1 vnumber="1"> css="font-weight:bold"> א הוי כל צמא לכו למים ואשר אין לו כסף לכו שברו ואכלו ולכו שברו בלוא כסף ובלוא מחיר יין וחלב
2 vnumber="2"> css="font-weight:bold"> ב למה תשקלו כסף בלוא לחם ויגיעכם בלוא לשבעה שמעו שמוע אלי ואכלו טוב ותתענג בדשן נפשכם
3 vnumber="3"> css="font-weight:bold"> ג הטו אזנכם ולכו אלי שמעו ותחי נפשכם ואכרתה לכם ברית עולם חסדי דוד הנאמנים
4 vnumber="4"> css="font-weight:bold"> ד הן עד לאומים נתתיו נגיד ומצוה לאמים
5 vnumber="5"> css="font-weight:bold"> ה הן גוי לא תדע תקרא וגוי לא ידעוך אליך ירוצו--למען יהוה אלהיך ולקדוש ישראל כי פארך {ס} art="x-p"/>
6 vnumber="6"> css="font-weight:bold"> ו דרשו יהוה בהמצאו קראהו בהיותו קרוב
7 vnumber="7"> css="font-weight:bold"> ז יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח
8 vnumber="8"> css="font-weight:bold"> ח כי לא מחשבותי מחשבותיכם ולא דרכיכם דרכי--נאם יהוה
9 vnumber="9"> css="font-weight:bold"> ט כי גבהו שמים מארץ--כן גבהו דרכי מדרכיכם ומחשבתי ממחשבתיכם
10 vnumber="10"> css="font-weight:bold"> י כי כאשר ירד הגשם והשלג מן השמים ושמה לא ישוב--כי אם הרוה את הארץ והולידה והצמיחה ונתן זרע לזרע ולחם לאכל
11 vnumber="11"> css="font-weight:bold"> יא כן יהיה דברי אשר יצא מפי לא ישוב אלי ריקם כי אם עשה את אשר חפצתי והצליח אשר שלחתיו
12 vnumber="12"> css="font-weight:bold"> יב כי בשמחה תצאו ובשלום תובלון ההרים והגבעות יפצחו לפניכם רנה וכל עצי השדה ימחאו כף
13 vnumber="13"> css="font-weight:bold"> יג תחת הנעצוץ יעלה ברוש תחת (ותחת) הסרפד יעלה הדס והיה ליהוה לשם לאות עולם לא יכרת {פ} art="x-p"/>