1 vnumber="1"> css="font-weight:bold"> א ויקרא יצחק אל יעקב ויברך אתו ויצוהו ויאמר לו לא תקח אשה מבנות כנען
2 vnumber="2"> css="font-weight:bold"> ב קום לך פדנה ארם ביתה בתואל אבי אמך וקח לך משם אשה מבנות לבן אחי אמך
3 vnumber="3"> css="font-weight:bold"> ג ואל שדי יברך אתך ויפרך וירבך והיית לקהל עמים
4 vnumber="4"> css="font-weight:bold"> ד ויתן לך את ברכת אברהם לך ולזרעך אתך--לרשתך את ארץ מגריך אשר נתן אלהים לאברהם
5 vnumber="5"> css="font-weight:bold"> ה וישלח יצחק את יעקב וילך פדנה ארם--אל לבן בן בתואל הארמי אחי רבקה אם יעקב ועשו
6 vnumber="6"> css="font-weight:bold"> ו וירא עשו כי ברך יצחק את יעקב ושלח אתו פדנה ארם לקחת לו משם אשה בברכו אתו--ויצו עליו לאמר לא תקח אשה מבנות כנען
7 vnumber="7"> css="font-weight:bold"> ז וישמע יעקב אל אביו ואל אמו וילך פדנה ארם
8 vnumber="8"> css="font-weight:bold"> ח וירא עשו כי רעות בנות כנען בעיני יצחק אביו
9 vnumber="9"> css="font-weight:bold"> ט וילך עשו אל ישמעאל ויקח את מחלת בת ישמעאל בן אברהם אחות נביות על נשיו--לו לאשה {ס} art="x-p"/>
10 vnumber="10"> css="font-weight:bold"> י ויצא יעקב מבאר שבע וילך חרנה
11 vnumber="11"> css="font-weight:bold"> יא ויפגע במקום וילן שם כי בא השמש ויקח מאבני המקום וישם מראשתיו וישכב במקום ההוא
12 vnumber="12"> css="font-weight:bold"> יב ויחלם והנה סלם מצב ארצה וראשו מגיע השמימה והנה מלאכי אלהים עלים וירדים בו
13 vnumber="13"> css="font-weight:bold"> יג והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשר אתה שכב עליה--לך אתננה ולזרעך
14 vnumber="14"> css="font-weight:bold"> יד והיה זרעך כעפר הארץ ופרצת ימה וקדמה וצפנה ונגבה ונברכו בך כל משפחת האדמה ובזרעך
15 vnumber="15"> css="font-weight:bold"> טו והנה אנכי עמך ושמרתיך בכל אשר תלך והשבתיך אל האדמה הזאת כי לא אעזבך עד אשר אם עשיתי את אשר דברתי לך
16 vnumber="16"> css="font-weight:bold"> טז וייקץ יעקב משנתו ויאמר אכן יש יהוה במקום הזה ואנכי לא ידעתי
17 vnumber="17"> css="font-weight:bold"> יז ויירא ויאמר מה נורא המקום הזה אין זה כי אם בית אלהים וזה שער השמים
18 vnumber="18"> css="font-weight:bold"> יח וישכם יעקב בבקר ויקח את האבן אשר שם מראשתיו וישם אתה מצבה ויצק שמן על ראשה
19 vnumber="19"> css="font-weight:bold"> יט ויקרא את שם המקום ההוא בית אל ואולם לוז שם העיר לראשנה
20 vnumber="20"> css="font-weight:bold"> כ וידר יעקב נדר לאמר אם יהיה אלהים עמדי ושמרני בדרך הזה אשר אנכי הולך ונתן לי לחם לאכל ובגד ללבש
21 vnumber="21"> css="font-weight:bold"> כא ושבתי בשלום אל בית אבי והיה יהוה לי לאלהים
22 vnumber="22"> css="font-weight:bold"> כב והאבן הזאת אשר שמתי מצבה--יהיה בית אלהים וכל אשר תתן לי עשר אעשרנו לך art="x-p"/>