1 vnumber="1"> עורי עורי לבשי עזך ציון לבשי בגדי תפארתך ירושלם עיר הקדש--כי לא יוסיף יבא בך עוד ערל וטמא
2 vnumber="2"> התנערי מעפר קומי שבי ירושלם התפתחו (התפתחי) מוסרי צוארך שביה בת ציון {ס}
art="x-p"/>
3 vnumber="3"> כי כה אמר יהוה חנם נמכרתם ולא בכסף תגאלו {ס}
art="x-p"/>
4 vnumber="4"> כי כה אמר אדני יהוה מצרים ירד עמי בראשנה לגור שם ואשור באפס עשקו
5 vnumber="5"> ועתה מה לי פה נאם יהוה כי לקח עמי חנם משלו יהילילו נאם יהוה ותמיד כל היום שמי מנאץ
6 vnumber="6"> לכן ידע עמי שמי לכן ביום ההוא כי אני הוא המדבר הנני {ס}
art="x-p"/>
7 vnumber="7"> מה נאוו על ההרים רגלי מבשר משמיע שלום מבשר טוב--משמיע ישועה אמר לציון מלך אלהיך
8 vnumber="8"> קול צפיך נשאו קול יחדו ירננו כי עין בעין יראו בשוב יהוה ציון
9 vnumber="9"> פצחו רננו יחדו חרבות ירושלם כי נחם יהוה עמו גאל ירושלם
10 vnumber="10"> חשף יהוה את זרוע קדשו לעיני כל הגוים וראו כל אפסי ארץ את ישועת אלהינו {ס}
art="x-p"/>
11 vnumber="11"> סורו סורו צאו משם טמא אל תגעו צאו מתוכה--הברו נשאי כלי יהוה
12 vnumber="12"> כי לא בחפזון תצאו ובמנוסה לא תלכון כי הלך לפניכם יהוה ומאספכם אלהי ישראל {ס}
art="x-p"/>
13 vnumber="13"> הנה ישכיל עבדי ירום ונשא וגבה מאד
14 vnumber="14"> כאשר שממו עליך רבים כן משחת מאיש מראהו ותארו מבני אדם
15 vnumber="15"> כן יזה גוים רבים עליו יקפצו מלכים פיהם כי אשר לא ספר להם ראו ואשר לא שמעו התבוננו {ס}
art="x-p"/>