1 vnumber="1"> css="font-weight:bold"> א וישמע את דברי בני לבן לאמר לקח יעקב את כל אשר לאבינו ומאשר לאבינו--עשה את כל הכבד הזה
2 vnumber="2"> css="font-weight:bold"> ב וירא יעקב את פני לבן והנה איננו עמו כתמול שלשום
3 vnumber="3"> css="font-weight:bold"> ג ויאמר יהוה אל יעקב שוב אל ארץ אבותיך ולמולדתך ואהיה עמך
4 vnumber="4"> css="font-weight:bold"> ד וישלח יעקב ויקרא לרחל וללאה השדה אל צאנו
5 vnumber="5"> css="font-weight:bold"> ה ויאמר להן ראה אנכי את פני אביכן כי איננו אלי כתמל שלשם ואלהי אבי היה עמדי
6 vnumber="6"> css="font-weight:bold"> ו ואתנה ידעתן כי בכל כחי עבדתי את אביכן
7 vnumber="7"> css="font-weight:bold"> ז ואביכן התל בי והחלף את משכרתי עשרת מנים ולא נתנו אלהים להרע עמדי
8 vnumber="8"> css="font-weight:bold"> ח אם כה יאמר נקדים יהיה שכרך--וילדו כל הצאן נקדים ואם כה יאמר עקדים יהיה שכרך--וילדו כל הצאן עקדים
9 vnumber="9"> css="font-weight:bold"> ט ויצל אלהים את מקנה אביכם ויתן לי
10 vnumber="10"> css="font-weight:bold"> י ויהי בעת יחם הצאן ואשא עיני וארא בחלום והנה העתדים העלים על הצאן עקדים נקדים וברדים
11 vnumber="11"> css="font-weight:bold"> יא ויאמר אלי מלאך האלהים בחלום--יעקב ואמר הנני
12 vnumber="12"> css="font-weight:bold"> יב ויאמר שא נא עיניך וראה כל העתדים העלים על הצאן עקדים נקדים וברדים כי ראיתי את כל אשר לבן עשה לך
13 vnumber="13"> css="font-weight:bold"> יג אנכי האל בית אל אשר משחת שם מצבה אשר נדרת לי שם נדר עתה קום צא מן הארץ הזאת ושוב אל ארץ מולדתך
14 vnumber="14"> css="font-weight:bold"> יד ותען רחל ולאה ותאמרנה לו העוד לנו חלק ונחלה בבית אבינו
15 vnumber="15"> css="font-weight:bold"> טו הלוא נכריות נחשבנו לו כי מכרנו ויאכל גם אכול את כספנו
16 vnumber="16"> css="font-weight:bold"> טז כי כל העשר אשר הציל אלהים מאבינו--לנו הוא ולבנינו ועתה כל אשר אמר אלהים אליך--עשה
17 vnumber="17"> css="font-weight:bold"> יז ויקם יעקב וישא את בניו ואת נשיו על הגמלים
18 vnumber="18"> css="font-weight:bold"> יח וינהג את כל מקנהו ואת כל רכשו אשר רכש--מקנה קנינו אשר רכש בפדן ארם לבוא אל יצחק אביו ארצה כנען
19 vnumber="19"> css="font-weight:bold"> יט ולבן הלך לגזז את צאנו ותגנב רחל את התרפים אשר לאביה
20 vnumber="20"> css="font-weight:bold"> כ ויגנב יעקב את לב לבן הארמי--על בלי הגיד לו כי ברח הוא
21 vnumber="21"> css="font-weight:bold"> כא ויברח הוא וכל אשר לו ויקם ויעבר את הנהר וישם את פניו הר הגלעד
22 vnumber="22"> css="font-weight:bold"> כב ויגד ללבן ביום השלישי כי ברח יעקב
23 vnumber="23"> css="font-weight:bold"> כג ויקח את אחיו עמו וירדף אחריו דרך שבעת ימים וידבק אתו בהר הגלעד
24 vnumber="24"> css="font-weight:bold"> כד ויבא אלהים אל לבן הארמי בחלם הלילה ויאמר לו השמר לך פן תדבר עם יעקב--מטוב עד רע
25 vnumber="25"> css="font-weight:bold"> כה וישג לבן את יעקב ויעקב תקע את אהלו בהר ולבן תקע את אחיו בהר הגלעד
26 vnumber="26"> css="font-weight:bold"> כו ויאמר לבן ליעקב מה עשית ותגנב את לבבי ותנהג את בנתי כשביות חרב
27 vnumber="27"> css="font-weight:bold"> כז למה נחבאת לברח ותגנב אתי ולא הגדת לי ואשלחך בשמחה ובשרים בתף ובכנור
28 vnumber="28"> css="font-weight:bold"> כח ולא נטשתני לנשק לבני ולבנתי עתה הסכלת עשו
29 vnumber="29"> css="font-weight:bold"> כט יש לאל ידי לעשות עמכם רע ואלהי אביכם אמש אמר אלי לאמר השמר לך מדבר עם יעקב--מטוב עד רע
30 vnumber="30"> css="font-weight:bold"> ל ועתה הלך הלכת כי נכסף נכספתה לבית אביך למה גנבת את אלהי
31 vnumber="31"> css="font-weight:bold"> לא ויען יעקב ויאמר ללבן כי יראתי--כי אמרתי פן תגזל את בנותיך מעמי
32 vnumber="32"> css="font-weight:bold"> לב עם אשר תמצא את אלהיך לא יחיה--נגד אחינו הכר לך מה עמדי וקח לך ולא ידע יעקב כי רחל גנבתם
33 vnumber="33"> css="font-weight:bold"> לג ויבא לבן באהל יעקב ובאהל לאה ובאהל שתי האמהת--ולא מצא ויצא מאהל לאה ויבא באהל רחל
34 vnumber="34"> css="font-weight:bold"> לד ורחל לקחה את התרפים ותשמם בכר הגמל--ותשב עליהם וימשש לבן את כל האהל ולא מצא
35 vnumber="35"> css="font-weight:bold"> לה ותאמר אל אביה אל יחר בעיני אדני כי לוא אוכל לקום מפניך כי דרך נשים לי ויחפש ולא מצא את התרפים
36 vnumber="36"> css="font-weight:bold"> לו ויחר ליעקב וירב בלבן ויען יעקב ויאמר ללבן מה פשעי מה חטאתי כי דלקת אחרי
37 vnumber="37"> css="font-weight:bold"> לז כי מששת את כל כלי מה מצאת מכל כלי ביתך--שים כה נגד אחי ואחיך ויוכיחו בין שנינו
38 vnumber="38"> css="font-weight:bold"> לח זה עשרים שנה אנכי עמך רחליך ועזיך לא שכלו ואילי צאנך לא אכלתי
39 vnumber="39"> css="font-weight:bold"> לט טרפה לא הבאתי אליך--אנכי אחטנה מידי תבקשנה גנבתי יום וגנבתי לילה
40 vnumber="40"> css="font-weight:bold"> מ הייתי ביום אכלני חרב וקרח בלילה ותדד שנתי מעיני
41 vnumber="41"> css="font-weight:bold"> מא זה לי עשרים שנה בביתך עבדתיך ארבע עשרה שנה בשתי בנתיך ושש שנים בצאנך ותחלף את משכרתי עשרת מנים
42 vnumber="42"> css="font-weight:bold"> מב לולי אלהי אבי אלהי אברהם ופחד יצחק היה לי--כי עתה ריקם שלחתני את עניי ואת יגיע כפי ראה אלהים--ויוכח אמש
43 vnumber="43"> css="font-weight:bold"> מג ויען לבן ויאמר אל יעקב הבנות בנתי והבנים בני והצאן צאני וכל אשר אתה ראה לי הוא ולבנתי מה אעשה לאלה היום או לבניהן אשר ילדו
44 vnumber="44"> css="font-weight:bold"> מד ועתה לכה נכרתה ברית--אני ואתה והיה לעד ביני ובינך
45 vnumber="45"> css="font-weight:bold"> מה ויקח יעקב אבן וירימה מצבה
46 vnumber="46"> css="font-weight:bold"> מו ויאמר יעקב לאחיו לקטו אבנים ויקחו אבנים ויעשו גל ויאכלו שם על הגל
47 vnumber="47"> css="font-weight:bold"> מז ויקרא לו לבן יגר שהדותא ויעקב קרא לו גלעד
48 vnumber="48"> css="font-weight:bold"> מח ויאמר לבן הגל הזה עד ביני ובינך היום על כן קרא שמו גלעד
49 vnumber="49"> css="font-weight:bold"> מט והמצפה אשר אמר יצף יהוה ביני ובינך כי נסתר איש מרעהו
50 vnumber="50"> css="font-weight:bold"> נ אם תענה את בנתי ואם תקח נשים על בנתי--אין איש עמנו ראה אלהים עד ביני ובינך
51 vnumber="51"> css="font-weight:bold"> נא ויאמר לבן ליעקב הנה הגל הזה והנה המצבה אשר יריתי ביני ובינך
52 vnumber="52"> css="font-weight:bold"> נב עד הגל הזה ועדה המצבה אם אני לא אעבר אליך את הגל הזה ואם אתה לא תעבר אלי את הגל הזה ואת המצבה הזאת לרעה
53 vnumber="53"> css="font-weight:bold"> נג אלהי אברהם ואלהי נחור ישפטו בינינו--אלהי אביהם וישבע יעקב בפחד אביו יצחק
54 vnumber="54"> css="font-weight:bold"> נד ויזבח יעקב זבח בהר ויקרא לאחיו לאכל לחם ויאכלו לחם וילינו בהר art="x-p"/>