1 vnumber="1"> css="font-weight:bold"> א הוי אריאל אריאל קרית חנה דוד ספו שנה על שנה חגים ינקפו
2 vnumber="2"> css="font-weight:bold"> ב והציקותי לאריאל והיתה תאניה ואניה והיתה לי כאריאל
3 vnumber="3"> css="font-weight:bold"> ג וחניתי כדור עליך וצרתי עליך מצב והקימתי עליך מצרת
4 vnumber="4"> css="font-weight:bold"> ד ושפלת מארץ תדברי ומעפר תשח אמרתך והיה כאוב מארץ קולך ומעפר אמרתך תצפצף
5 vnumber="5"> css="font-weight:bold"> ה והיה כאבק דק המון זריך וכמץ עבר המון עריצים והיה לפתע פתאם
6 vnumber="6"> css="font-weight:bold"> ו מעם יהוה צבאות תפקד ברעם וברעש וקול גדול סופה וסערה ולהב אש אוכלה
7 vnumber="7"> css="font-weight:bold"> ז והיה כחלום חזון לילה המון כל הגוים הצבאים על אריאל וכל צביה ומצדתה והמציקים לה
8 vnumber="8"> css="font-weight:bold"> ח והיה כאשר יחלם הרעב והנה אוכל והקיץ וריקה נפשו וכאשר יחלם הצמא והנה שתה והקיץ והנה עיף ונפשו שוקקה--כן יהיה המון כל הגוים הצבאים על הר ציון {פ} art="x-p"/>
9 vnumber="9"> css="font-weight:bold"> ט התמהמהו ותמהו השתעשעו ושעו שכרו ולא יין נעו ולא שכר
10 vnumber="10"> css="font-weight:bold"> י כי נסך עליכם יהוה רוח תרדמה ויעצם את עיניכם את הנביאים ואת ראשיכם החזים כסה
11 vnumber="11"> css="font-weight:bold"> יא ותהי לכם חזות הכל כדברי הספר החתום אשר יתנו אתו אל יודע הספר (ספר) לאמר קרא נא זה ואמר לא אוכל כי חתום הוא
12 vnumber="12"> css="font-weight:bold"> יב ונתן הספר על אשר לא ידע ספר לאמר--קרא נא זה ואמר לא ידעתי ספר {ס} art="x-p"/>
13 vnumber="13"> css="font-weight:bold"> יג ויאמר אדני יען כי נגש העם הזה בפיו ובשפתיו כבדוני ולבו רחק ממני--ותהי יראתם אתי מצות אנשים מלמדה
14 vnumber="14"> css="font-weight:bold"> יד לכן הנני יוסף להפליא את העם הזה--הפלא ופלא ואבדה חכמת חכמיו ובינת נבניו תסתתר {ס} art="x-p"/>
15 vnumber="15"> css="font-weight:bold"> טו הוי המעמיקים מיהוה לסתר עצה והיה במחשך מעשיהם ויאמרו מי ראנו ומי ידענו
16 vnumber="16"> css="font-weight:bold"> טז הפככם--אם כחמר היצר יחשב כי יאמר מעשה לעשהו לא עשני ויצר אמר ליצרו לא הבין
17 vnumber="17"> css="font-weight:bold"> יז הלוא עוד מעט מזער ושב לבנון לכרמל והכרמל ליער יחשב
18 vnumber="18"> css="font-weight:bold"> יח ושמעו ביום ההוא החרשים דברי ספר ומאפל ומחשך עיני עורים תראינה
19 vnumber="19"> css="font-weight:bold"> יט ויספו ענוים ביהוה שמחה ואביוני אדם בקדוש ישראל יגילו
20 vnumber="20"> css="font-weight:bold"> כ כי אפס עריץ וכלה לץ ונכרתו כל שקדי און
21 vnumber="21"> css="font-weight:bold"> כא מחטיאי אדם בדבר ולמוכיח בשער יקשון ויטו בתהו צדיק {פ} art="x-p"/>
22 vnumber="22"> css="font-weight:bold"> כב לכן כה אמר יהוה אל בית יעקב אשר פדה את אברהם לא עתה יבוש יעקב ולא עתה פניו יחורו
23 vnumber="23"> css="font-weight:bold"> כג כי בראתו ילדיו מעשה ידי בקרבו--יקדישו שמי והקדישו את קדוש יעקב ואת אלהי ישראל יעריצו
24 vnumber="24"> css="font-weight:bold"> כד וידעו תעי רוח בינה ורוגנים ילמדו לקח {ס} art="x-p"/>