1 vnumber="1"> css="font-weight:bold"> א ויהי בימי אחז בן יותם בן עזיהו מלך יהודה עלה רצין מלך ארם ופקח בן רמליהו מלך ישראל ירושלם למלחמה עליה ולא יכל להלחם עליה
2 vnumber="2"> css="font-weight:bold"> ב ויגד לבית דוד לאמר נחה ארם על אפרים וינע לבבו ולבב עמו כנוע עצי יער מפני רוח {ס} art="x-p"/>
3 vnumber="3"> css="font-weight:bold"> ג ויאמר יהוה אל ישעיהו צא נא לקראת אחז אתה ושאר ישוב בנך אל קצה תעלת הברכה העליונה--אל מסלת שדה כובס
4 vnumber="4"> css="font-weight:bold"> ד ואמרת אליו השמר והשקט אל תירא ולבבך אל ירך משני זנבות האודים העשנים האלה--בחרי אף רצין וארם ובן רמליהו
5 vnumber="5"> css="font-weight:bold"> ה יען כי יעץ עליך ארם--רעה אפרים ובן רמליהו לאמר
6 vnumber="6"> css="font-weight:bold"> ו נעלה ביהודה ונקיצנה ונבקענה אלינו ונמליך מלך בתוכה את בן טבאל {פ} art="x-p"/>
7 vnumber="7"> css="font-weight:bold"> ז כה אמר אדני יהוה לא תקום ולא תהיה
8 vnumber="8"> css="font-weight:bold"> ח כי ראש ארם דמשק וראש דמשק רצין ובעוד ששים וחמש שנה יחת אפרים מעם
9 vnumber="9"> css="font-weight:bold"> ט וראש אפרים שמרון וראש שמרון בן רמליהו אם לא תאמינו כי לא תאמנו {פ} art="x-p"/>
10 vnumber="10"> css="font-weight:bold"> י ויוסף יהוה דבר אל אחז לאמר
11 vnumber="11"> css="font-weight:bold"> יא שאל לך אות מעם יהוה אלהיך העמק שאלה או הגבה למעלה
12 vnumber="12"> css="font-weight:bold"> יב ויאמר אחז לא אשאל ולא אנסה את יהוה
13 vnumber="13"> css="font-weight:bold"> יג ויאמר שמעו נא בית דוד המעט מכם הלאות אנשים כי תלאו גם את אלהי
14 vnumber="14"> css="font-weight:bold"> יד לכן יתן אדני הוא לכם--אות הנה העלמה הרה וילדת בן וקראת שמו עמנו אל
15 vnumber="15"> css="font-weight:bold"> טו חמאה ודבש יאכל--לדעתו מאוס ברע ובחור בטוב
16 vnumber="16"> css="font-weight:bold"> טז כי בטרם ידע הנער מאס ברע--ובחר בטוב תעזב האדמה אשר אתה קץ מפני שני מלכיה
17 vnumber="17"> css="font-weight:bold"> יז יביא יהוה עליך ועל עמך ועל בית אביך ימים אשר לא באו למיום סור אפרים מעל יהודה את מלך אשור {פ} art="x-p"/>
18 vnumber="18"> css="font-weight:bold"> יח והיה ביום ההוא ישרק יהוה לזבוב אשר בקצה יארי מצרים ולדבורה--אשר בארץ אשור
19 vnumber="19"> css="font-weight:bold"> יט ובאו ונחו כלם בנחלי הבתות ובנקיקי הסלעים ובכל הנעצוצים ובכל הנהללים
20 vnumber="20"> css="font-weight:bold"> כ ביום ההוא יגלח אדני בתער השכירה בעברי נהר במלך אשור את הראש ושער הרגלים וגם את הזקן תספה {פ} art="x-p"/>
21 vnumber="21"> css="font-weight:bold"> כא והיה ביום ההוא יחיה איש עגלת בקר ושתי צאן
22 vnumber="22"> css="font-weight:bold"> כב והיה מרב עשות חלב--יאכל חמאה כי חמאה ודבש יאכל כל הנותר בקרב הארץ {ס} art="x-p"/>
23 vnumber="23"> css="font-weight:bold"> כג והיה ביום ההוא--יהיה כל מקום אשר יהיה שם אלף גפן באלף כסף לשמיר ולשית יהיה
24 vnumber="24"> css="font-weight:bold"> כד בחצים ובקשת יבוא שמה כי שמיר ושית תהיה כל הארץ
25 vnumber="25"> css="font-weight:bold"> כה וכל ההרים אשר במעדר יעדרון--לא תבוא שמה יראת שמיר ושית והיה למשלח שור ולמרמס שה {פ} art="x-p"/>