1 vnumber="1"> סבבני בכחש אפרים ובמרמה בית ישראל ויהודה עד רד עם אל ועם קדושים נאמן
2 vnumber="2"> אפרים רעה רוח ורדף קדים--כל היום כזב ושד ירבה וברית עם אשור יכרתו ושמן למצרים יובל
3 vnumber="3"> וריב ליהוה עם יהודה ולפקד על יעקב כדרכיו כמעלליו ישיב לו
4 vnumber="4"> בבטן עקב את אחיו ובאונו שרה את אלהים
5 vnumber="5"> וישר אל מלאך ויכל בכה ויתחנן לו בית אל ימצאנו ושם ידבר עמנו
6 vnumber="6"> ויהוה אלהי הצבאות--יהוה זכרו
7 vnumber="7"> ואתה באלהיך תשוב חסד ומשפט שמר וקוה אל אלהיך תמיד
8 vnumber="8"> כנען בידו מאזני מרמה--לעשק אהב
9 vnumber="9"> ויאמר אפרים--אך עשרתי מצאתי און לי כל יגיעי לא ימצאו לי עון אשר חטא
10 vnumber="10"> ואנכי יהוה אלהיך מארץ מצרים עד אושיבך באהלים כימי מועד
11 vnumber="11"> ודברתי על הנביאים ואנכי חזון הרביתי וביד הנביאים אדמה
12 vnumber="12"> אם גלעד און אך שוא היו בגלגל שורים זבחו גם מזבחותם כגלים על תלמי שדי
13 vnumber="13"> ויברח יעקב שדה ארם ויעבד ישראל באשה ובאשה שמר
14 vnumber="14"> ובנביא העלה יהוה את ישראל ממצרים ובנביא נשמר (Hosea 12:15) הכעיס אפרים תמרורים ודמיו עליו יטוש וחרפתו ישיב לו אדניו
art="x-p"/>