1 vnumber="1"> css="font-weight:bold"> א אשר היה דבר יהוה אל ירמיהו על דברי הבצרות
2 vnumber="2"> css="font-weight:bold"> ב אבלה יהודה ושעריה אמללו קדרו לארץ וצוחת ירושלם עלתה
3 vnumber="3"> css="font-weight:bold"> ג ואדריהם שלחו צעוריהם (צעיריהם) למים באו על גבים לא מצאו מים שבו כליהם ריקם--בשו והכלמו וחפו ראשם
4 vnumber="4"> css="font-weight:bold"> ד בעבור האדמה חתה כי לא היה גשם בארץ בשו אכרים חפו ראשם
5 vnumber="5"> css="font-weight:bold"> ה כי גם אילת בשדה ילדה ועזוב כי לא היה דשא
6 vnumber="6"> css="font-weight:bold"> ו ופראים עמדו על שפים שאפו רוח כתנים כלו עיניהם כי אין עשב
7 vnumber="7"> css="font-weight:bold"> ז אם עונינו ענו בנו--יהוה עשה למען שמך כי רבו משובתינו לך חטאנו
8 vnumber="8"> css="font-weight:bold"> ח מקוה ישראל מושיעו בעת צרה--למה תהיה כגר בארץ וכארח נטה ללון
9 vnumber="9"> css="font-weight:bold"> ט למה תהיה כאיש נדהם כגבור לא יוכל להושיע ואתה בקרבנו יהוה ושמך עלינו נקרא--אל תנחנו {ס} art="x-p"/>
10 vnumber="10"> css="font-weight:bold"> י כה אמר יהוה לעם הזה כן אהבו לנוע--רגליהם לא חשכו ויהוה לא רצם--עתה יזכר עונם ויפקד חטאתם {פ} art="x-p"/>
11 vnumber="11"> css="font-weight:bold"> יא ויאמר יהוה אלי אל תתפלל בעד העם הזה לטובה
12 vnumber="12"> css="font-weight:bold"> יב כי יצמו אינני שמע אל רנתם וכי יעלו עלה ומנחה אינני רצם כי בחרב וברעב ובדבר אנכי מכלה אותם {ס} art="x-p"/>
13 vnumber="13"> css="font-weight:bold"> יג ואמר אהה אדני יהוה הנה הנבאים אמרים להם לא תראו חרב ורעב לא יהיה לכם כי שלום אמת אתן לכם במקום הזה {ס} art="x-p"/>
14 vnumber="14"> css="font-weight:bold"> יד ויאמר יהוה אלי שקר הנבאים נבאים בשמי--לא שלחתים ולא צויתים ולא דברתי אליהם חזון שקר וקסם ואלול (ואליל) ותרמות (ותרמית) לבם המה מתנבאים לכם {ס} art="x-p"/>
15 vnumber="15"> css="font-weight:bold"> טו לכן כה אמר יהוה על הנבאים הנבאים בשמי ואני לא שלחתים והמה אמרים חרב ורעב לא יהיה בארץ הזאת בחרב וברעב יתמו הנבאים ההמה
16 vnumber="16"> css="font-weight:bold"> טז והעם אשר המה נבאים להם יהיו משלכים בחצות ירושלם מפני הרעב והחרב ואין מקבר להמה--המה נשיהם ובניהם ובנתיהם ושפכתי עליהם את רעתם
17 vnumber="17"> css="font-weight:bold"> יז ואמרת אליהם את הדבר הזה תרדנה עיני דמעה לילה ויומם ואל תדמינה כי שבר גדול נשברה בתולת בת עמי--מכה נחלה מאד
18 vnumber="18"> css="font-weight:bold"> יח אם יצאתי השדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו {ס} art="x-p"/>
19 vnumber="19"> css="font-weight:bold"> יט המאס מאסת את יהודה אם בציון געלה נפשך--מדוע הכיתנו ואין לנו מרפא קוה לשלום ואין טוב ולעת מרפא והנה בעתה
20 vnumber="20"> css="font-weight:bold"> כ ידענו יהוה רשענו עון אבותינו כי חטאנו לך
21 vnumber="21"> css="font-weight:bold"> כא אל תנאץ למען שמך אל תנבל כסא כבודך זכר אל תפר בריתך אתנו
22 vnumber="22"> css="font-weight:bold"> כב היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך--כי אתה עשית את כל אלה {פ} art="x-p"/>