרר עם רעי יצחק לאמר--לנו המים ויקרא שם הבאר עשק כי התעשקו עמו
21 vnumber="21"> ויחפרו באר אחרת ויריבו גם עליה ויקרא שמה שטנה
22 vnumber="22"> ויעתק משם ויחפר באר אחרת ולא רבו עליה ויקרא שמה רחבות ויאמר כי עתה הרחיב יהוה לנו ופרינו בארץ
23 vnumber="23"> ויעל משם באר שבע
24 vnumber="24"> וירא אליו יהוה בלילה ההוא ויאמר אנכי אלהי אברהם אביך אל תירא כי אתך אנכי וברכתיך והרביתי את זרעך בעבור אברהם עבדי
25 vnumber="25"> ויבן שם מזבח ויקרא בשם יהוה ויט שם אהלו ויכרו שם עבדי יצחק באר
26 vnumber="26"> ואבימלך הלך אליו מגרר ואחזת מרעהו ופיכל שר צבאו
27 vnumber="27"> ויאמר אלהם יצחק מדוע באתם אלי ואתם שנאתם אתי ותשלחוני מאתכם
28 vnumber="28"> ויאמרו ראו ראינו כי היה יהוה עמך ונאמר תהי נא אלה בינותינו בינינו ובינך ונכרתה ברית עמך
29 vnumber="29"> אם תעשה עמנו רעה כאשר לא נגענוך וכאשר עשינו עמך רק טוב ונשלחך בשלום אתה עתה ברוך יהוה
30 vnumber="30"> ויעש להם משתה ויאכלו וישתו
31 vnumber="31"> וישכימו בבקר וישבעו איש לאחיו וישלחם יצחק וילכו מאתו בשלום
32 vnumber="32"> ויהי ביום ההוא ויבאו עבדי יצחק ויגדו לו על אדות הבאר אשר חפרו ויאמרו לו מצאנו מים
33 vnumber="33"> ויקרא אתה שבעה על כן שם העיר באר שבע עד היום הזה {ס}
art="x-p"/>
34 vnumber="34"> ויהי עשו בן ארבעים שנה ויקח אשה את יהודית בת בארי החתי--ואת בשמת בת אילן החתי
35 vnumber="35"> ותהיין מרת רוח ליצחק ולרבקה {ס}
art="x-p"/>