1 vnumber="1"> אשר היה דבר יהוה אל ירמיהו על דברי הבצרות
2 vnumber="2"> אבלה יהודה ושעריה אמללו קדרו לארץ וצוחת ירושלם עלתה
3 vnumber="3"> ואדריהם שלחו צעוריהם (צעיריהם) למים באו על גבים לא מצאו מים שבו כליהם ריקם--בשו והכלמו וחפו ראשם
4 vnumber="4"> בעבור האדמה חתה כי לא היה גשם בארץ בשו אכרים חפו ראשם
5 vnumber="5"> כי גם אילת בשדה ילדה ועזוב כי לא היה דשא
6 vnumber="6"> ופראים עמדו על שפים שאפו רוח כתנים כלו עיניהם כי אין עשב
7 vnumber="7"> אם עונינו ענו בנו--יהוה עשה למען שמך כי רבו משובתינו לך חטאנו
8 vnumber="8"> מקוה ישראל מושיעו בעת צרה--למה תהיה כגר בארץ וכארח נטה ללון
9 vnumber="9"> למה תהיה כאיש נדהם כגבור לא יוכל להושיע ואתה בקרבנו יהוה ושמך עלינו נקרא--אל תנחנו {ס}
art="x-p"/>
10 vnumber="10"> כה אמר יהוה לעם הזה כן אהבו לנוע--רגליהם לא חשכו ויהוה לא רצם--עתה יזכר עונם ויפקד חטאתם {פ}
art="x-p"/>
11 vnumber="11"> ויאמר יהוה אלי אל תתפלל בעד העם הזה לטובה
12 vnumber="12"> כי יצמו אינני שמע אל רנתם וכי יעלו עלה ומנחה אינני רצם כי בחרב וברעב ובדבר אנכי מכלה אותם {ס}
art="x-p"/>
13 vnumber="13"> ואמר אהה אדני יהוה הנה הנבאים אמרים להם לא תראו חרב ורעב לא יהיה לכם כי שלום אמת אתן לכם במקום הזה {ס}
art="x-p"/>
14 vnumber="14"> ויאמר יהוה אלי שקר הנבאים נבאים בשמי--לא שלחתים ולא צויתים ולא דברתי אליהם חזון שקר וקסם ואלול (ואליל) ותרמות (ותרמית) לבם המה מתנבאים לכם {ס}
art="x-p"/>
15 vnumber="15"> לכן כה אמר יהוה על הנבאים הנבאים בשמי ואני לא שלחתים והמה אמרים חרב ורעב לא יהיה בארץ הזאת בחרב וברעב יתמו הנבאים ההמה
16 vnumber="16"> והעם אשר המה נבאים להם יהיו משלכים בחצות ירושלם מפני הרעב והחרב ואין מקבר להמה--המה נשיהם ובניהם ובנתיהם ושפכתי עליהם את רעתם
17 vnumber="17"> ואמרת אליהם את הדבר הזה תרדנה עיני דמעה לילה ויומם ואל תדמינה כי שבר גדול נשברה בתולת בת עמי--מכה נחלה מאד
18 vnumber="18"> אם יצאתי השדה והנה חללי חרב ואם באתי העיר והנה תחלואי רעב כי גם נביא גם כהן סחרו אל ארץ ולא ידעו {ס}
art="x-p"/>
19 vnumber="19"> המאס מאסת את יהודה אם בציון געלה נפשך--מדוע הכיתנו ואין לנו מרפא קוה לשלום ואין טוב ולעת מרפא והנה בעתה
20 vnumber="20"> ידענו יהוה רשענו עון אבותינו כי חטאנו לך
21 vnumber="21"> אל תנאץ למען שמך אל תנבל כסא כבודך זכר אל תפר בריתך אתנו
22 vnumber="22"> היש בהבלי הגוים מגשמים ואם השמים יתנו רבבים הלא אתה הוא יהוה אלהינו ונקוה לך--כי אתה עשית את כל אלה {פ}
art="x-p"/>