1 vnumber="1"> css="font-weight:bold"> א ויהי כי החל האדם לרב על פני האדמה ובנות ילדו להם
2 vnumber="2"> css="font-weight:bold"> ב ויראו בני האלהים את בנות האדם כי טבת הנה ויקחו להם נשים מכל אשר בחרו
3 vnumber="3"> css="font-weight:bold"> ג ויאמר יהוה לא ידון רוחי באדם לעלם בשגם הוא בשר והיו ימיו מאה ועשרים שנה
4 vnumber="4"> css="font-weight:bold"> ד הנפלים היו בארץ בימים ההם וגם אחרי כן אשר יבאו בני האלהים אל בנות האדם וילדו להם המה הגברים אשר מעולם אנשי השם {פ} art="x-p"/>
5 vnumber="5"> css="font-weight:bold"> ה וירא יהוה כי רבה רעת האדם בארץ וכל יצר מחשבת לבו רק רע כל היום
6 vnumber="6"> css="font-weight:bold"> ו וינחם יהוה כי עשה את האדם בארץ ויתעצב אל לבו
7 vnumber="7"> css="font-weight:bold"> ז ויאמר יהוה אמחה את האדם אשר בראתי מעל פני האדמה מאדם עד בהמה עד רמש ועד עוף השמים כי נחמתי כי עשיתם
8 vnumber="8"> css="font-weight:bold"> ח ונח מצא חן בעיני יהוה {פ} art="x-p"/>
9 vnumber="9"> css="font-weight:bold"> ט אלה תולדת נח--נח איש צדיק תמים היה בדרתיו את האלהים התהלך נח
10 vnumber="10"> css="font-weight:bold"> י ויולד נח שלשה בנים--את שם את חם ואת יפת
11 vnumber="11"> css="font-weight:bold"> יא ותשחת הארץ לפני האלהים ותמלא הארץ חמס
12 vnumber="12"> css="font-weight:bold"> יב וירא אלהים את הארץ והנה נשחתה כי השחית כל בשר את דרכו על הארץ {ס} art="x-p"/>
13 vnumber="13"> css="font-weight:bold"> יג ויאמר אלהים לנח קץ כל בשר בא לפני--כי מלאה הארץ חמס מפניהם והנני משחיתם את הארץ
14 vnumber="14"> css="font-weight:bold"> יד עשה לך תבת עצי גפר קנים תעשה את התבה וכפרת אתה מבית ומחוץ בכפר
15 vnumber="15"> css="font-weight:bold"> טו וזה אשר תעשה אתה שלש מאות אמה ארך התבה חמשים אמה רחבה ושלשים אמה קומתה
16 vnumber="16"> css="font-weight:bold"> טז צהר תעשה לתבה ואל אמה תכלנה מלמעלה ופתח התבה בצדה תשים תחתים שנים ושלשים תעשה
17 vnumber="17"> css="font-weight:bold"> יז ואני הנני מביא את המבול מים על הארץ לשחת כל בשר אשר בו רוח חיים מתחת השמים כל אשר בארץ יגוע
18 vnumber="18"> css="font-weight:bold"> יח והקמתי את בריתי אתך ובאת אל התבה--אתה ובניך ואשתך ונשי בניך אתך
19 vnumber="19"> css="font-weight:bold"> יט ומכל החי מכל בשר שנים מכל תביא אל התבה--להחית אתך זכר ונקבה יהיו
20 vnumber="20"> css="font-weight:bold"> כ מהעוף למינהו ומן הבהמה למינה מכל רמש האדמה למינהו--שנים מכל יבאו אליך להחיות
21 vnumber="21"> css="font-weight:bold"> כא ואתה קח לך מכל מאכל אשר יאכל ואספת אליך והיה לך ולהם לאכלה
22 vnumber="22"> css="font-weight:bold"> כב ויעש נח ככל אשר צוה אתו אלהים--כן עשה art="x-p"/>