1 vnumber="1"> css="font-weight:bold"> א הדבר אשר חזה ישעיהו בן אמוץ על יהודה וירושלם
2 vnumber="2"> css="font-weight:bold"> ב והיה באחרית הימים נכון יהיה הר בית יהוה בראש ההרים ונשא מגבעות ונהרו אליו כל הגוים
3 vnumber="3"> css="font-weight:bold"> ג והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושלם
4 vnumber="4"> css="font-weight:bold"> ד ושפט בין הגוים והוכיח לעמים רבים וכתתו חרבותם לאתים וחניתותיהם למזמרות--לא ישא גוי אל גוי חרב ולא ילמדו עוד מלחמה {פ} art="x-p"/>
5 vnumber="5"> css="font-weight:bold"> ה בית יעקב--לכו ונלכה באור יהוה
6 vnumber="6"> css="font-weight:bold"> ו כי נטשתה עמך בית יעקב--כי מלאו מקדם ועננים כפלשתים ובילדי נכרים ישפיקו
7 vnumber="7"> css="font-weight:bold"> ז ותמלא ארצו כסף וזהב ואין קצה לאצרתיו ותמלא ארצו סוסים ואין קצה למרכבתיו
8 vnumber="8"> css="font-weight:bold"> ח ותמלא ארצו אלילים למעשה ידיו ישתחוו לאשר עשו אצבעתיו
9 vnumber="9"> css="font-weight:bold"> ט וישח אדם וישפל איש ואל תשא להם
10 vnumber="10"> css="font-weight:bold"> י בוא בצור והטמן בעפר מפני פחד יהוה ומהדר גאנו
11 vnumber="11"> css="font-weight:bold"> יא עיני גבהות אדם שפל ושח רום אנשים ונשגב יהוה לבדו ביום ההוא {פ} art="x-p"/>
12 vnumber="12"> css="font-weight:bold"> יב כי יום ליהוה צבאות על כל גאה--ורם ועל כל נשא ושפל
13 vnumber="13"> css="font-weight:bold"> יג ועל כל ארזי הלבנון הרמים והנשאים ועל כל אלוני הבשן
14 vnumber="14"> css="font-weight:bold"> יד ועל כל ההרים הרמים ועל כל הגבעות הנשאות
15 vnumber="15"> css="font-weight:bold"> טו ועל כל מגדל גבה ועל כל חומה בצורה
16 vnumber="16"> css="font-weight:bold"> טז ועל כל אניות תרשיש ועל כל שכיות החמדה
17 vnumber="17"> css="font-weight:bold"> יז ושח גבהות האדם ושפל רום אנשים ונשגב יהוה לבדו ביום ההוא
18 vnumber="18"> css="font-weight:bold"> יח והאלילים כליל יחלף
19 vnumber="19"> css="font-weight:bold"> יט ובאו במערות צרים ובמחלות עפר--מפני פחד יהוה ומהדר גאונו בקומו לערץ הארץ
20 vnumber="20"> css="font-weight:bold"> כ ביום ההוא ישליך האדם את אלילי כספו ואת אלילי זהבו--אשר עשו לו להשתחות לחפר פרות ולעטלפים
21 vnumber="21"> css="font-weight:bold"> כא לבוא בנקרות הצרים ובסעפי הסלעים--מפני פחד יהוה ומהדר גאונו בקומו לערץ הארץ
22 vnumber="22"> css="font-weight:bold"> כב חדלו לכם מן האדם אשר נשמה באפו כי במה נחשב הוא {פ} art="x-p"/>