1 vnumber="1"> css="font-weight:bold"> א ויאמר אלהים אל יעקב קום עלה בית אל ושב שם ועשה שם מזבח--לאל הנראה אליך בברחך מפני עשו אחיך
2 vnumber="2"> css="font-weight:bold"> ב ויאמר יעקב אל ביתו ואל כל אשר עמו הסרו את אלהי הנכר אשר בתככם והטהרו והחליפו שמלתיכם
3 vnumber="3"> css="font-weight:bold"> ג ונקומה ונעלה בית אל ואעשה שם מזבח לאל הענה אתי ביום צרתי ויהי עמדי בדרך אשר הלכתי
4 vnumber="4"> css="font-weight:bold"> ד ויתנו אל יעקב את כל אלהי הנכר אשר בידם ואת הנזמים אשר באזניהם ויטמן אתם יעקב תחת האלה אשר עם שכם
5 vnumber="5"> css="font-weight:bold"> ה ויסעו ויהי חתת אלהים על הערים אשר סביבותיהם ולא רדפו אחרי בני יעקב
6 vnumber="6"> css="font-weight:bold"> ו ויבא יעקב לוזה אשר בארץ כנען--הוא בית אל הוא וכל העם אשר עמו
7 vnumber="7"> css="font-weight:bold"> ז ויבן שם מזבח ויקרא למקום אל בית אל כי שם נגלו אליו האלהים בברחו מפני אחיו
8 vnumber="8"> css="font-weight:bold"> ח ותמת דברה מינקת רבקה ותקבר מתחת לבית אל תחת האלון ויקרא שמו אלון בכות {פ} art="x-p"/>
9 vnumber="9"> css="font-weight:bold"> ט וירא אלהים אל יעקב עוד בבאו מפדן ארם ויברך אתו
10 vnumber="10"> css="font-weight:bold"> י ויאמר לו אלהים שמך יעקב לא יקרא שמך עוד יעקב כי אם ישראל יהיה שמך ויקרא את שמו ישראל
11 vnumber="11"> css="font-weight:bold"> יא ויאמר לו אלהים אני אל שדי פרה ורבה--גוי וקהל גוים יהיה ממך ומלכים מחלציך יצאו
12 vnumber="12"> css="font-weight:bold"> יב ואת הארץ אשר נתתי לאברהם וליצחק--לך אתננה ולזרעך אחריך אתן את הארץ
13 vnumber="13"> css="font-weight:bold"> יג ויעל מעליו אלהים במקום אשר דבר אתו
14 vnumber="14"> css="font-weight:bold"> יד ויצב יעקב מצבה במקום אשר דבר אתו--מצבת אבן ויסך עליה נסך ויצק עליה שמן
15 vnumber="15"> css="font-weight:bold"> טו ויקרא יעקב את שם המקום אשר דבר אתו שם אלהים--בית אל
16 vnumber="16"> css="font-weight:bold"> טז ויסעו מבית אל ויהי עוד כברת הארץ לבוא אפרתה ותלד רחל ותקש בלדתה
17 vnumber="17"> css="font-weight:bold"> יז ויהי בהקשתה בלדתה ותאמר לה המילדת אל תיראי כי גם זה לך בן
18 vnumber="18"> css="font-weight:bold"> יח ויהי בצאת נפשה כי מתה ותקרא שמו בן אוני ואביו קרא לו בנימין
19 vnumber="19"> css="font-weight:bold"> יט ותמת רחל ותקבר בדרך אפרתה הוא בית לחם
20 vnumber="20"> css="font-weight:bold"> כ ויצב יעקב מצבה על קברתה--הוא מצבת קברת רחל עד היום
21 vnumber="21"> css="font-weight:bold"> כא ויסע ישראל ויט אהלה מהלאה למגדל עדר
22 vnumber="22"> css="font-weight:bold"> כב ויהי בשכן ישראל בארץ ההוא וילך ראובן וישכב את בלהה פילגש אביו וישמע ישראל {פ} art="x-p"/> ויהיו בני יעקב שנים עשר
23 vnumber="23"> css="font-weight:bold"> כג בני לאה בכור יעקב ראובן ושמעון ולוי ויהודה ויששכר וזבלון
24 vnumber="24"> css="font-weight:bold"> כד בני רחל יוסף ובנימן
25 vnumber="25"> css="font-weight:bold"> כה ובני בלהה שפחת רחל דן ונפתלי
26 vnumber="26"> css="font-weight:bold"> כו ובני זלפה שפחת לאה גד ואשר אלה בני יעקב אשר ילד לו בפדן ארם
27 vnumber="27"> css="font-weight:bold"> כז ויבא יעקב אל יצחק אביו ממרא קרית הארבע--הוא חברון אשר גר שם אברהם ויצחק
28 vnumber="28"> css="font-weight:bold"> כח ויהיו ימי יצחק--מאת שנה ושמנים שנה
29 vnumber="29"> css="font-weight:bold"> כט ויגוע יצחק וימת ויאסף אל עמיו זקן ושבע ימים ויקברו אתו עשו ויעקב בניו {פ} art="x-p"/>