1 vnumber="1"> css="font-weight:bold"> א וישא יעקב עיניו וירא והנה עשו בא ועמו ארבע מאות איש ויחץ את הילדים על לאה ועל רחל ועל שתי השפחות
2 vnumber="2"> css="font-weight:bold"> ב וישם את השפחות ואת ילדיהן ראשנה ואת לאה וילדיה אחרנים ואת רחל ואת יוסף אחרנים
3 vnumber="3"> css="font-weight:bold"> ג והוא עבר לפניהם וישתחו ארצה שבע פעמים עד גשתו עד אחיו
4 vnumber="4"> css="font-weight:bold"> ד וירץ עשו לקראתו ויחבקהו ויפל על צוארו וישקהו ויבכו
5 vnumber="5"> css="font-weight:bold"> ה וישא את עיניו וירא את הנשים ואת הילדים ויאמר מי אלה לך ויאמר--הילדים אשר חנן אלהים את עבדך
6 vnumber="6"> css="font-weight:bold"> ו ותגשן השפחות הנה וילדיהן ותשתחוין
7 vnumber="7"> css="font-weight:bold"> ז ותגש גם לאה וילדיה וישתחוו ואחר נגש יוסף ורחל--וישתחוו
8 vnumber="8"> css="font-weight:bold"> ח ויאמר מי לך כל המחנה הזה אשר פגשתי ויאמר למצא חן בעיני אדני
9 vnumber="9"> css="font-weight:bold"> ט ויאמר עשו יש לי רב אחי יהי לך אשר לך
10 vnumber="10"> css="font-weight:bold"> י ויאמר יעקב אל נא אם נא מצאתי חן בעיניך ולקחת מנחתי מידי כי על כן ראיתי פניך כראת פני אלהים--ותרצני
11 vnumber="11"> css="font-weight:bold"> יא קח נא את ברכתי אשר הבאת לך כי חנני אלהים וכי יש לי כל ויפצר בו ויקח
12 vnumber="12"> css="font-weight:bold"> יב ויאמר נסעה ונלכה ואלכה לנגדך
13 vnumber="13"> css="font-weight:bold"> יג ויאמר אליו אדני ידע כי הילדים רכים והצאן והבקר עלות עלי ודפקום יום אחד ומתו כל הצאן
14 vnumber="14"> css="font-weight:bold"> יד יעבר נא אדני לפני עבדו ואני אתנהלה לאטי לרגל המלאכה אשר לפני ולרגל הילדים עד אשר אבא אל אדני שעירה
15 vnumber="15"> css="font-weight:bold"> טו ויאמר עשו--אציגה נא עמך מן העם אשר אתי ויאמר למה זה אמצא חן בעיני אדני
16 vnumber="16"> css="font-weight:bold"> טז וישב ביום ההוא עשו לדרכו שעירה
17 vnumber="17"> css="font-weight:bold"> יז ויעקב נסע סכתה ויבן לו בית ולמקנהו עשה סכת על כן קרא שם המקום סכות {ס} art="x-p"/>
18 vnumber="18"> css="font-weight:bold"> יח ויבא יעקב שלם עיר שכם אשר בארץ כנען בבאו מפדן ארם ויחן את פני העיר
19 vnumber="19"> css="font-weight:bold"> יט ויקן את חלקת השדה אשר נטה שם אהלו מיד בני חמור אבי שכם--במאה קשיטה
20 vnumber="20"> css="font-weight:bold"> כ ויצב שם מזבח ויקרא לו--אל אלהי ישראל {ס} art="x-p"/>