1 vnumber="1"> כה אמר יהוה מצא חן במדבר עם שרידי חרב הלוך להרגיעו ישראל
2 vnumber="2"> מרחוק יהוה נראה לי ואהבת עולם אהבתיך על כן משכתיך חסד
3 vnumber="3"> עוד אבנך ונבנית בתולת ישראל עוד תעדי תפיך ויצאת במחול משחקים
4 vnumber="4"> עוד תטעי כרמים בהרי שמרון נטעו נטעים וחללו
5 vnumber="5"> כי יש יום קראו נצרים בהר אפרים קומו ונעלה ציון אל יהוה אלהינו {פ}
art="x-p"/>
6 vnumber="6"> כי כה אמר יהוה רנו ליעקב שמחה וצהלו בראש הגוים השמיעו הללו ואמרו הושע יהוה את עמך את שארית ישראל
7 vnumber="7"> הנני מביא אותם מארץ צפון וקבצתים מירכתי ארץ--בם עור ופסח הרה וילדת יחדו קהל גדול ישובו הנה
8 vnumber="8"> בבכי יבאו ובתחנונים אובילם--אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא {ס}
art="x-p"/>
9 vnumber="9"> שמעו דבר יהוה גוים והגידו באיים ממרחק ואמרו מזרה ישראל יקבצנו ושמרו כרעה עדרו
10 vnumber="10"> כי פדה יהוה את יעקב וגאלו מיד חזק ממנו
11 vnumber="11"> ובאו ורננו במרום ציון ונהרו אל טוב יהוה על דגן ועל תירש ועל יצהר ועל בני צאן ובקר והיתה נפשם כגן רוה ולא יוסיפו לדאבה עוד
12 vnumber="12"> אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונם
13 vnumber="13"> ורויתי נפש הכהנים דשן ועמי את טובי ישבעו נאם יהוה {ס}
art="x-p"/>
14 vnumber="14"> כה אמר יהוה קול ברמה נשמע נהי בכי תמרורים--רחל מבכה על בניה מאנה להנחם על בניה כי איננו {ס}
art="x-p"/>
15 vnumber="15"> כה אמר יהוה מנעי קולך מבכי ועיניך מדמעה כי יש שכר לפעלתך נאם יהוה ושבו מארץ אויב
16 vnumber="16"> ויש תקוה לאחריתך נאם יהוה ושבו בנים לגבולם {ס}
art="x-p"/>
17 vnumber="17"> שמוע שמעתי אפרים מתנודד יסרתני ואוסר כעגל לא למד השבני ואשובה כי אתה יהוה אלהי
18 vnumber="18"> כי אחרי שובי נחמתי ואחרי הודעי ספקתי על ירך בשתי וגם נכלמתי כי נשאתי חרפת נעורי
19 vnumber="19"> הבן יקיר לי אפרים אם ילד שעשעים--כי מדי דברי בו זכר אזכרנו עוד על כן המו מעי לו--רחם ארחמנו נאם יהוה {ס}
art="x-p"/>
20 vnumber="20"> הציבי לך צינים שמי לך תמרורים--שתי לבך למסלה דרך הלכתי (הלכת) שובי בתולת ישראל שבי אל עריך אלה
21 vnumber="21"> עד מתי תתחמקין הבת השובבה כי ברא יהוה חדשה בארץ נקבה תסובב גבר {ס}
art="x-p"/>
22 vnumber="22"> כה אמר יהוה צבאות אלהי ישראל עוד יאמרו את הדבר הזה בארץ יהודה ובעריו בשובי את שבותם יברכך יהוה נוה צדק הר הקדש
23 vnumber="23"> וישבו בה יהודה וכל עריו יחדו אכרים ונסעו בעדר
24 vnumber="24"> כי הרויתי נפש עיפה וכל נפש דאבה מלאתי
25 vnumber="25"> על זאת הקיצתי ואראה ושנתי ערבה לי {ס}
art="x-p"/>
26 vnumber="26"> הנה ימים באים נאם יהוה וזרעתי את בית ישראל ואת בית יהודה זרע אדם וזרע בהמה
27 vnumber="27"> והיה כאשר שקדתי עליהם לנתוש ולנתוץ ולהרס--ולהאביד ולהרע כן אשקד עליהם לבנות ולנטוע נאם יהוה
28 vnumber="28"> בימים ההם--לא יאמרו עוד אבות אכלו בסר ושני בנים תקהינה
29 vnumber="29"> כי אם איש בעונו ימות כל האדם האכל הבסר תקהינה שניו {ס}
art="x-p"/>
30 vnumber="30"> הנה ימים באים נאם יהוה וכרתי את בית ישראל ואת בית יהודה--ברית חדשה
31 vnumber="31"> לא כברית אשר כרתי את אבותם ביום החזיקי בידם להוציאם מארץ מצרים אשר המה הפרו את בריתי ואנכי בעלתי בם--נאם יהוה
32 vnumber="32"> כי זאת הברית אשר אכרת את בית ישראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם
33 vnumber="33"> ולא ילמדו עוד איש את רעהו ואיש את אחיו לאמר דעו את יהוה כי כולם ידעו אותי למקטנם ועד גדולם נאם יהוה--כי אסלח לעונם ולחטאתם לא אזכר עוד {ס}
art="x-p"/>
34 vnumber="34"> כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו
35 vnumber="35"> אם ימשו החקים האלה מלפני--נאם יהוה גם זרע ישראל ישבתו מהיות גוי לפני--כל הימים {ס}
art="x-p"/>
36 vnumber="36"> כה אמר יהוה אם ימדו שמים מלמעלה ויחקרו מוסדי ארץ למטה גם אני אמאס בכל זרע ישראל על כל אשר עשו--נאם יהוה {ס}
art="x-p"/>
37 vnumber="37"> הנה ימים (באים) נאם יהוה ונבנתה העיר ליהוה ממגדל חננאל שער הפנה
38 vnumber="38"> ויצא עוד קוה (קו) המדה נגדו על גבעת גרב ונסב געתה
39 vnumber="39"> וכל העמק הפגרים והדשן וכל השרמות (השדמות) עד נחל קדרון עד פנת שער הסוסים מזרחה--קדש ליהוה לא ינתש ולא יהרס עוד לעולם {פ}
art="x-p"/>