1 vnumber="1"> ועתה כה אמר יהוה בראך יעקב ויצרך ישראל אל תירא כי גאלתיך קראתי בשמך לי אתה
2 vnumber="2"> כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך
3 vnumber="3"> כי אני יהוה אלהיך קדוש ישראל מושיעך נתתי כפרך מצרים כוש וסבא תחתיך
4 vnumber="4"> מאשר יקרת בעיני נכבדת ואני אהבתיך ואתן אדם תחתיך ולאמים תחת נפשך
5 vnumber="5"> אל תירא כי אתך אני ממזרח אביא זרעך וממערב אקבצך
6 vnumber="6"> אמר לצפון תני ולתימן אל תכלאי הביאי בני מרחוק ובנותי מקצה הארץ
7 vnumber="7"> כל הנקרא בשמי ולכבודי בראתיו יצרתיו אף עשיתיו
8 vnumber="8"> הוציא עם עור ועינים יש וחרשים ואזנים למו
9 vnumber="9"> כל הגוים נקבצו יחדו ויאספו לאמים--מי בהם יגיד זאת וראשנות ישמיענו יתנו עדיהם ויצדקו וישמעו ויאמרו אמת
10 vnumber="10"> אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא--לפני לא נוצר אל ואחרי לא יהיה {ס}
art="x-p"/>
11 vnumber="11"> אנכי אנכי יהוה ואין מבלעדי מושיע
12 vnumber="12"> אנכי הגדתי והושעתי והשמעתי--ואין בכם זר ואתם עדי נאם יהוה ואני אל
13 vnumber="13"> גם מיום אני הוא ואין מידי מציל אפעל ומי ישיבנה {ס}
art="x-p"/>
14 vnumber="14"> כה אמר יהוה גאלכם קדוש ישראל למענכם שלחתי בבלה והורדתי בריחים כלם וכשדים באניות רנתם
15 vnumber="15"> אני יהוה קדושכם בורא ישראל מלככם {ס}
art="x-p"/>
16 vnumber="16"> כה אמר יהוה הנותן בים דרך ובמים עזים נתיבה
17 vnumber="17"> המוציא רכב וסוס חיל ועזוז יחדו ישכבו בל יקומו דעכו כפשתה כבו
18 vnumber="18"> אל תזכרו ראשנות וקדמניות אל תתבננו
19 vnumber="19"> הנני עשה חדשה עתה תצמח הלוא תדעוה אף אשים במדבר דרך בישמון נהרות
20 vnumber="20"> תכבדני חית השדה תנים ובנות יענה כי נתתי במדבר מים נהרות בישימן להשקות עמי בחירי
21 vnumber="21"> עם זו יצרתי לי תהלתי יספרו {ס}
art="x-p"/>
22 vnumber="22"> ולא אתי קראת יעקב כי יגעת בי ישראל
23 vnumber="23"> לא הביאת לי שה עלתיך וזבחיך לא כבדתני לא העבדתיך במנחה ולא הוגעתיך בלבונה
24 vnumber="24"> לא קנית לי בכסף קנה וחלב זבחיך לא הרויתני אך העבדתני בחטאותיך הוגעתני בעונתיך
25 vnumber="25"> אנכי אנכי הוא מחה פשעיך למעני וחטאתיך לא אזכר
26 vnumber="26"> הזכירני נשפטה יחד ספר אתה למען תצדק
27 vnumber="27"> אביך הראשון חטא ומליציך פשעו בי
28 vnumber="28"> ואחלל שרי קדש ואתנה לחרם יעקב וישראל לגדופים {פ}
art="x-p"/>