1 vnumber="1"> css="font-weight:bold"> א וישמע פשחור בן אמר הכהן והוא פקיד נגיד בבית יהוה את ירמיהו נבא את הדברים האלה
2 vnumber="2"> css="font-weight:bold"> ב ויכה פשחור את ירמיהו הנביא ויתן אתו על המהפכת אשר בשער בנימן העליון אשר בבית יהוה
3 vnumber="3"> css="font-weight:bold"> ג ויהי ממחרת ויצא פשחור את ירמיהו מן המהפכת ויאמר אליו ירמיהו לא פשחור קרא יהוה שמך--כי אם מגור מסביב {ס} art="x-p"/>
4 vnumber="4"> css="font-weight:bold"> ד כי כה אמר יהוה הנני נתנך למגור לך ולכל אהביך ונפלו בחרב איביהם--ועיניך ראות ואת כל יהודה אתן ביד מלך בבל והגלם בבלה והכם בחרב
5 vnumber="5"> css="font-weight:bold"> ה ונתתי את כל חסן העיר הזאת ואת כל יגיעה ואת כל יקרה ואת כל אוצרות מלכי יהודה אתן ביד איביהם ובזזום ולקחום והביאום בבלה
6 vnumber="6"> css="font-weight:bold"> ו ואתה פשחור וכל ישבי ביתך תלכו בשבי ובבל תבוא ושם תמות ושם תקבר--אתה וכל אהביך אשר נבאת להם בשקר {פ} art="x-p"/>
7 vnumber="7"> css="font-weight:bold"> ז פתיתני יהוה ואפת חזקתני ותוכל הייתי לשחוק כל היום כלה לעג לי
8 vnumber="8"> css="font-weight:bold"> ח כי מדי אדבר אזעק חמס ושד אקרא כי היה דבר יהוה לי לחרפה ולקלס כל היום
9 vnumber="9"> css="font-weight:bold"> ט ואמרתי לא אזכרנו ולא אדבר עוד בשמו והיה בלבי כאש בערת עצר בעצמתי ונלאיתי כלכל ולא אוכל
10 vnumber="10"> css="font-weight:bold"> י כי שמעתי דבת רבים מגור מסביב הגידו ונגידנו כל אנוש שלמי שמרי צלעי אולי יפתה ונוכלה לו ונקחה נקמתנו ממנו
11 vnumber="11"> css="font-weight:bold"> יא ויהוה אותי כגבור עריץ על כן רדפי יכשלו ולא יכלו בשו מאד כי לא השכילו כלמת עולם לא תשכח
12 vnumber="12"> css="font-weight:bold"> יב ויהוה צבאות בחן צדיק ראה כליות ולב אראה נקמתך מהם כי אליך גליתי את ריבי {ס} art="x-p"/>
13 vnumber="13"> css="font-weight:bold"> יג שירו ליהוה--הללו את יהוה כי הציל את נפש אביון מיד מרעים {ס} art="x-p"/>
14 vnumber="14"> css="font-weight:bold"> יד ארור היום אשר ילדתי בו יום אשר ילדתני אמי אל יהי ברוך
15 vnumber="15"> css="font-weight:bold"> טו ארור האיש אשר בשר את אבי לאמר ילד לך בן זכר--שמח שמחהו
16 vnumber="16"> css="font-weight:bold"> טז והיה האיש ההוא כערים אשר הפך יהוה ולא נחם ושמע זעקה בבקר ותרועה בעת צהרים
17 vnumber="17"> css="font-weight:bold"> יז אשר לא מותתני מרחם ותהי לי אמי קברי ורחמה הרת עולם
18 vnumber="18"> css="font-weight:bold"> יח למה זה מרחם יצאתי לראות עמל ויגון ויכלו בבשת ימי {פ} art="x-p"/>